21) Денсаулық сақтау мекемелері және олардың түрлерін ашып көрсетіңіз

Қалалық емхана (бұдан әрi - ҚЕ) бекiтiлген тұрғын халқының саны 30000 (отыз мың) адамнан асатын қалаларда, бiрақ кемiнде бiр ҚЕ құрылады және консультациялық-диагностикалық бөлiмшенi, жалпы практика бөлiмшесiн және (немесе) учаскелiк қызмет бөлiмшесiн қамтиды;

дәрiгерлiк амбулатория климаттық-географиялық жағдайларды қоса алғанда, жергiлiктi ерекшелiктердi ескере отырып, бекiтiлген тұрғын халқының саны 30000 (отыз мың) адамнан кем қалаларда ҚЕ-ның құрылымдық бөлiмшесi ретiнде құрылады.

2. Стационарлық көмек көрсететiн денсаулық сақтау мекемелері:

1) аудандық орталық аурухана (бұдан әрi - АОА) аудан орталығында құрылады және құрамына балалар, босандыру, бейiндi және инфекциялық аурулар бөлiмшелерi, сондай-ақ ауылдық аурухана құрылым ретiнде кiретiн көп бейiндi стационар түрiнде ұсынылған.

3. Жедел медициналық жәрдем және санитариялық авиация мекемелері:

1) жедел медициналық жәрдем станциясы тұрғын халқының саны 100000 (бiр жүз мың) адамнан астам қалаларда, облыс орталықтарында, республикалық маңызы бар қалада және астанада құрылады.

Тұрғын халқының саны 100000 (бiр жүз мың) адамнан кем қалаларда жедел медициналық жәрдем станциясы емхананың құрылымдық бөлiмшесi ретiнде құрылады.

2) пациенттiң тұрғын жерiндегi медициналық жабдықтың болмауына немесе медициналық ұйымда тиiстi бiлiктiлiгi бар мамандардың болмауы салдарынан медициналық көмек көрсету мүмкiн болмаған кезде халыққа шұғыл медициналық көмек көрсету бөлiмшесi (санитариялық авиация)облыстық аурухананың құрылымдық бөлiмшесi ретiнде құрылады.

4. Апаттар медицинасы мекемелері:

апаттар медицинасы орталығы республикалық деңгейде құрылады.

5. Қалпына келтiру емi және медициналық оңалту ұйымдары:

санаторий, мамандандырылған санаторий, профилакторий, оңалту орталығы облыстық және республикалық деңгейлерде құрылады.

6. Паллиативтiк көмек және мейiрбике күтiмiн көрсететiн мекемелер:

мейiрбике күтiмi ауруханасы, хоспис аудандық маңызы бар қалаларда, аудан, облыс орталықтарында, республикалық маңызы бар қалада және астанада стационарлық көмек көрсететiн ұйымның мамандандырылған құрылымдық бөлiмшесi ретiнде немесе дербес заңды тұлға ретiнде құрылады.

7. Қан қызметi саласындағы қызметтi жүзеге асыратын мекемелер:

қан орталығы облыстық және республикалық деңгейлерде, республикалық маңызы бар қалада және астанада құрылады.

8. Сот медицинасы және патологиялық анатомия саласындағы қызметтi жүзеге асыратын мекмелер:

1) сот медицинасы орталығы облыс орталықтарындағы филиалдарымен республикалық деңгейде құрылады;

2) патологиялық анатомиялық бюро, орталықтандырылған патологиялық анатомиялық бөлiмше және (немесе) патологиялық анатомиялық бөлiмше облыстық деңгейде, республикалық маңызы бар қалада және астанада стационарлық көмек көрсететiн мекеменің құрылымдық бөлiмшесi ретiнде құрылады.

Аудандық деңгейде орталықтандырылған патологиялық-анатомиялық бөлiмше және (немесе) патологиялық-анатомиялық бөлiмше стационарлық көмек көрсететiн ұйымының құрылымдық бөлiмшесi ретiнде құрылады.

9. Фармацевтикалық қызметтi жүзеге асыратын денсаулық сақтаумекемелері:

дәрiхана, алғашқы медициналық-санитариялық, консультациялық-диагностикалық көмек көрсететiн денсаулық сақтау ұйымдарындағы дәрiхана пунктi, шалғайдағы ауылдық жерлерге арналған жылжымалы дәрiхана пунктi, дәрiхана қоймасы денсаулық сақтау ұйымдарының құрылымдық бөлiмшесi ретiнде құрылады.

10. Халықтың санитариялық-эпидемиологиялық салауаттылығы саласындағы қызметтi жүзеге асыратын денсаулық сақтау мекмелері республикалық деңгейде құрылады:

1) санитариялық-эпидемиологиялық сараптама орталығы;

2) санитариялық-эпидемиологиялық станция;

3) обаға қарсы станция;

4) дезинфекция станциясы.

11. Денсаулық сақтау саласындағы ғылыми мекемелер:

ғылыми орталық, ғылыми-зерттеу институты республикалық деңгейде, республикалық маңызы бар қалада және астанада құрылады.

12. Денсаулық сақтау саласындағы бiлiм беру ұйымдары:

орта медициналық және фармацевтикалық бiлiм беру ұйымдары, жоғары және жоғары оқу орнынан кейiнгi медициналық және фармацевтикалық бiлiм беру ұйымдары республикалық деңгейде, облыстық, аудандық (аудандық маңызы бар қалада) деңгейлерде республикалық маңызы бар қалада, астанада құрылады.