Студенттің өзіндік жұмысы үшін материалдар Студенттің оқытушының жетекшілігімен жұмысы аясындағы сабақты өткізу түрі: тақырып бойынша пікір-талас, баяндама мен рефератты талқылау,

Тақырып бойынша пікір-талас - студенттердің тақырып бойынша білімдерін кеңінен бекітуге, неғұрлым толық мағлұмат алуға мімкіндік беретін бақылау нысанының түрі болып табылады. Пікір-таласқа дайындалу үшін студенттер алдын ала талқылауға арналған сұрақтар бойынша СОӨЖ сабағына дайындалып келуі тиіс. Талқылауға арналған сұрақтар – студенттің дәріс сабағында алған теориялық білімін бекітуге мүмкіндік беретін СОӨЖ-да орындалатын тапсырмалардың бірі. Сұраққа қатысты әрбір студент өз ойын білдіруге мүмкіндік алады және олардың талқылау нәтижесінде мол ақпарат алуына жол ашылады.

Студент өзіндік жұмыс тапсырмасы ретінде ұсынылған баяндама және мәнжазба тақырыптарының ішінен тақырыпқа сәйкес жинақтаған материал көлеміне, мазмұнына байланысты өз еркімен баяндама немесе мәнжазба нысанында орындап, СОӨЖ сабағында қорғайды.

Реферат – студенттердің өзіндік жұмыстары үшін берілетін тапсырманың кең тараған және маңызды түрі.

Реферат жазу төмендегідей тәртіпте жүзеге асырылады:

1. Реферат тақырыбы оқу жылының басында студенттерге таратылады;

2. Реферат тақырыбын таңдау «таңдау еркіндігі» принципіне негізделе отырып жүргізіледі;

3. Реферат жазуға студенттің қабілетіне және тақырыптың күрделілігіне байланысты 1 ай уақыт беріледі;

4. Реферат жазбаша формада аттестация уақытына дейін қорғалады.

Реферат төмендегідей бөлімдерден құрылуы керек:

• кіріспеден;

• негізгі мәтіннен;

• қорытындыдан;

• пайдаланылған әдебиеттен.

Рефератты орындауды 6 кезеңге бөлуге болады:

• тақырып таңдау;

• әдебиет таңдау және оқу;

• мәнжазба жоспарын құру;

• нақты және статистикалық материалдарды жинау және өңдеу;

• мәнжазба жазу;

• мәнжазбаны қорғау.

Реферат тақырыбы ұсынылатын тақырыптардың ішінен өз бетінше таңдалады. Кей жағдайда тізімде болмаған тақырыпты студент өзі ұсына алады. Тақырыбы таңдалғаннан кейін каталог бойынша қажет әдебиет тізімі қаралып, таңдап оқылады. Студенттің басты міндеті – қазақстандық, ресейлік және шетелдік әдебиеттің ішінен тек рефераттың таңдалған тақырыбына қатысты сұрақтарды мазмұндайтын оқулықтар, журналдар мен мақалаларды ғана таңдау. Әдебиетті таңдап оқығаннан кейін студент рефераттың мұқият ойластырылған жоспарын құруы керек, ол оның негізгі сұрақтарын неғұрлым толық ашуға мүмкіндік береді. Жоспар – бұл рефераттың негізі, оның қалай құрылғанынан барлық жазбаша жұмыстың деңгейі тәуелді болады. Әдебиет таңдалып, жоспар құрылып, нақты материалдар алынып және сәйкесінше өңделгеннен кейін мәнжазба жазуға көшуге болады. Бұл кезеңде жұмыс жоспарын нақтылауға, маңызды сұрақтарды пункттер мен подпункттерге бөлуге болады.

Реферат сәйкесінше безендірілуі керек. Безендіруге қойылатын талаптар төмендегідей:

1. титулдық бет;

2. жұмыс жоспары мен атауы;

3. кіріспе;

4. негізгі мәтін;

5. қорытынды;

6. әдебиет, мұнда нормативтік – құқықтық актілер, сонымен қатар авторлар аты-жөні алфавиттік тәртіпте құрылады.

Жұмыстың мәтіні мұқият тексерілуі және қолмен түсінікті жазылуы немесе компьютерде терілуі керек. Рефераттың беттері нөмірленуі керек.

Баяндама – студенттердің өзіндік жұмыстары үшін берілетін тапсырманың кең тараған және маңызды түрі. Ол студенттің ғылыми ізденуіне дағдыландыратын тапсырманың бірі. Баяндамада тақырыптың өзектілігі сипатталып, тақырып мазмұны логикалық тізбектілікпен, жүйелікпен орындалуы қажет.