1.9 Курстың саясаты мен процедурасы

Сабаққа барлық студенттер қатысуы керек, қатыспаған сабақты өтейді. Практикалық сабақты кезекті бақылау ретінде уақытында тапсыру қажет. Уақытында тапсырмаса кезекті бақылаудың баллы төмендетіледі. Аралық бақылау тест түрінде қарастырылған және оқу графигінің календарлық жоспары бойынша орындалады.

2. Негізгі таратылатын материалдар мазмұны

   0. Курстың тақырыптық жоспары

№	Тақырып атауы	Академиялық сағат саны
		Дәріс	Практи-калық	СОӨЖ	СӨЖ
1	Кіріспе. Бұрғыаттыру жұмыстарының негізгі көрсеткіштері	2	2	4	4
2	Тарамды ұңғымалар жинағының параметрлерін анықтау	2	2	4	4
3	Тарамды ұңғымалар жинағының толық оқталмау коэффициентін анықтау	2	2	4	4
4	Жыныс кесектерінің ұшып шашырауының қауіпті аумағын анықтау	2	2	4	4
5	Тазарта қазу жұмыстарын жүргізу кезінде А. Н. Ханукаев әдістемесі бойынша кідіртпелі уақыт аралығының оңтайлы шамасын есептеу	2	2	4	4
6	Қатар және тарам аралығындағы оңтайлы кідіртпелі уақытты анықтау.	2	2	4	4
7	Ұңғымалық оқтамдар атылысының теріс нәтижелері және олардың алдын алу тәсілдері.	2	2	4	4
8	Лақтырысты және түсірілгі атылысы, қопсытудың шоғырлаған оқтамдарының атылысы кезінде жыныс кесектерінің ұшуы бойынша қауіпсіз қашықтық.	2	2	4	4
9	Атылыс кезінде сейсмикалық қауіпсіз қашықтықты анықтау	2	2	4	4
10	Тар, қиын жағдайларда аттыру жұмыстары	2	2	4	4
11	Соққылық ауа толқындары әсерінің құрылыстар мен ғимараттар үшін қауіпсіз қашықтығы	2	2	4	4
12	Сыртқы және ұңғымалық (шпурлық) оқтамдардың атылысы кезінде, соққылық ауа толқындарының әйнек, терезелерге әсерінің қауіпсіз қашықтығы	2	2	4	4
13	Дүмпудің (детонация) берілуі бойынша қауіпсіз қашықтығын анықтау	2	2	4	4
14	Найзағай тартқыштарды қорғау аумағы.	2	2	4	4
15	Желдетіс жоспарларын құру нұсқаунамасы.	2	2	4	4
	Барлығы (сағ)	30	30	60	60

Дәрістік сабақ конспектілері

1 дәріс. 1.1 Кіріспе.

Халық шаруашылығының басқа салалары арасында тау – кен өнеркәсібі маңызды орын алады. Оның жағдайы (өндірілген шикізат қоры) еліміздің байлығын, оның қуатын және дамуын көрсетеді. Тау – кен өнеркәсібінің экономикасы еліміздің экономикасының нығаюына үлесі зор. Еліміздің шикізатқа деген сұранысының өсуі кен геологиялық жағдайлары күрделі, жер бетінен тереңде жатқан кенорындарын игеруге қажет етеді.

Кен өндірісі тау - кен ғылымының алдына жаңа, өте күрделі проблемалар мен мәселелерді шешу міндеті қойылды.

Академик Мельников тау – кен ғылымын бірнеше ғылымдардың жиынтығы ретінде көрсетеді. Олар: 1) минералды шикізат кенорындарының табиғи шоғырлану жағдайлары және кен қазбаларын өтумен байланысты жер қыртысында жүретін физикалық құбылыстар мен процестер; 2) пайдалықазбалады қазу мен байытудың технологиялық тәсілдері; 3) кенорындарын қауіпсіз және экономикалық тұрғыда тиімді қазуды қамтамасыз ететін өндірісті ұйымдастыру.

Жерасты кен жұмыстарын жүргізудің арнайы сұрақтары пәні аттыру жұмыстарын қауіпсіз жүргізудің және аттырыс материалдары қоймаларын жобалаудың сұрақтарын терең зерттеуге мүмкіндік береді, бұл мәселелер өндірісте келешек мамандарға жиі кездеседі және бұл мәселелерді шешуі тиіс болады. Бұл пәннің өзіне тән ерекшелігі ол арттыру жұмыстарының қауіпсіздігін қамтамасыз ететін аттыру жұмыстарының параметрлерін анықтауға көңіл бөлінеді. Осыған байланысты қолайсыз аттырыстардың мүмкін себептері талқыланады және оларды дұрыстаудың тәсілдерін қарастырады. Мұнан басқа аттыру жұмыстарын тар (қиын) жағдайларда жүргізу яғни, тұрғын және өндірістік ғимараттарға жақын маңда және көптеген жабдықтар, кабельді тораптар және басқа да құралдар орналастырылған кен қазбаларында жүргізудің сұрақтары қарастырылған.