Добавил:
Upload Опубликованный материал нарушает ваши авторские права? Сообщите нам.
Вуз: Предмет: Файл:
2017_Цифрлық құрылғыларды моделдеу_3-82.docx
Скачиваний:
0
Добавлен:
01.07.2025
Размер:
2 Мб
Скачать
☆

2.19 Сурет

4-разрядты ct4 санауышына (7493 микросұлбасы) қосылған dc16 дешифраторы (74154 микросұлбасы) өзінің шығыстарының біреуінде нөлдік деңгей қалыптастырады. Нәтижесінде, осы сигнал түскен сәйкесті Hn4 блогындағы XNOR элементі деректердің ол арқылы өтетін разрядына сәйкесті сигнал мәнін терістейді. Міне, қате туды деген осы.

Арналар арқылы өткізілген деректер Rec блогында (Receiver сөзінен) орналастырылған үш RG регистріне жазылып, одан қателіксіз арналарды анықтауға Res блогына (Result сөзінен) жіберіледі (2.20 сурет).

2.20 Сурет

Қателіксіз арналарды анықтау XNOR элементтерінің негізінде құрылған Maj блоктары (Majority сөзінен) арқылы жүзеге асырылады (2.21, a сурет).

a

b

2.21 Сурет

Бұл блоктардың әрбіреуі екі арнаның деректерінің теңдігін тексеріп, олардың теңдік жағдайында бірлік деңгей қалыптастырады. Осы тексеру нәтижелері бойынша деректердің одан арғы таратылымын басқарушы сәйкесті сигналдарды шығару үшін «дауыс беру» процесі жүзеге асырылады. Осы сигналдардың біреуінің бірлік деңгейі сәйкесті 3st блогындағы (2.21, b сурет) үшжағдайлы элементтерді ашып, қателіксіз деректер қажетті бағытына (біздің жағдайда, көрсетілуге) жіберіледі.

2.2.2 Жұптығы бойынша бақылау құрылғылары.

Деректердің таратылуы мен сақталуын бақылау – цифрлық жүйелердің қалыпты жұмыс істеуінің маңызды шарты. Бақылау жүргізудің ең қарапайым және кең таралған тәсілі – 2 модулі бойынша тексеру.

Бақылау жүргізудің бұл тәсілінде әрбір жіберілетін сөз, мәні сәйкесті код қиыстырмасының салмағын тақ (немесе жұп) болатындай етіп таңдалатын, тексеру разрядымен толықтырылады. Бұдан арғы әңгіме, нақтылық үшін, жұптыққа байланысты болады.

Сөз қабылданғаннан кейін немесе жадыдан оқылғаннан кейін, код қиыстырмасының разрядтарын 2 модулі бойынша қосу (2 модулі бойынша жинақтау) арқылы қабылданған қиыстырманың жұптығы тексеріледі. Код қиыстырмасының жеке қателігінде оның салмағы өзгереді де, тексеру сұлбасы қателікті анықтайды.

Қос қателікте қиыстырманың жұптығы өзгермейді, демек, бұндай қателік анықталмайды. Осыған байланысты, 2 модулі бойынша бақылау жеке қателіктердің болу ықтималдығы қос қателіктердің болу ықтималдығынан жоғары болатын жағдайларда қолданылу керек.

2.22 Сурет

2.22 суретте жіберілген деректердің дұрыстығын 2 модулі бойынша тексеруге мұмкіншілік беретін құрылғының құрылымы келтірілген.

Таратуға арналған деректердің кіріс блогына енгізілуі (бұрын қарастырылған құрылғылардағы сияқты) D ауыстырғышының бірлік жағдайында жүзеге асырылады.

XOR элементтеріні негізінде құрылған және Conv блогы (Convolution сөзінен) түрінде бейнеленген жинақтау сұлбасы (2.23, a сурет) арқылы жіберілетін сөз толықтырылатын тексеру разрядының мәні анықталады.

Ch5 арнасындағы бөгеуілді елестету (2.23, b сурет) алдыңғы жағдайдағы сияқты тәсілмен жүзеге асырылады.

a

b

2.23 сурет

Қателіксіз арналарды анықтау XNOR элементтерінің негізінде құрылған және Ver блогында (Verification сөзінен) орналастырылған жинақтау сұлбасы қабылданған деректердің тексерілуін қамтамасыз етеді (2.24 сурет).

2.24 сурет

Қателік табылған кезде, Rep блогы (Repeat сөзінен) қайта жіберу сұранысының сигналын қалыптастырады (2.25 сурет). Қайта жіберу процесінің көрнекілігін қамтамасыз ету мақсатында Rep блогындағы санауыш (7493 микросұлбасы) нақтылы кідіріс қалыптастырып, ол кезде сәйкесті индикатор жыпылықтап тұрады.

2.25 сурет

Қабылданған қиыстырманың жұптығының сақталғанында, яғни қателіктің болмаған кезінде деректердің регистрдің (74194 микросұлбасы) негізіндегі Res (Result сөзінен) құрылғысына қабылдануын басқаруға арналған сәйкесті сигналдар қалыптастырылады (2.26 сурет).

2.26 сурет