20.What is html programming language

HTML дегеніміз-  ағылшынша Hyper Text Markup Language, яғни гипертексті таңбалау тілі дегенді білдіреді.Осы тіл арқылы сайттың парақтары жазылады. Оны ең бірінші болып ашып, әлемге паш еткен интернеттің атасы - Тим Бернерс-Ли деген азамат.Ол мұндай тілді ашу үшін сол кезде қолданыста жүрген SGML деген тілді пайдаланған. HTML дің ең бірінші нұсқасы 90-шы жылдардың басында пайда болған.Кейін Тим Бернерс тілді әркім өз білгендерінше бұрмалап кетпес үшін, сол тілді белгілі бір стандартқа бағындырмақ ниетпен консорциум-құрылым ашқан.Ол - W3C( World Wide Web Consortium) деп аталады.

1994 жылы гипертексті таңбалау стандарттарының екінші версиясы әзірленіп, ал 1995 жылы HTML3 версиясы CSS тің сүйемелдеуімен бірге жарық көреді.Одан соң 3.2 кейін 4.0 версиялар пайда болады.

Ал қазір біз 1999 жылы пайда болған HTML дің 4.01 версиясын осы күнге дейін пайдаланып келеміз.

HTML ашық- жабық тегтер және сыңар тегтер болып екіге бөлінеді. <html>,</html>,<head></head>,<title>,</title>,<body>,</body> дегендер де HTML тегі деп аталады.

<html> - парақшаның басын , ал </html> аяғын білдіреді.

<head> - бұл жерде парақшаның тақырыбы, қанадай кодировкада(кирилица ма әлде басқа тілде) сипаталатыны, жүктелетін басқа көмекші программалар тізбегі т.с.с. жазылады.Шаблонның бұл бөлігі сайт бетіне шықпайды.</head>

<body> - бұл тег парақшаның денесі деп аталады яғни бұл жерде HTML тегтерімен не жазылса сол сайт бетінен көрініс табады.</body>

Ал title - бұл сіздің web парақшаңыздың тақырыбы.

Оны да өте мұқият таңдау керек, себебі ол кейін сіз сайтыңызды Іздеу сайттары арқылы интернет бетіне шығарғанда адамдардың назарына тек ілігіп қана қоймай оны осы сіздің сайтыңызға кіретіндей қызығушылығын тудыруы керек.

HTML атрибуттары үш топқа бөлінеді:

1. Жалпыға бірдей ортақ атрибуттар.Барлығы алтау, оның тек көбіне төртеуі қолданылады: id, class, title, style.

2. Оқиға (событие) атрибуттары.Бұлар javascript кодында қолданылады.

3. Жеке өзіндік атрибуттары.Мысалы, <a></a> сілтемеге арналған тегте өзінің  href атрибуты қатар жүреді.

HTML формалары сайттың ең басты маңызды элементтерінің бірі болып табылады.Формаларды пайдаланушылар енгізген деректерді серверге өңдеуге жіберу үшін пайдаланады.

Формаларға мысал ретінде сайттарға тіркелу, пікірлер жазып жіберу, кері байланыс, сұрақтарға жауап беру болмаса дауыс беру, файлдарды жүктеу  сияқтыларды келтіруге болады.

  Сонымен, форма HTML дің жұптасқан тегтері <form> </form> арқылы құрылады. Яғни, форманың басы <form>мен басталып, аяғы </form>мен аяқталады. Оcы екі тегтің ортасына форманың қалған элементтері жайғасады.

<form> тегінің параметрлері : 1)action - пайдаланушы енгізген деректерді өңдеуге жіберетін файлдың адресі.Егер ол көрсетілмесе, осы парақша коды сол мәндермен қайта жүктеледі.

2)method - деректерді серверге жіберу әдістерін сипаттайды.Ол 2 әдіс - GET және POST.GET арқылы деректер браузердің адрестік тармағында беріледі.POST арқылы деректер браузердің өз сұранысымен бірге серверге жөнелтіледі және GET ке қарағанда мөлшері көп деректер жібере алады.Сондықтан мұны форумдарда, почта байланысында, дерекқор деректерін өңдеу үшін пайдаланады.

3)target - өңделген форманың нәтижесін көрсететін web-парақша беті браузердің осы окносына немесе жаңа окноға жүктеле ме, соны белгілейді.Оның мәндерінің ішіндегі көп кездесетіні төмендегідей: 1)_blank - парақшаны браузердің жаңа окносына жүктейді. 2)_self - парақша осы окноға жүктеледі.