77. Слайдты белгілеу. Түрлі түстер схемасы. Слайд белгіленуі

Слайд белгіленуін (Разметка слайда), яғни мәтін, сурет, диаграмма элементтерінің слайдта орналасу схемасын презентацияның әрбір слайдына өз қалауымызша таңдау мүмкіндігі бар. Слайд белгіленуін тек презентация құрылатын кезде ғана емес,онымен жұмыс істеп отырып,кез келген уақытта өзгертуге болады.

Слайд белгіленуін тек бір слайд үшін таңдау қажет болса,слайд режимінде Формат-Слайд белгіленуі (Формат-Разметка слайда) командасын орындаймыз. Ал, бірнеше слайдтың белгіленуін өзгерту үшін, осы команданы слайдтарды белгілеп алған соң орындаймыз. Бірнеше слайдтар сұрыптау (сортировка слайда) режиміне ауысып, біреуі белгіленген соң, келесісінде тышқанды шерту кезінде пернесін басып тұру арқылы белгіленеді.

Түрлі түстер схемасы

Түрлі түстер схемасы әрбір шаблон компоненттерінің бірі болып табылады. Ол презентацияның әртүрлі элементтерін безендіруге арналған реттелген сегіз түрлі түстер тізбегінен құралған. Түрлі түстер схемасында слайдтардың фоны бірінші орында тұрады, қалған жеті түс фонның үстіне орналасатын мәтін,диаграмма және басқа объектілерді безендіруге арналған. Формат-Түрлі түстер схемасы (Формат-Цветовая схема) командасын орындағанда ашылған сұқбат терезенің Стандартты (Стандартная) ішкі бетінде схеманың қажеттісін таңдау мүмкіндігі бар. Ал, Арнайы(Специальная) ішкі бетінде түрлі түстер схемасындағы түстерді өзгертуге болады.

Осы сегіз түрлі безендіру элементтерінің(1-кесте)кез келгенін өзгерту үшін, Арнайы (Специальная) ішкі бетінде қажеттісін таңдап алған соң, Түсті өзгерту (Изменить цвет) батырмасын шертеміз. Келесі ашылған сұқбат терезеде алтыбұрышты түрлі түстен және спектрден өзімізге ұнаған түсті таңдаймыз.

Түс өрісі (цветовое поле)	Сипаттама
1.Фон	Слайд фоны ретінде қолданатын түс
2.Мәтін және сызықтар (текст и линии)	Жазба (Надпись) ішінде орналасқан таңбаланған тізімдегі немесе мәтіндік блоктағы мәтіннің түсі. Осы түс Сызық (Линия) және Бағыттауыш (Стрелка) аспаптарының көмегімен құрылған сызық , бағыттауыштарға автофигуралар және сурет салу аспаптары көмегімен салынған басқа да объектілерге қатысты болады.
3.Көлеңкелер(Тени)	Көлеңке (Тень) батырмасы көмегімен құрылған көлеңкелердің түсі.
4.Тақырып (Заголовок)	Слайдтағы тақырыптар мен тақырыпшылардың түсі .
5.Акцент	Диаграммалар бірнеше тармақты диаграммалар (оргдиаграммы) және басқа ендірілген объектілерде екінші түс ретінде қолданылатын түс.
6.Құю (Заливка)	Автофигуралар және сурет салу саймандарының көмегімен құрылған объектілерді құю түсі. Осы түс диаграммаларды бірінші ретті мәліметтерге қатысты болады.
7.Гиперсілтемелі акцент	Диаграммалар бірнеше тармақты диаграммалар (оргдиаграммы) және басқа ендірілген объектілерде үшінші түс ретінде қолданылатын түс.Осы түс гиперсілтемені шақыратын объектілерге де қатысты болады (басқы слайдтағы презентацияға және WEB-парақтарға көшуді көрсететін объектілер).
8.Гиперсілтемемен жалғасатын акцент (Акцент с последующей гиперссылкой)	Диграммалар, бірнеше тармақты диаграммалар және басқа ендірілген объектілерде төртінші түс ретінде қолданылады. Бұл түс екпінді болыптұрған гиперсілтемелік объектілерге қатысты.