Урок № 11 Эрүл-менд

Күүкд күн: Мендвт!

Эмч: Мендвт! Орад, суутн. Юунтн өвдҗәнә?

Күүкд күн: Хойр өдр хооран би киитн хурт норад царцув.

Эмч: Хоолтн өвдҗәнү?

Күүкд күн: Өцклдүр хоолм өвдәд, сөөни дуусн халу дүрүв.

Эмч: О-о, хоолтн улаҗ одҗ. Хоолан зәәлх эм бичҗ өгнәв. Халу хәрүлдг эм

бас авх кергтә.

Күүкд күн: Туслхла, халун уурхла, бичҗ өгтн! Шулун эдгәд, көдлмштән hарх

кергтә.

Эмч: Тус болх. Бийән эмнәд, невчк батрад, тегәд көдлмштән hартн. Адhад

керг уга.

Күүкд күн: Тана келсн үг бас үнн.

Эмч: Киитнд hаза икәр бичә йовтн. Гертән бәәhәд, амрад кевттн. Эмән

аршалад, нег долан хонгтан бийән эмнтн. Тиигхлә дарунь эдгхт.

Күүкд күн: Нә, сән. Тана келсәр бәәнәв.

Эмч: Эм хулддг hазрт одад, эн мини бичсн җор үзүләд, бийдән эм хулдҗ

автн. Дола хонад, дәкәд иртн.

Күүкд күн: Нә, йовнав. Ханҗанав танд. Сән менд бәәтн.

Эмч: Менд йовтн. Шулун эдгтн.

***

Киитн үвл ирхлә, әмтн даарад, царцад гемтнә. Царцхла күүг нәәтхүлнә, ханялhна. Гемтхлә дарунь бийән эмнх кергтә. Эдгхин төлә царцсн күн гертән бәәhәд, эм аршалад, бийән хәләх зөвтә. Тиигхлә гем күүг тәвәд, дарунь хәрнә. Киитн цагла дулан хувцан өмсәд, бийән батлх кергтә. Тиигхлә күн даңгин эрүл-менд бәәх.

***

Бидн бичкн селәнд бәәнәвидн. Мини экм эмч болҗ көдлнә. Әмтн цугтан эким йир таасна, юңгад гихлә эн сән эмч. Цугтан экдм ирәд, эврәннь гем-шалтган келнә. Ирсн улсин зүркнь хатхлхла, толhань эргхлә, элкнь туулхла, hар көлнь шарклхла, махмуднь өвдхлә, экм кергтә эминь өгәд, тедниг эдгәнә. Мини аав кезәнә бас эмч бәәҗ. Садв гем, моом, мондс, илд – ямаран чигн гем эдгәҗ чаддг бәәҗ. Экдм хальмг улсин олн эмнлh бас зааҗ өгч.

Грамматика

1. Причастие многократного действия образуется от глагольной основы при помощи суффикса -дг:

Например: медх (знать) – меддг (знающий)

hарх (выйти) – hардг (выходящий)

йовх (идти) – йовдг (идущий)

Сән сурдг оютнр болн сурhульчнр эн җил сардан Москвад амрх (В этом году ученики и студенты, которые хорошо учатся, месяц будут отдыхать в Москве).

Кезәнә «Җаңhр» меддг әмтн селән болhнд бәәдг бәәҗ (Раньше в каждом селе жили люди, знающие эпос «Джангар»).

2. Глагол побудительного залога представляет собой вторичную глагольную основу, образованную посредством присоединения суффиксов -ул /-үл, -лh, -а/-ә, -h/-г, -х/-к.

а) основа переходных и непереходных глаголов на согласный + -ул/-үл: Хур орад, киитн салькн үләhәд, намаг зөвәр даарулв (Пошел дождь, подул холодный ветер, меня стало сильно знобить).

б) основа переходных и непереходных глаголов на гласный + -лh: Санҗин эк-эцкнь көдлмштән бәәхлә, бичкн күүкән ээҗәр хәләлhнә (Когда родители Санджи работают, за младшей дочкой присматривает бабушка).

в) основа непереходных глаголов + -а/-ә: Мини экм кесг җилдән эмч болҗ көдләд, әмтиг эдгәнә (Моя мать на протяжении многих лет работает врачом, лечит людей).

г) основа непереходных глаголов на согласные -л-, -р- + -г/-h: Мана герин өөрк кафед сән хот болhна (В кафе, находящемся возле нашего дома, готовят хорошую еду).

д) основа непереходных и реже переходных глаголов на согласные -д-, -с- + -х/-к: Манҗин экнь арвн җилдән орс кел маднд дасхла (Мать Манджи десять лет учила нас русскому языку).

3. Основа глагола длительного вида образуется с помощью суффикса җа/-ча и обозначает действие, продолжающееся в определенный момент времени.

Например: Шин урhҗах көк ноhаг хөөнд таслхд күнд болна (Овцам тяжело рвать пробивающуюся молодую траву).

Түрүн җилдән көвүн ик сурhульд сәәнәр сурчав (В первый год юноша очень хорошо учился в университете).

Мана көвүн Элстд бийдән шин гер бәрҗәнә (Наш сын в Элисте строит себе дом).

При наличии временных обстоятельств сочетание суффиксов длительного вида -җа и настоящего времени -на может выражать значение будущего времени.

Например: Саглр Москваhас маңhдур ирҗәнә (Саглр из Москвы приезжает завтра).

Эндр бидн шин тосхсн гертән орҗанавидн (Сегодня мы въезжаем в новый дом).

4. Условное деепричастие образуется от глагольной основы посредством суффиксов -хла/-хлә и выражает действие, которое является условием, предпосылкой совершения основного действия. Может присоединять лично-притяжательные частицы.

Например: Ик хур орхла, hазр норад, бальчг hарна (Когда идет дождь, мокнет земля и появляется слякоть).

Даархла, күн царцад гемтнә (Если человек замерзнет на холоде, то простужается и заболевает).