«Химия» пәні бойынша практикалық дағдыларды қабылдау «Жалпы медицина» мамандығы, 1 курс. Аралық бақылау №1

Практикалық дағдылардың тізімі:

• берілген концентрациядан ерітінді дайындау,ерітіндінің рН және тығыздығын анықтау;

• берілген рН мәндерімен буферлік ерітінділерді дайындау, буферлік сиымдылықты анықтау;

• биогенді элементтердің катиондары мен аниондарына сапалық реакциялар жүргізу.

Практикалық дағдыларды жүргізу үшін келесі сұрақтарды шешу қажет:

• студенттердің санын анықтау;

• эксперттерді анықтау;

• аудитория дайындау, аудиторияға жауапты оқытушымен лаборантты тағайындау;

• қажетті құрал-жабдықтармен, реактивтермен, приборлармен және и аппараттармен жабдықталған жұмыс орнын ұйымдастыру;

• практикалық дағдыларды қабылдау үшін құжаттар дайындау (тапсыру хаттамасы, әрбір этап бойынша студенттерге арналған тапсырма, эксперттерге арналған ақпараттық парақ, парақта тапсырманың әрбір сатысын бағалау критерийлері мен олардың баллдықбағалары бар).

Студентке арналған ақпарат

• студент практикалық дағдыларды тапсыруға дайындалу кезінде тапсырмалардың тізімімен және этаптардың өту жоспарымен танысады;

• студент тіркеледі, эксперттен тапсырманы алады, тапсырмамен танысқаннан кейін этаптардың өту жоспарына сәйкес тапсырманы орындауды бастайды;

• тапсырманы орындағанда студент өз ісінің реттілігін критерийлерге сәйкес қатаң сақтау керек; тапсырманы орындау барысында өз ісін нақты әрі қысқа түсіндіру керек;

• уақытпен санасу керек; тапсырмаға берілген уақыт өтіп кетсе, тапсырманың орындалу немесе орындалмауына қарамай, жұмысты тоқтатады;

• тапсырманы орындағанда студент химиялық зертханада жұмыс істеу ережесін және қауіпсіздік техникасын сақтау керек;

• электрлік құрал-жабдықтармен жұмыс істеу ережесін және қауіпсіздік техникасын сақтау керек;

• студент тапсырманы орындау нәтижесінде 100 балл жинау керек.

Практикалық дағды №1. Берілген концентрациядан ерітінді дайындау.

Приборлар мени реактивтер: воронка, өлшегіш колба 100 мл-лік, пипеткалар 10 мл және 2 мл, құюға арналған колба, резиналы груша, тұздар өлшемесі, дист Н₂О.

Жұмыстың мақсаты: тұздың өлшемесінен берілген концентрациядан ерітінді дайындауды үйрену.

Орындау алгоритмі.

№	Практикалық дағдыны сатылық әдіспен бағалау	Баллдар
1	Өлшеуіш колбаны, воронканы дистильденген сумен шайып, жұмысқа дайындайды (Егер воронка құрғақ және таза болса, онда оны шаюдың қажеті жоқ). Берілген концентрациядан жалпы көлемі 100 мл болатын ерітіндіні дайындау үшін қажетті тұздың мөлшерін анықтау.	20
2	Тұздың қажетті өлшемесін алып, оны воронка арқылы өлшегіш колбаға салады. Жұғыштағы сумен өлшеуіш колбаға толық шайып ағызады. Воронканы колбадан алады.	20
3	Колбаны араластыра отырып, судың аз мөлшерін колбаға құяды.Тұз ерігеннен кейін суды колбаның шеңбер сызығына дейін 1-2 см қалғанша құйып, қалған суды менисктің төменгі шеті сызыққа жеткенше пипеткамен тамшылатып құяды.	20
4	Алынған ерітіндінің молярлық, нормальдік концентрациясын және титрін есептейді.	20
5	Зертханалық жұмысты орындау дұрыстығы және қауіпсіздік техникасын сақтауы. Талдауды игеру және қорытынды жасау.	20
Максимальді балл - 100
Тапсырмаға кеткен уақыт - 20мин.

Кесте 1

№1 тәжірибенің жеке тапсырмаларының нұсқасы

Нұсқа №	Тұздардың атауы	Массалық үлесі, %	Ерітіндінің теориялық тығыздығы, г/см3
1	Натрий сульфаты	8	1,070
2	Калий хлориді	10	1,063
3	Натрий хлориді	10	1,070
4	Натрий сульфаты	10	1,090
5	Калий хлориді	12	1,076
6	Натрий хлориді	12	1,085
7	Натрий сульфаты	12	1,110
8	Калий хлориді	14	1,090
9	Натрий хлориді	14	1,100
10	Калий хлориді	16	1,104
11	Натрий хлориді	16	1,116