8.Сабақтың тақырыбы: Кіші мектепке дейінгі балаларды музыка тыңдауға үйрету әдістемесі.

Сабақтың мақсаты:

Білімділігі: Музыка тыңдау қызмет түрінде кіші топ балаларымен музыка тыңдауда есте сақтау және талғампаздығы , есту сезімімен дыбыстар биіктігінің шығармашылығын асыра білетінін , қабілетін дамытудағы білімділігін оқыту.

Дамытушылығы: Музыка тыңдау қызмет түрінде балаларды жүйелі түрде дағдыландыруға қалыптастыруға үйрету. Әдістемелік тәсілдерді меңгеру дамытушылығы.

Тәрбиелілігі: Музыкалық шығарманы бейнелі орындалуын мұғалімнің көркем образға , көзқарасын білдіретін дауыс интоннациясының тартымдылығымен жылылығы, музыка тыңдауды ұйымдастыруда әдістің негізі болып табылады.Баланың музыкаға деген қызығушылығын арттыру үшін, балалар назарын аударуда жеке- жеке орындау мәнін оқыту.

Аралас сабақ

Дәстүрлі

Көрнекілігі:магнитофон, аспаптар;

Сабақтың барысы:

1. Ұйымдастыру;

2. Жаңа тақырып;

3. Үй тапсырмасын сұрау;

4. Бағалау;

5. Үйге тапсырма;

8.Мектепке дейінгі кіші топтағы балаларды балаларды музыка тыңдауға үйрету әдістемесі.

Оқытудың міндеттері мен мазмұны

Бұл жаста балалар тыңдаудан аздап тәжірибе жинақтайды, оның өзі олардың түйсігін қалыптастырудың жаңа міндеттерін жүктейді. Бірінші кіші топта музыканы зер сала тыңдау шығарма орындалып жатқан кезде әңгімелеспеуді, оған ескертпе жасап, дауыстамау үйретіледі. Екінші кіші топтағылар шағын музыкалық шығармаларды алаңдамай ақырына дейін ден қойып тыңдай білуі тиіс.

Балалардың музыкалық ұғымын қалыптастыра отырып. Педагог олардың жекелеген музыкалық шығармаларды көңілге түйіп, қайта орындалғанда оны тани білетіндей дәрежеге жеткізуге ұмтылады. Балалардың музыкалық есту қабілетін дамыта отырып, ол белгілі мазмұны мен ережесі бар музыкалық-дидактикалық ойындарды енгізеді. Олардың негізінде: музыкалық дыбыстың биіктігі ұзақтығы, динамикасы мен тембрі секілді сан алуан қасиеттерді игеруге бағытталған оқу міндеттері бар. Мәселен, тәрбиеші балаларға арналған әр түрлі аспаптар мен ойыншықтарды таңдай отырып, бірінші сәбилер топтың балаларына соларда ойнауды әрі неде ойнап отырғанын білуді дыбыстың бәсең және қатты шығу дәрежесін салыстыруды ұсынады.

Екінші сәбилер тобында бала қабілетін дамытуға қажетті музыкалық-дидактикалық ойындар біршама күрделене түседі. Мұнда енді дыбыстарды айыру ғана емес, сонымен қатар оларды дыбыстай білу міндеті де қойылады. «Ненің үйшігі» ойынында педагог мысықтың (төменгі дауыс) немесе бала мысықтың (жоғары дауыс) қалай мияулайтынын көрсетуді ұсынады.

«Бәсең және қатты дыбыстар» ойынында балалар музыкаға орай сылдырауықтарын сылдырлатып, белгілі ырғаққа ілесіп,қуыршақпен билейді, жүреді, музыкалық аспаптардың дыбысын тембрі бойынша табады.

Методикалық тәсілдер

Музыка шығарманың бейнелі орындалуы, педагогтың көркем образға көзқарасын білдіретін дауыс интонациясының жылылығы мен тартмдылығы – музыка тыңдауды ұйымдастыру әдісінің негізі болып табылады.

Осымен қатар үш жастағы балалармен жұмыс жүргізгенде оларды музыкаға қызықтыратын көрнекі тәсілдерді, яғни ойыншықты қолданған жөн. Музыканы тыңдай отырып, онда айтылатын ойыншықты көзбен көру балаларды үлкен ризашылық сезіміне бөлейді. Образды көру арқылы қабылдау орындалған әнді түсінуге, оны сақтауға мүмкіндік туғызады. Осы мақсатпен қуыршақ театрының кейіпкерлері де пайдаланылады, сол кейіпкерлердің көмегі арқылы шығарманың мазмұны сахнаға лайықтанылады.

Сондай-ақ, педагогқа қысқаша түсіндірмелер де жәрдемдеседі. Мәселен, балаларды Т. Попатенконың «Мерекелік» әнімен таныстыра отырып, музыкалық жетекші онда жақында мерекенің басталатыны бала бақшаның безендірілетіні сәнді киінген балалар мен үлкендердің жалаушалармен, гүлдермен келетіндігі кешке салют оттарының атылатыны жайлы айтылатынын түсіндіреді. Эмоционалды тон кішкентайларды таныс сөздерді ұғынып әндерді ықыласпен тыңдауға қызықтырып, баулиды. Ән екі-үш рет орындалған соң педагог оның атын қайталап айтады.

Сабақ процесінде балалар нендей шығарманы орындалып жатқанын, қандай музыка екенін, оны қашан білу қажеттігінен хабардар болады.

Екінші сәбилер тобындағы әр алуан музыкалық репертуар баланы музыкаға қызықтыруға, оны қуанышты әсерге жетелеп, қуаттап отыруға көмектеседі. Бұған негізінен музыкалық жетекшінің барлық мәнерлі орындауы ықпал жасайды.

Бұл жаста да ойыншықтар баланың шығармаға деген қызығушылығын туғызатын көрнекі құрал ретінде мәнін жоймайды.

Музыканы игеруге, сондай-ақ, педагогтың қысқаша түсіндірмесі де көмектеседі. Мәселен, жаңа әнмен таныстыру кезінде педагог балалардың назарын музыканың сипатына аударады, неғұрлым айқын көркемдік жақтарын көрсетеді.

Келесі сабақта қайта тыңдау кезінде педагог балалардан жаңадан қандай ән тыңдағандарын, ол естерінде ме екенін сұрайды. Егер балалар оған жауап бере алмаса ән қайта орындалады.

Қайталау сабақтарында музыкалық пьесаның игерілуі қайта пысықталынады. Бұған ойын тәсілдері мүмкіндік тудырады. Музыкалық қабылдауды шыңдай түсетін бұл тәсілдер әрі қарай қолданылмайды. Балалар өздеріне таныс музыканың атын біле отырып тыңдайды.

Сабақтарда, сондай-ақ дидактикалық ойындармен алғашқы танысу ісі жүргізіледі. Жетекші негізгі оқу міндетіне назар аударта отырып мәселен, музыкалық дыбыстың өзіндік қасиеттерін салыстыра қою, ол ойындарды балалармен қатар металлофонда немесе басқа музыкалық аспапта балалардың бос уақытында қайтала орындап береді.

Жыл аяғына қарай балалар онша күрделі емес әндер мен пьесаларды ықыласпен қызыға тыңдауға, таныс әндер образдарды біліп, оларды аауға тиіс.

Баланың музыкалық жетілу дәрежесін анықтай отырып, педагог балаларға таныс ән мен пьесаны білуді, лайықты ойыншықты таңдай алуды, би әуеніне не бесік жырына орай қуыршақтың не істей алатыны көрсетуді, музыкалық-дидактикалық ойында тапсырманы дәл орындауды ұсынады.

9.Сабақтың тақырыбы:Балабақшадғы орта топтарға музыка тыңдау қабілетінің әдістемесін оқыту.

Сабақтың мақсаты:Орта топтардағы балаларды музыка тыңдауға үйретуде балаларды музыклық шығармаларымен тыңдауға дағдыландыру арқылы оларды ұлт мәдениетімен сусындату арқылы қабілеттерін дамыту.

Білімділігі:Орта топта балалардың музыканы қабылдау қабілетімен таныстыру.

Дамытушылығы:Топ репертуармен әуезді тыңдау процесіндегі тәрбиелік міндеттерімен бағдарлама мазмұнымен таныстыру.

Тәрбиелігі:Балаларға әуезді тыңдату жұмысының түрлері:сабақтар, концерт,грам жазбаны тыңдату арқылы тыңдау қызметіне тәрбиелеу.

Аралас сабақ.

Дәстүрлі

Көрнекілігі:Суреттер,видео мәлімет.

Сабақ барысы:

1.Ұйымдастыру

2.Жаңа тақырып: Балабақшадғы орта топтарға музыка тыңдау қабілетінің әдістемесін оқыту.

3.Уй тапсырмасын тексеру.

4.Бағалау.

5. Уйге тапсырма.