9. Курстық жоба (жұмыс), лабораториялық, есептік-кестелік жұмыстарды орындау бойынша, типтік есептемелер бойынша әдістемелік нұсқаулар

Курстық жұмыс «Персоналды басқару» пәнінен студенттердің теориялық білімін қалыптастыру мен орнықтырудың бір нысаны болып табылады.

Курстық жұмысты орындау келесі мақсаттарды көздейді:

• шағын кәсіпкерлікті мемлекеттік қолдау инфрақұрылымын дамыту және жетілдіру;

• шағын кәсіпкерлік субъектілеріне әдістемелік, ақпараттық, кеңестік көмек көрсету және оны жетілдіру;

• облыста кәсіпкерлікті дамытуда кездесетін кедергілерді жою бойынша кәсіпкерлердің ұсыныстарын қарау және талдау.

Курстық жұмысты орындау барысында студенттер түрлі әдебиеттер көздерінен алынған арнайы ақпаратты өңдеумен қорытындылау бойынша дағдыны көрсету тиіс. Таңдалып алынған тақырып бойынша практикалық материалды (кәсіпорындар есептемелері, статистикалық көрсеткіштер, мысалдар және т.б.) қолдану қажет.

Курстық жұмыстың мәні, жазу әдістемесі мен сатылары.

Курстық жұмыстың мәні – жинастырылған ресми, әдеби – статистикалық және болжамдық материалдарды жүйелі түрде саралап – талдап, одан алынған тұжырымдар мен қорытындаларды алынған тақырыпты тері ашып беру үшін белгілі логикалық сәйкестілікке келтіруге және осылардың барлығын өз сөзімен жазып шығуға үйрету болып табылады. Осы тұрғыдан алғанда студенттердің жазбаша жұмыстары дипломдық жұмыс жазумен аяқталуға тиіс.

Курстық жұмыс жазу барысында мынадай әдістемелік нұсқау сақталғаны жөн:

• Тақырыптың ғылыми-методологиялық астарын толық меңгеру үшін керекті әдебиетті анықтап, оны оқып-үйреніп, өзіне жарамды дегендерін жазбаша жинақтау;

• Ғылыми-теориялық тұжырымдарды қоғамдық өмірдің тәжірибесінде болып жатқан жағдайлармен салыстыра қарастыру үшін ресми материалдар мен диамикалық, құрылымдық, мөлшерлік және сапалық көрсеткіштерді терең талдау;

• Тақырыпты таңдап алғандағы мақсатқа қол жеткізу үшін жоғарыда аталған жұмыстарды логикалық ойлау, зерттеу объектісінің басқару механизмдерін одан әрі жетілдіру және экономикалық - әлеуметтік тиімділігін арттыру жолдары мен әдістерін негіздеу болып табылады.

1. Курстық жұмыс тақырыбын таңдап алу

Әр студент курстық жұмыс тақырыбын кафедра бекіткен тақырыптар тізімінен таңдап алады.

Курстық жұмысты орындау ұйымдастыру жағынан келгенде мынадай сатылардан өтуге тиіс:

• Кафедра мәжілісінде алдын-ала бекітілген тақырыптар тізімі студенттерге беріледі;

• әрбір студент өзіне оңтайлы тақырыпты таңдап алып, ол бойынша әдебиеттер тізімін жасағаннан кейін жұмыстың мазмұнының жобасын жасақтап, оны кафедрадан бекітілетін ғылыми жетекшімен бірлесе отырып жетілдіреді;

• Жоғарыдағы әдістемелік нұсқауларға сәйкес жазылған курстық жұмыс ғылыми жетекшіге тапсырылады;

• Ғылыми жетекшінің кеңесі бойынша курстық жұмыс түзетіледі және жетілдіреді. Ғылыми жетекші жұмысты жарамсыз деп тапса, онда бұл жұмыс қорғауға жіберілмейді;

• Ғылыми жетекші жазылған жұмысты қорғауға лайықты деп тапқан жағдайда, студент курстық жұмысты тиісті дәрежеде қорғайды.