13 Бөлім. Қазақстан Республикасы Қарулы Күштерінің жарғылары

Оқытудың міндеттері:

Бұл пән әскерлердің өмірі, тұрмысы мен қызметін реттейтін жарғылық талаптарды толық білетін офицерлер дайындау мақсатында оқытылады.

Пәнді оқып-үйрену нәтижесінде студенттер:

әскери антты және оны қабылдау тәртібін;

әскери қызмет жүргізу ережелері мен тәртібін анықтайтын Қазақстан Республикасы Қарулы Күштердегі жарғыларының негізгі ережелерін;

әскери қызметшілер арасындағы өзара қатынастар ережелерін;

әскери шендер мен олардың арасындағы айырмашылықтарды;

бұйрықтар мен жарлық беру тәртібін және оның орындалуын;

өзінің қызметтік міндетін білуі тиіс.

Сонымен бірге:

мамандығы бойынша өз лауазымына сәйкес міндеттерді орындауды;

әскери ұжымда өзін ұстау тәртібі мен ережелерін сақтауды;

сақшылардың, таратушы және қарауыл бастығы көмекшісінің міндетін орындауды білуі қажет.

әскери сәлемдесуді дұрыс орындауға;

әскери сыпайылық сақтап, әскери қызметшілердің өзін ұстау ережелерін орындауға;

командирлермен және оқытушылармен дұрыс қарым-қанынас жасауға дағдыланулары тиіс.

2-ші оқу жылында

«әскери тәртіп» термині және оның мазмұны туралы;

сарбаздар мен сержанттарға қолданылатын көтермелеулер мен жазалар туралы;

уақытты бөлуді және күнделікті тәртіпті;

тәуліктік нарядтың тағайындалуын, оның құрамы мен қару-жарағын;

қарауыл қызметін жүргізуді ұйымдастыру және ережелері туралы;

әскерлердің жұмыстарын ұйымдастыру мәселелері бойынша басқарушы құжаттардың талаптарын білуі тиіс.

рота бойынша күндізгі кезекшінің, рота бойынша кезекшінің, штабтағы және бақылау-өткізу пункті кезекшісінің міндеттердін орындауды;

күн тәртібі бойынша бөлінген уақытты бақылауды;

тиісті киім нысанын сақтауды білуі қажет.

күн тәртібін дұрыс сақтауға;

командирдің бұйрықтары мен тапсырмаларын орындауға;

тәуліктік наряд құрамында қызмет жүргізуге дағдылануы керек.

Әдістемелік нұсқаулар:

Жарғыларды оқыту бойынша сабақтар әскери қызметшілердің өмірін, тұрмысы мен қызметін жарғылық талаптар бойынша жүргізу мақсатында жақсы жабдықталған сыныптарда, парктерде, казармаларда, оқу орталақтары мен басқа да орындарда жүргізіледі. Сабақ жүргізу барысында әр түрлі плакаттар, оқу кинофильмдері мен басқа да көрнекілік құралдар кең қолданылады. Профессор-оқытушылар құрамы мен командирлердің (бастықтардың) өздерін жарғылық тәртіпке сай ұстауы-студенттердің жарғыларды барынша тез үйреніп, игеруіне септігін тигізеді.

Сабақ барысында студенттерге қару-жарақтар мен оқ- дәрілерді сақтауға қою және беру тәртібі, қарауыл және ішкі қызметті ұйымдастыру, жұмысжайларды тиісті инвентарлар және жабдықтармен қамтамасыз ету мәселелері оқып-үйретіледі.

Тәуліктік наряд қызметіндегі тұлғаның міндеттерін оқып-үйрену кезінде студенттердің жаттығу жұмыстарына, қару-жарақтар мен оқ-дәрілерді беру және тапсыру тәртібіне, оларды сақтау, постты қабылдап алу және тапсыру кезіндегі амалдардың орындалуына, оны күзету және қорғау жұмыстарына, қару-жарақпен жұмыс істеу мәселелеріне көп мән беріліп оқытылады.

Оларды орындауға дағдылану күнделікті өмірде жарғылық талаптарды оқып-білу кезінде жетілдіріліп отырады.

Бағдарлама бөлімдері	Бөлімдер мен тақырыптардың реттік саны	Сағат саны
		БАРЛЫҒЫ	ЖОО					Оқу жаттығу кезінде
			Барлығы ЖОО	Дәрістер	Семинар	Топтық	Практикалық	Оқу жаттығу кезінде барлығы	Дәрістер	Практикалық
13.	13 Бөлім. Қазақстан Республикасы Қарулы Күштерінің жарғылары	38	24	2		10	12	14		14
	№1.Әскери мамандыққа кірістеме *	2	2	2
	№2. Әскери киімді кию тәртібі *	2	2				2
	№3. Қазақстан Республикасы ҚК , басқада әскерлер мен әскери құрамалардың жарғылары *	12	8				8	4		4
	№ 4. Әскери тәртіп, көтермелеу және тәртіптік жаза	2	2			2
	№ 5. Тәуліктік наряд	4	2			2		2		2
	№ 6. Тәуліктік нарядтағы адамдардың құқықтары мен міндеттері	4	2			2		2		2
	№ 7. Қарауыл қызметін ұйымдастыру	4	2			2		2		2
	№ 8. Қарауылдағы тұлғалардың құқықтары мен міндеттері	6	2			2		4		4
	Бақылау сабағы	2	2				2

*-белгісімен берілген тақырыбтар 1 семестрде оқытылады