2.Макроэкономикалық тұрақсыздық, экономикалық циклдер, жұмыссыздық, инфляция.

ЕСЕП

1. Жұмысбастылық пен жұмыс күші тұрғысынан алғанда төмендегі тұлғалардың статусын анықтаңдар, олар былай жіктелген:

• жұмысбастылар (ЖБ)

• жұмыссыздар (ЖС)

• жұмыс күшіне қосылмайтындар (ЖКҚ)

а) Өзінің қалауымен жұмыстан босатылған жұмысшы

ә) Толық емес жұмыс күніне ауыстырылған жұмысшы

б) Өзінің денсаулығына байланысты жұмыс істеуге жарамайтын мұғалім

в) Ұзақ уақыт бойы жұмыс таба алмай, оны іздеуді қойған жұмыстан босатылған жұмысшы

г) Күндізгі оқуда оқитын студент

д) Кешкі мезгілде оқитын автокөлік жөндеушісі

е) Үй шаруасындағы адам

ж) Белгілі бір уақытын кітапханашы болып жұмыс істеумен өткізетін үй шаруасындағы адам

2. Төмендегі кестеде белгілі бір кезеңнің 1-ші және 5-ші жылдарындағы еңбек ресурстары мен жұмыспен қамтылғандықтың көрсеткіштері берілген.

	Бірінші жыл	Бесінші жыл
Жұмыс күші	84889	95453
Жұмыспен қамтамасыз етілгендер	80796	87524
Жұмыссыздар	-	-
Жұмыссыздық көлемі	-	-

а) Бірінші және бесінші жылдағы жұмыссыздар саны мен жұмыссыздық көлемін анықтаңдар

ә) Жұмыспен қамтылғандар мен жұмыссыздар санының бірдей өсуін қалай түсіндіруге болады?

б) Қарастырылып отырған кезеңнің бесінші жылында адамдар толық жұмыспен қамтылған деуге бола ма?

3. Келесідей деректер бар:

Жұмыспен қамтылғандар саны 90 млн адам.

Жұмыссыздар саны 10 млн адам.

Жұмыссыздық көлемін анықтаңдар.

90 млн жұмыспен қамтылған адамдардан бір ай өткеннен кейін 0,5 млн адам жұмыстан шығарылған еді; 1 млн ресми тіркелген жұмыссыздар жұмыс іздеуді тоқтатқан. Мыналарды анықтаңыздар:

а) жұмыспен қамтылғандардың санын;

ә) жұмыссыздар санын;

б) жұмыссыздық көлемін.

3. Нақты табыс қалай өзгереді, егер:

а) атаулы табыс 10 %, баға көлемі 7 % өссе;

ә) атаулы табыс 30 мың долл., ал баға индексі сол жылы 106-ға тең болған.

а) Экономикада x және y тауарлары өндіріледі. Тұтынушылар табысының жартысын x тауарын және қалған жартысын y тауарын сатып алуға жұмсайды. Бір жыл ішінде x тауарының бағасы 5%, ал y тауарының бағасы 15% өсті. Тұтыну тауарларының баға индексін анықтаңдар ( өткен жылғы баға индексі =100).

ә) Дәл сондай өндірістік және бағалық шарттарда x тауарын сатып алу үшін тұтынушылар табысының жартысынан көбі жұмсалады. Тұтыну тауарларының баға индексін анықтаңдар.