18. Патрабаваннi да арганiзацыi работ на забруджаных радыенуклiдамi тэрыторыях

Перад пачаткам работы вынiкi радыяцыйнага абследавання заносяцца ў тэхналагiчную карту (пры шчыльнасцi забруджвання да 15 Кi/км²) або санiтарны пашпарт (пры шчыльнасцi забруджвання ¹³⁷Cs звыш за 15 Кi/км²), у якiх указваюцца:

1) радыяцыйная абстаноўка (магутнасць экспазiцыйнай дозы -выпраменьвання i шчыльнасць радыеактыўнага забруджвання глебы);

2) патрабуемыя ўмовы i сродкi забеспячэння радыяцыйнай бяспекi для персаналу;

3) гранiчна-дапушчальная працягласць работы на канкрэтнай тэрыторыi або ўчастку.

Да пачатку работы на тэрыторыi, забруджанай радыеактыўнымi рэчывамi, адмiнiстрацыя прадпрыемства абавязана:

1) вызначыць спiс выканаўцаў, якiя будуць занятыя на работах на тэрыторыi, забруджанай радыенуклiдамi, i забяспечыць адпаведнае навучанне iiнструктаж гэтых асоб;

2) назначыць загадам па прадпрыемстве адказных за забеспячэнне радыяцыйнай бяспекii арганiзаваць iх падрыхтоўку;

3) распрацаваць, узгаднiць з органамi санiтарна-эпiдэмiялагiчнага нагляду i зацвердзiць iнструкцыi, у якiх апiсваецца парадак бяспечнага правядзення работ, прафiлактычныя мерапрыемствы, арганiзацыя радыяцыйнага кантролю.

Усе асобы, якiя дапушчаны да пастаяннай або часовай работы на тэрыторыi, забруджанай радыеактыўнымi рэчывамi, павiнны прайсцi навучанне i праверку ведання правiл бяспечнага вядзення работ i дзеючых на прадпрыемстве iнструкцый. Асобы, якiя працуюць на забруджанай радыенуклiдамi тэрыторыi, абавязаны выконваць правiлы па ахове працы, пажарнай i радыяцыйнай бяспецы, вытворчай санiтарыi. Дастаўка працуючых да месца павiнна праводзiцца аўтобусамi або спецыяльна абсталяваным крытым аўтатранспартам. Перад падачай на пасадку ў салонах і крытых кузавах павінна праводзіцца вільготная ўборка. Усе работы на забруджаных тэрыторыях павiнны быць максiмальна механiзаваны.

Пры выкананні работ з выкарыстаннем лесагаспадарчай тэхнікі неабходна па магчымасці не карыстацца рабочымі месцамі па-за кабінай. Перавага павінна аддавацца навясным прыладам.

Праходы лесагаспадарчай тэхнікі, трактароў і машын на апрацоўваемай тэрыторыі неабходна планаваць такім чынам, каб вецер быў сустрэчны або бакавы. На сухіх глебах адначасовая работа некалькіх машын дапускаецца толькі на вялікіх плошчах з розных бакоў, каб выключыць узаемнае пылавое ўздзеянне.

На падрыхтоўцы глебы пад пасадку лесу павiнна выкарыстоўвацца тэхнiка з герметычнымi кабiнамi. Пасадка культур можа праводзiцца ў вiльготны перыяд спецыяльнымi машынамi, абсталяванымi лесапасадачнымi аўтаматамi. Ручная праца не рэкамендуецца.

Хімічны догляд за культурамі павінен выконвацца толькі з дапамогай трактарных агрэгатаў.

Лясгасы, лясы якіх забруджаны радыенуклідамі вышэй за 15 Кi/км², павінны мець санпрапускнікі з душавымі ўстаноўкамі і шафамі для захоўвання спецадзення. У санітарна-бытавых памяшканнях неабходна штодзённа праводзіць вільготную ўборку. Дастаўку і захоўванне пітной вады ажыццяўляць у закрытых ёмістасцях тымі транспартнымі сродкамі, што і харчовых прадуктаў.

Для знiжэння дозы апраменьвання да магчыма нiзкага ўзроўню пры рабоце на тэрыторыi, якая забруджана радыенуклiдамi, павiнны выкарыстоўвацца наступныя мерапрыемствы i сродкi:

1) абмежаванне працягласцi работы з перавагай тэхналагiчных аперацый, якiя патрабуюць мiнiмум затрат часу (кантрольная працягласць часу не павiнна перавышаць значэннi ГДПР для адпаведнай зоны);

2) знiжэнне дозы знешняга -апраменьвання машын i сродкаў транспарту, якiя маюць найбольш вялiкi экранiруючы эфект;

3) абмежаванне паступлення радыенуклiдаў унутр арганiзма iнгаляцыйным шляхам (выкарыстанне сродкаў iндывiдуальнай аховы органаў дыхання, тэхналагiчных аперацый з мiнiмальна магчымым пылаўтварэннем, герметызацыя кабiн машын i транспартных сродкаў);

4) змяншэнне забруджвання радыенуклiдамi скурнага покрыва (камплект спецадзення).