45. Санітарна-гігіенічныя патрабаванні да машын, механізмау I транспартных сродкау у зонах радыяцыйнага забруджвання.

Усе машыны, механiзмы i транспартныя сродкi, якiя выкарыстоўваюцца для выканання работ на тэрыторыi, забруджанай радыенуклiдамi, павiнны знаходзiцца ў спраўным стане i быць укамплектаванымі iнструментамі i прыстасаваннямi ў адпаведнасцi з заводскiм тэхнiчным пашпартам. Механiзаваныя работы неабходна выконваць з прымяннем тэхнiкi, якая адпавядае патрабаванням Правіл (2002). Выкарыстанне на гэтых тэрыторыях машын i транспартных сродкаў без кабiн забараняецца. Кабiны трактароў, сельска- i лесагаспадарчых машын, аўтатранспарту i iншай тэхнiкi павiнны быць герметызаваны шляхам ушчыльнення аконных i дзвярных праёмаў. Машыны, механiзмы i транспартныя сродкi, выдзеленыя для работы на тэрыторыях, забруджаных радыеактыўнымi рэчывамi, павiнны мець знак радыяцыйнай бяспекi з абазначэннем зоны.

Рабочы iнвентар замацоўваецца за адпаведнай зонай i прамаркiроўваецца. Выкарыстанне рабочага iнвентару па-за тэрыторыяй, забруджанай радыеактыўнымi рэчывамi, дапускаецца толькi з дазволу службы радыяцыйнай бяспекi. Дэзактывацыя машын i механiзмаў праводзiцца на ўчастках, якiя аднесены да зоны са шчыльнасцю забруджвання ¹³⁷Cs 40 Кi/км² i больш або ў спецыяльна адведзеных для гэтай мэты месцах. Пасля дэзактывацыi праводзiцца дазiметрычны кантроль.

Рамонт машын, механiзмаў i транспартных сродкаў, якiя выкарыстоўвалiся на выкананнi работ у забруджаных радыеактыўнымi рэчывамi зонах, дапускаецца толькi пасля поўнай дэзактывацыi i з дазволу службы радыяцыйнай бяспекi.

Штодзённа пасля заканчэння работ у зоне са шчыльнасцю забруджвання 40 Кi/км² i больш тэхнiка павiнна быць адведзена на спецпляцоўкi для дэзактывацыi. Для транспартных сродкаў, якiя выкарыстоўваюцца для перавозкi людзей i харчовых прадуктаў, радыеактыўнае забруджванне не дапускаецца.

46.Праблемы аховы лясоу ад пажарау IIX вырашэнне.

У сувязi з абвастрэннем праблемы аховы лясоў ад пажараў Iнстытутам Белгiпралес рэкамендуецца арганiзоўваць яшчэ i базавыя ПХС, задачай якiх з'яўляецца сумеснае з ПХС1 i ПХС2 тушэнне буйных лясных пажараў на тэрыторыi некалькiх лясгасаў, будаўнiцтва аб'ектаў супрацьпажарнага прызначэння. Гэтыя станцыi павiнны быць аснашчаны ў два разы большай колькасцю тэхнiчных сродкаў у параўнаннi са звычайнай ПХС2. Iх таксама рэкамендуецца ўкамплектоўваць землярыйнымi тэхнiчнымi сродкамii траламi для iх перавозкi.

Прыблiзная структура каманд ПХС у лясгасах рэспублiкi прыведзена ў табл. 7.1.

Таблiца 7.1. Структура пажарна-хiмiчных станцый

Назва пасады i прафесii рабочых	Колькасць чалавек на станцыi тыпу		Заўвагi
	I	II
Начальнiк ПХС	1	-	-
Старшы майстар	-	1	-
Вадзiцелi аўтамабiляў			У залежнасцi ад колькасцi аўтамабiляў або трактараў
Трактарысты-машынiсты			-
Брыгадзiры лесапажарных брыгад	1	2 - 4	Па колькасцi брыгад
Рабочыя лесапажарныхбрыгад	3-5	5 - 10	Па колькасцi брыгад

Каманды штогод праходзяць падрыхтоўку па лесапажарнай пра-фiлактыцы, тэхнiцы i тактыцы барацьбы з ляснымi пажарамi, па бяс-пецы працы і інш. Перад пачаткам пажаранебяспечнага сезона з камандамi ПХС праводзяць вучэннi ў лясных умовах па тэхнiцы i тактыцы тушэння ўмоўных пажараў, па адпрацоўцы ўзаемадзеяння членаў каманд пры выкарыстаннi розных тактычных варыянтаў.

Для размяшчэння асабовага саставу каманд, захавання хiмiчных рэчываў, абсталявання, iнвентару i сродкаў пажаратушэння ПХС павінны мець тыпавыя будынкi.

Састаў, парадак укамплектавання i работы каманд ПХС, аснашчэнне пажарнай тэхнiкай, сродкамi транспарту i сувязi азначаны Палажэннем аб пажарна-хiмiчных станцыях.