3. Жіктеу есімдіктері (Personal Pronouns)

Жақ	Атау септік	Объектік септік
Жекеше түрі
1ж	I - мен	Me - мені, маған
2ж	You - сіз	You - сізге, сізді
3ж	He she it - ол	Him, her - оны, оған
Көпше түрі
1ж	We - біз	Us - бізге, біздерді
2ж	You - сіздер	You - сіздерге, сіздерді
3ж	They - олар	Them - оларға, оларды

I деген есімдік әрқашан бас әріппен жазылады.

Мысалы: My brother and I took part in this work. Менің ағам және мен бұл жұмысқа қатыстық.

Нe есімдігі еркек жынысын көрсетеді, she есімдігі әйел жынысын көрсетеді.

Мысалы: Peter is a doctor. He works at a hospital. Петер – дәрігер. Ол ауруханада жұмыс істейді. Where is Helen? She is at home. Лена қайда? Ол үйде

It есімдігі жансыз затты көрсетеді.

Мысалы: The pencil is black. It is black. - Қарандаш қара түсті. Ол қара.

The window is open. It is open. - Терезе ашық. Ол ашық.

It есімдігі жан-жануар туралы айтқанда қолданылады.

Мысалы: The cat is under the table. It is under the table. - Мысық үстелдің астында. Ол үстелдің астында.

They (олар) есімдігі жанды және жансыз зат есімдердің орнына қолданылады.

Мысалы: The children are in the corridor. They are in the corridor. - Балалар коридорда. Олар коридорда.

Жіктеу есімдіктері объектік септікте кімге? кімді? неге? нені? деген сұрақтарға жауап береді.

Мысалы: I saw him yesterday. Мен оны кеше көрдім.

He showed them his library. Ол кітапханасын оларға көрсетті.

Есімдіктер объектік септікте әртүрлі демеуліктермен қолданылады.

Мысалы: This letter is for you. Бұл хат сізге.

They told me about it. Олар маған бұл туралы айтты.

Тәуелдеу есімдіктері. Possessive pronouns.

Тәуелдеу есімдіктері кімнің? кімдікі? деген сұрақтарға жауап береді . Тәуелдеу есімдіктерінің екі тұлғасы бар: бірінші түрі зат есімнің алдында қолданылады, екіншісі өз алдына қолданылады.

Зат есімнің алдынан қолданылатын тәуелдеу есімдіктер.

Жақ	Жекеше түрі	Көпше түрі
1ж	my-менің	Our-біздің
2ж	Your -сіздің	Your -сіздердің
3ж	His-оның Her-оның Its-оның	Their-олардың

Тәуелдеу есімдіктері бұл тұлғада зат есімді анықтап,зат есім артикльсіз колданылады.

Мысалы: His watch is on the table.Оның сағаты столдың үстінде.

Where is my new dictionary? Менің жаңа сөздігім қайда?

Зат есімдерсіз колданылатын тәуелдеу есімдіктері.

Жақ	Жекеше түрі	Көпше түрі
1ж	mine-менікі	Ours-біздікі
2ж	yours-сіздікі	yours-сіздердікі
3ж	his-оныкі hers-оныкі its-оныкі	theirs-олардікі

Мысалы: This is not my pencil. Mine is blue.

Бұл менің қарандашым емес, менікі көк.