10. Студенттің өзіндік жұмысын орындау бойынша әдістемелік нұсқау

Әрбір студент өзіндік жұмысты орындау барысында өз бетінше творчествалық түрде орындауы керек. Өзіндік жұмысты орындау барысында білім алушылар оған қойылған талаптарды ескере отырып, тақырыпты зерттеу, оны одан әрі жетілдіру мақсатында жұмыс атқарады. Бұл талаптар жұмыстың ғылыми-теориялық деңгейіне, мазмұнына, құрылымы мен материалдық жазу тәртібіне, сондай-ақ безендірілуіне қатысты.

Өзіндік жұмыс кіріспе, 2 бөлімнен, қорытындыдан және пайдаланылған әдебиеттер тізімінен тұруы тиіс.

Жалпы өзіндік жұмыстың орындалу тәртібі төмендегі негізде жүргізіледі:

Кіріспе

1. Теориялық бөлім (негізгі тақырып бойынша теориялық сипаттамалар беру, әдебиеттерге сүйене отырып, тақырыпты мазмұндау)

2. Негізгі тақырып бойынша талдау ( студенттің таңдаған тақырыбы бойынша бөлімдерге бөліп талдау жасау, көрсеткіштерге талдау жасай отырып, оның тиімділігін анықтау, тиімділік көрсеткіштерінің негізінде жақсарту шаралары мен резервтерін есептеу)

Қорытындылар мен ұсыныстар

Пайдаланылған әдебиеттер тізімі

Қосымшалар (зерттеліп отырған кәсіпорынның бизнес жоспары және 3 жылдық баланстық, есебі, қаржылық шаруашылық есебі, ақша қаражаттарының есебі мәліметтері)

Ескерту: Өзіндік жұмысты орындау барысында студенттердің зерттелген кәсіпорындары қайталанбауы тиіс. Қайталанған жағдайда тақырыптар бір-біріне ұқсас болмауы қажет.

Өзіндік жұмыстың орындалуына қойылатын талаптар.

Ең алдымен өзіндік жұмыстың тақырыбына сай әдебиеттер мен танысып, қарап шығып, қосымша тақырып бойынша материалдар жинақтау қажет. Жұмыстың жоспары мазмұны логикалық негізде құралады. Мазмұны жоспарға сай жазылады. Жұмыстың әрбір бөлімі араб цифрымен нүктесіз, бас әріптермен, қалың шрифтпен, жаңа беттен, ортасынан басталады және соңынан нүкте қойылмайды. Ал параграфтар кезекті ретімен, араб цифрларымен нүктесіз, жай әріптермен, қалың шрифтпен, абзацтан бастап жазылады, соңында нүкте қойылмайды.

Бөлімнің аты мен параграфтың аты арасынан 1 бос қатар, параграф пен текст арасында - 2 бос қатар қалдырылады. Текстің соңы мен келесі жаңа параграф арасында 2 қатар бос орын қалдырылады.

Жұмыстың жалпы мәтіні төмендегідей тәртіппен жазылуы тиіс:

• шрифт 14, Times New Roman;

• аралық интервал – 1;

• қағаз бетінің сол жағынан – 30 мм; оң жағынан – 10 мм; жоғарыдан – 20 мм; төменгі жағынан – 20 мм қалдырылады;

• абзац – 1-ден басталады;

• бет нөмері – рет кезектілігімен қағаз бетінің төменгі жақ ортасына қойылады.

Өзіндік жұмыс 25-30 бет көлемінде болуы керек. Өзіндік жұмыстың мазмұны, кіріспенің бірінші беттері нөмірленбейді қалған беттеріне алғашқы екі бетті есептелген негізде нөмерлері қойылып отырады.

«200 «Жауапкершілік» халықаралық аудит стандарты» тақырыбындағы шағын жобаны орындаудың ҮЛГІ ЖОСПАРЫ

Берілген мини-жобаны орындау үшін қандай да серіктестікті құру қажет. Топтағы студенттер берілген кәсіпорынды құрып төмендегі тапсырмаларды орындауы қажет:

• берілген кәсіпорынның есеп саясатын қалыптастыру;

• шаруашылық операцияларын көрсету үшін алғашқы құжаттарды толтыру;

• кәсіпорында құжаттардың толтырылу дұрыстығын анықтау;

• шаруашылық операциялары аудитінің есептелінуін, аударылуын тиісті құжаттарда рәсімдеп көрсету;

• барлық шаруашылық операцияларды журнал-ордерлерде, Бас кітапта көрсету;

• ақпараттардың ашылуын жүргізу;

• аудиторлық тексеру нәтижелері бойынша аудиторлық қорытынды жасау.

Тақырыбы: Шағын және орта бизнес кәсіпорындарында аудиторлық тексеру жүргізу.

Берілген мини-жобаны орындау үшін қандайда да бір сауда, құрылыс, қоғамдық тамақтану немесе қызмет көрсету саласындағы кәсіпорын құру қажет.

Топтағы студенттер берілген кәсіпорынды құрып, төмендегі тапсырмаларды орындауы қажет:

• Берілген кәсіпорынның есеп саясатын, жарғысын қалыптастыру;

• Аудиторлық тексеру объектісін (ақша қаражаттары, негізгі құралдар, дебиторлық қарыздар, кредиторлық қарыздар, ТМҚ-р және т.б.) анықтау;

• Таңдалған объектіге сәйкес шаруашылық операцияларын көрету үшін алғашқы құжаттарды (түгендеу акті, материалдық жауапкершілік туралы келісім-шарт, түгендеу описі және т.б.) толтыру;

• Аудиторлық тексеру жүргізетін комиссияны құру және оның қызметтерін анықтау;

• Кәсіпорынның қаржы-шаруашылық процесіндегі пайда болған шаруашылық операцияларды немесе фактілерді құру және олардың дұрыстығын тексеру;

• Аудиторлық тексеру нәтижелері бойынша қорытынды беружәне ұсыныстар әзірлеу.

Тақырыбы: Аудиторлық тексеру, кәсіпорындардағы аудиторлық текерудің әдістері мен тәсілдері.

Берілген мини-жобаны орындау үшін топ студенттері белгілі бір кәсіпорын және аудиторлық фирманы қалыптастыруы қажет.

Бұл мини-жобаны орындау үшін төмендегі тааптарды орындау және игеру керек:

• Белгілі бір фирманы таңдау;

• Аудиторлық фирма құру және лицензиялау;

• Аудиторлық фирма және кәсіпорын арасында келісімдер мен келісім-шарттар құру;

• Аудиторлық тексерудің қандай мақсатта жүргізіліп отырғанын көрсету;

• Кәсіпорынға аудиторлық тексеру бойынша аудиторлық бағдарлама құру;

• Қаржылық және өндірістік есеп аудитін жүргізу;

• Аудиторлық қорытынды беру және қорытындыға сәйкес тұжырымдар мен ұсыныстар әзірлеу.