3.2. Тауарлардың кедендік бағасын анықтау және түскен мағлұматтардың мақұлдау құжаттары

Тауардың кедендік бағасы – Қазақстан Республикасының кедендік шекарасынан өткізілетін тауарлар бағасы, мынадай мақсаттарда қолданылады:

• тауарларға кедендік төлемдер мен салық салу;

• Қазақстан Респбуликасының сыртқы экономикалық қызметін (СЭҚ) мемлекеттік реттеудің басқа да шараларын қолдану.

Кедендік баға сыртқы экономикалық шарттарда көрсетілген жеткізу шарттарына сәйкес анықталады.

ҚР кедендік шекарасы арқылы өткізілетін тауардың кедендік бағасы декларантпен кедендік баға декларациясын толтырған кезде көрсетіледі.

Тауарларды еркін айналымға және экспортқа шығару кедендік режимдерінде ҚР кедендік шекарасынан өткізілетін барлық тауарларға кедендік баға декларациясы толтырылады.

Кедендік баға декларациясы толтырылмайды , егер:

1. Енгізілетін тауар партиясының кедендік құны республикалық бюджет туралы заңмен тиісті қаржылық жылға белгіленген 900 АЕК тең сомадан аспаса, бір келісім шарт шегіндегі көпретті жеткізулері есептелмегенде және әртүрлі келісім шарттар бойынша бір жіберушілермен бірдей тауарларды бір қабылдаушыға қайталанатын жеткізулер.

2. ҚР кедендік шекарасы арқылы жеке тұлғалармен тауарларды льгота және жеңілдетілген тәртіпте өткізу кезінде ҚР Үкіметімен белгіленген нормалар мен шарттар орындалса.

Тауардың кедендік бағасын анықтау дұрыстығы кедендік органдармен бақыланады.

КБТ-1, КБТ-2 толтырумен бірге кедендік бағаны түзету іске асырылады, егер:

• Кедендік бағаны кедендік рәсімдеу және кедендік бақылау кезінде;

• Тауарды шығарудан кейін;

• Келісім шарт бағасы трансферттік бағабелгілеуге мемлекеттік бақылау жүргізуге байланысты өзгерді.

Кедендік баға бойынша ұсынылған мәліметтерді растау үшін декларант келесі құжаттарды ұсыну керек:

1. Кедендік баға декларация;

2. Кедендік бағаны анықтауға әсер ететін келісім шарт және оған қосымшалар мәліметтері;

3. Счет-фактура (инвойс) немесе счет-проформа (сатып алу-сату келісімдерінен басқа да келісімдер);

4. Тауарлардың бағасын растайтын төлем құжаттары, егер де келісімдегі төлем шарттары кеден декларациясын өткізу мерзіміне дейін толығымен немесе жартылай төленсе;

5. Көлік және сақтандыру құжаттары, егер жеткізу шарттары бойынша тасымалдау және сақтандыру шығындары сатып алушымен жүзеге асырылса;

6. Тасымалдау үшін счет немесе сатып алушымен счет-фактураға енгізілмеген транспорттық шығындар жасалғанда транспорттық шығындар туралы ресми анықтама;

7. Декларант ұсына алса, жіберу елінің кедендік декларацияның көшірмесі.

Егер, көрсетілген кедендік бағаны растауға құжаттар жеткіліксіз болса, декларант келісідей қосымша құжаттар ұсына алады:

1. Тауарларды тасымалдайтын тұлғаның құрылтай құжаттары;

2. Келісім шартқа қатысты 3-ші тұлғалармен келісімдер;

3. 3-ші тұлғаларға сатушы пайдасына төлемдер шоттары;

4. Бағаланатын тауарлармен келісім шартқа қатысты комиссиондық, брокерлік қызметі үшін шоттар;

5. Тауардың бағасын растайтын сатыпалушының бухгалтерлік құжаттамасынан көшіріп алу;

6. Лицензиондық немес авторлық келісім – шарттар;

7. Қоймалық квитанциялар;

8. Жеткізуге тапсырыстар;

9. Өндіруші фирманың каталогтары, спецификациялары, баға прейскуранттары (прайс-парақтары);

10. Бағаланатын тауарға өндіруші фирманың калькуляциясы;

11. Кедендік баға декларациясына көрсетілген мәліметтерді растауға пайдаланылатын басқа да құжаттар.