Часовы план рэйду

16.00 Пачатак паходу з картай. Знаёмімся з мясцовасцю, разрухваем ногі.

16.45 Кароткі зімны падмацунак і хвіліна адпачынку перад выхадам па азімуце.

17.00 – 18.00 Паход па азімуце.

18.00 – 19.30 Кароткая стаянка. Усе павінны ўзяць удзел у падрыхтоўцы: збор галінак і хворасту, падрыхтоўка месца для вогнішча, падмацунку, прыгатаванне супу, каб усе разагрэліся. Ужо робіцца цёмна.

19.30 – 20.30 Начны паход па азімуце. Затрымліваемся на невялікай палянцы, дзе адпачываем... Зноў у хуткім тэмпе разбіваем намёты, збіраем драўніну для вогнішча. Усё кап’ё працуе прадуктыўна. Яшчэ штосьці перакусіць, пару песень, малітва і... у спальнікі.

Назаўтра

Пасля добрага сняданку цэлую гадзіну ідзём па азімуце.

Выходзім на дарогу, якая вядзе да месца сустрэчы з душпастырам. Праз некалькі хвілін сустракаем Пана Езуса ў Эўхарыстыі.

Абед, хвіліна для адпачынку, якая-небудзь гульня і зноў крыху маршу ў напрамку месца заканчэчння рэйду. Калі рэйд трохдзённы, правядзенне яго можа быць падобным. Важна акрэсліць межы працягу маршу: 3 гадзіны ў дзень і гадзіны ноччу цалкам дастаткова для тваіх хлопцаў. Час, патрэбны для пастою і лагеру, трэба разлічваць і поўнасцю выконваць.

Бяспека

Праграма, як і маршрут рэйду, прадстаўляюцца дружыноваму, які вызначыць на трасе абавязковы пункт для сувязі, праз які неабходна прайсці. Аднак гэты кантакт неабавязковы, калі ёсць магчымасць радыёсувязі ці па тэлефоне, і з’яўляецца так званай “картай бяспекі”, дзякуючы якой у патрэбе шэф зможа вас знайсці.

Радыёсувязь/тэлефон – “карта бяспекі”

КАЛІ ТВАЯ ДРУЖЫНА МАЕ РАДЫЁТЭЛЕФОНЫ,

ВЕДАЙ, ШТО ЯНЫ НЕ СЛУЖАЦЬ ДЛЯ ЗАБАВЫ!

РАДЫЁ ПЕРАД УСІМ – ІНСТРУМЕНТ БЯСПЕКІ.

У ВЫПАДКУ РАДЫЁТЭЛЕФОН ДАПАМОЖА АБ’ЯВІЦЬ ТРЫВОГУ.

Таксама патрэбная “карта бяспекі”. Вось яе ўзор:

1. На пластыкавай празрыстай плёнцы фармату А3 (42х29,7 см) тушшу малюем сетку з клеткай 1х1 см.

2. Вертыкальны слупок ад 1 да 29.

29
А	В	С	D	E	F	G	H	I	J	K
27
26
25
24
23
22

3. Гарызантальна (ад левага да правага) слупкі абазначаюць літары ад А да Z. Калі алфавіт скончыцца, абазначаем ад АB, AC, AD… да AN. Ніжэйшы малюнак паказвае, як гэта можа выглядаць.

4. Самы просты спосаб выканання некалькіх экземпляраў карт бяспекі – ксеракопія арыгінальнай карты з прыкладзенай да яе сеткі.

Ва ўсіх мерапрыемствах з “рызыкай” (двухдзённыя выезды, рэйды, экспедыцыі, Вялікія Гульні на вялікай прасторы) трэба ўзгадніць з шэфамі дружыны:

на якіх частотах будзеце звязвацца;

якое месца дзеяння (ні ў якім разе нельга выходзіць за абшар, які ахоплівае карта бяспекі; важна ніколі не выходзіць за межы гэтага абшару). Канечне ўсе коп’і і шэфы дружыны маюць копію гэтай жа карты бяспекі.

Запомні, што карта маштабу 1:50000 ахоплівае абшар 300 км². Гэта многа – ёсць дзе хадзіць, таксама можна збіць ногі!

Таксама варта ведаць, што сярэдні радыус дзеяння пераноснага абсталявання з геліякальнай (гумовай) антэнай не перавышае 5 – 10 км, што пакрывае абшар каля 300 км². Таму не павінна быць праблем, калі, канечне ж, зможаш карыстацца абсталяваннем. У лагеры наогул выкарыстоўваецца апаратура са стацыянарнай антэнай на мачце, радыус яе дзеяння складае 20-30 км.

Маючы ў карыстанні такое абсталяванне, уяві сабе, што ты са сваім кап’ём (Тыгр) у мясцовасці, якая знаходзіцца на карце ў квадраце R 24, і што здарыўся няшчасны выпадак. Вось як усё павінна адбывацца: