IV.Жаңа материалды меңгергенін тексеру кезеңі.

1.Оқулықпен жұмыс. Іштей, тізбектей оқыту. 2.Сұрақ-жауап

3.Практикалық жұмыс. Жұмыстың орындалу реті:

1.Ыдыс жасауға қажет болатындай газет парағын қиып аламыз.

2.50 мл суға 2 ас қасық ұн салып, араластырып, желім дайындап аламыз.

3.Таңдаған ыдысымызды төңкеріп қойып, ыдысқа қажет газет қиындылары жабысып қалмауы үшін вазелин майын жағамыз.

4.Газет қиындыларын ұннан жасалған желімге малып, ыдысты айналдыра желімдейміз.

5.Осылайша 4-5 рет қабаттап, ыдысты бөлме температурасында кептіреміз.

6.Кепкеннен кейін қағаздан қабатталып жасалған қалыпты ыдыстан түсіріп аламыз.

7.Дайын кесеге ою-өрнекті түсті қағаздан қиып алып желімдейміз, немесе акварель бояуымен алуан түрлі гүлдердің суретін салып безендіреміз.

V.Бекіту кезеңі. Қорытындылау. Металл ыдыстың қандай түрлерін білесің? Тамақтың дәмі, түсі, иісі бұзылмас үшін қандай ыдыстарды пайдаланған дұрыс? Папье-машеден тағы қандай бұйымдар жасалынады? Ыдыстарды қалай безендіруге болады?

VI.Бағалау.Оқушылардың еңбегін салыстыра отырып,бағалау.

№47.Тақырыбы: Кәмпит салатын ыдыс жасау.

Мақсаты: Сусыннан босаған пластмасса бөтелкеден кәмпит салатын ыдыс жасауды үйрету. Ой-өрісін, қиялын дамыту.Үнемшілдікке баулу.

Сабақтың типі: аралас сабақ Әдісі: сұрақ-жауап, түсіндіру Көрнекілігі: пластмасса ыдыстан жасалған әр түрлі ыдыстар. Қажетті материалдар мен құралдар: пластмасса бөтелке, кеңсе пышағы, ермексаз.

Барысы: I.Ұйымдастыру кезеңі.Сабаққа дайындық.

II.Мақсат қою кезеңі.Сабақтың тақырыбымен, мақсатымен таныстыру.

III.Жаңа материалды түсіндіру кезеңі.а) мұғалімнің түсіндірмесі.

Сусыннан босаған пластмасса бөтелке мен ермексазды пайдаланып, қарапайым тәсілмен кәмпит салатын ыдыс жасап көрейік. Ол үшін бөтелкенің бас жағы мен түп жағын қайшымен қиып немесе кеңсе пышағымен абайлап кесеміз. Содан кейін бөтелкенің түбін кеңсе пышағымен оямыз. Ойық арқылы бөтелкенің мойнын кіргізіп, оның жан-жағын ермексазбен жапсырып, бекітеміз. Дайын ыдысты әр түрлі тәсілмен безендіруге болады. Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс .Іштей, тізбектей оқыту. 2.Сұрақ-жауап

3.Практикалық жұмыс. Қауіпсіздік ережесін сақтау.

V.Бекіту кезеңі. Қорытындылау. Пластмасса ыдыстан тағы қандай бұйым жасауға болады? Ыдысты қандай тәсілдермен көркемдеп, әшекейледің?

VI.Бағалау. Оқушылардың еңбегін салыстыра отырып, бағалау.

№48.Тақырыбы:Түймелерден жасалған моншақ.

Мақсаты: Оқушыларға зергерлік бұйымдар туралы түсінік бере отырып, түймелерден моншақ жасап үйрету. Танымдық қабілеттерін, қол икемін дамыту.

Сабақтың типі : аралас сабақ Әдісі: сұрақ-жауап, түсіндіру, көрнекілік Көрнекілігі: моншақтар.Қажетті материалдар мен құралдар: түйме, қармақ бау немесе жіп, ілгек, қайшы.

Барысы: I.Ұйымдастыру кезеңі. Сабаққа дайындық.

II.Мақсат қою кезеңі. Сабақтың тақырыбымен, мақсатымен таныстыру.

III.Жаңа материалды түсіндіру кезеңі. а) мұғалімнің түсіндірмесі

Рухани мұраларымыздың бірі – зергерлік бұйымдар. Зергерлердің қолынан шыққан бұйымдар адам бойына әрқашанда көрік, ажар берген. Зергерлік бұйымдарға алқа, моншақ, білезік, сырға, жүзік, шашбау жатады .Бұл бұйымдар анасынан қызына мұра ретінде қалып отырады. Ал жіпке тізілген әсемдік үшін мойынға салып жүретін моншақ түрлі-түсті майда асыл тастардан тұрады .Моншақты тек алтын, күміс, меруерт, маржандардан ғана емес, түймелерден де жасауға болады екен.

1.Оқулықпен жұмыс. Іштей, тізбектей оқыту. 2.Сұрақ-жауап

3.Практикалық жұмыс. Қауіпсіздік ережесін сақтау. Жұмыстың орындалу реті:

1.Ұзындығы 25см қармақ бауын немесе жіп алып, оны инеге сабақтаймыз.

2.Жіптің бір ұшына ілгекті байлап, бекітеміз.

3.Түймелерді жіптің екінші ұшынан бір-бірлеп өткіземіз.

4.Жіптің екінші ұшына ілмек жасап, оны ілгегіне бекітеміз.

V.Бекіту кезеңі. Қорытындылау. Бүгінгі сабақ ұнады ма? Зергерлік бұйым түрлерін ата. Зергерлік бұйымдарды кімдер жасайды?

VI.Бағалау.Оқушылардың еңбегін салыстыра отырып, бағалау.

ҮІІ.Үйге тапсырма беру.Түймелерден жүзік жасап үйрену.

№49.Тақырыбы: Жіптен алқа жасау.

Мақсаты:Оқушыларды жіптен алқа жасауға үйрету. Ақыл-ойын, қиялын дамыту. Шеберлікке тәрбиелеу.

Сабақтың типі: аралас сабақ Әдісі:сұрақ-жауап, түсіндіру Көрнекілігі: әр түрлі алқалар.

Барысы: I.Ұйымдастыру кезеңі. Сабаққа дайындық.

II.Мақсат қою кезеңі. Сабақтың тақырыбымен, мақсатымен таныстыру.

III.Жаңа материалды түсіндіру кезеңі. а) мұғалімнің түсіндірмесі.

Әшекейлеп жасалған алқа – адам көркі. Шеберлер алқаны алтыннан, күмістен, табиғи материалдан жасайды. Сонымен қатар күнделікті кездесетін материалдардан да алқа жасауға болады. Оған машина жібінің жуандауы немесе жібек жіп, майда моншақ, пластмасса сақиналар және ине қажет. Сергіту сәті