1. Осы сабақтың бір тақырыпты басқа сабақтардың жүйесіндегі орны; сабақ мақсатының дұрыс қойылуы;

2. Сабақты ұйымдастыру:

а) сабақтың типі;

ә) сабақтың құрымы, оның бөлек элементтері, оның жүйелігі және уақытты мөлшерлеу; сабақтың құрастырылуы  оның мазмұны мен мақсатының сәйкестігі;

б) сынып оқушыларының сабаққа дайын болуы;

в) сабақ бойы оқушылардың белсенділігін ұйымдастыру; сабақта жаппай, топтық, ұжымдық жұмыстарды үйлестіру;

г) сабақтың тығыздығы; уақытты ұтымды қолдану.

3. Сабақтың мазмұны:

  а) материалдың ғылымилығы;

  ә) оқушылардың әр түрлі әрекет түрлері мен сабақтың кезеңдерінде материалдарды дұрыс қолдану;

  б) сабақ мазмұны мұғалім жұмыс істейтін бағдарлама талаптарына сәйкес болуы;

  в) сабақтың тәрбие бағыттылығы;

  г) теорияны тәжірибемен байланыстыру; мұғалім теорияның тәжірибелік қажеттілігін ашу; оқушыларды алған білімін практикада (тәжірибеде) қолдануды үйрету;

 д) жаңа оқып жатқан материалды алдында өткенмен байланыстыру; өткенді қайталау жолдары;

 е) пәнаралық байланыс;

 ж) мұғалімнің тілі: сауаттылығы, сезімділігі, тіл байлығы;

 з) оқушының білім, біліктілік және дағды сапасы;

 и) оқушылар тілі.

4. Сабақ өткізу әдістемесі:

 а)  сабақ жабдықтары, сабақтың әр кезеңінде көрнекі құралдарды, дидактикалық материалдарды қолдану;

 ә) сабақтың әр кезеңінде мұғалім қолданатын әдістері мен жолдары;

 б) сабақтың мазмұны мен мақсатарына, оқушылардың жасы мен деңгейіне әдістерднің сәйкес болуы; қолданған әдістердің тиімділігі;

 в) оқушылар алдында сабақ мақсатын қою және қорытындысын шығару;

 г) сабақта үлгермейтін және нашар үлгеретін оқушылармен атқарылған жұмыстар;

 д) мұғалім белсенді оқыту әдістерін меңгеруі; осы әдістерді сабақта қолдануы мақсатқа лайықтылығы;

 е) мұғалімнің оқушылар білім сапасын бағалау жүйесі; оның педагогикалық құндылығы.

5. Мұғалімнің сабақтағы қарым-қатынасы: үні, қарым-қатынас стилі, жеке оқушылармен және сыныппен қатынас мәнері.

6. Оқушылардың сабақтағы жұмысы мен тәртібі:

а)  жеке оқушылардың және сыныптың белсенділігі;

б)  оқушылардың сабаққа деген көзқарасы, сабақ материалына қызығушылығы;

в)  оқушылардың мұғалімге көзқарасы;

г)  оқушылардың тәртібі мен ұйымдасқандығы;

д)  оқушылардың тілі; қойылған сұрақтары.

7. Сабақ бойынша жалпы қорытындысы.

Сабақтар модельдерінің суреті

Қызмет түрлері бойынша

Қызмет түрлері мен сабақ кезеңдері бойынша

Аспектілер мен көрсеткіштер бойынша

Сабақты өзі талдау жасау жаднамасы

• Сабақты өткізу ой және жоспар алғашында қандай еді, неге?

• Сабақтың осындай таңдау жасауға не негіз болды? 

• Ол алдындағы сабақтармен қалай байланысты, нені тірек етеді?

• Осы сабақ қалай келесі сабақтарға, тақырыптарға, тарауларға ықпал етеді?

• Қалай сабақ дайындағанда бағдарлама талаптары, білім беру стандарты, осы мектептің даму стратегиясы есептелді?

• Осы сабақтың ерекшелігі, бірегейлігі неде?

• Қалай және неге осы сабақ формасы таңдалған?

• Сабақ  дайындалғанда  сыныптың, оқушылардың ерекшеліктері есепке алынды?

• Сабақтың негізгі мақсаттары.

• Сабақтың құрамы  мен  жылдамдығының таңдалуы неге негізделеді?

• Сабақтың нақты барысы, мұғалім мен оқушының байланыс сипаттамасы неге негізделеді? Не себепте осындай мазмұн, әдістер, тәсілдер, формалар қолданылды?

• Сабақ өткізу үшін қандай жағдайлар жасалған (әлеуметтік-психологиялық, оқу-материалдық, гигиеналық, эстетикалық, темпоритмикалық)?

3. Жаңа технологиялық сабақтар: модульдік сабақ.Сабақтың тиімділігін арттырудың көптеген әдіс тәсілдері бар (жекеше немесе топтармен жұмыстар, мөлшерленген үй тапсырмалары, стандартты емес сабақтар, т.с.с.) Стандартты емес сабақтың бір түрі –модульдік сабақ.

Модульдік сабак бірнеше артықшылықтарымен ерекшеленеді:

Біріншіден, сабақ басталысымен оқушы өзінің не істеу керектігі, яғни сабақтың соңында өзінің нені біліп шығуы керектігі жөнінде толық мағлұмат алады. Бұлай болатын себебі, оқушыларға мұғалім алдын-ала дайындалған сабақтың жүру жоспарын, яғни орындайтын тапсырмалар нұсқауын таратып береді. Онда сабақтың түпкі және оның әрбір элементінің нақты мақсаты көрсетілген.

Екішіден, топ (ұжым) болып жұмыс істеу дағдылары қалыптасады. Топпен жұмыс істеу кезінде окушы өз пікірінің дұрыстығын дәлелдеуге, қателігін мойындауға және жолдасының пікірінің дұрыстығын немесе қателігін көрсетуге, онымен пікірлесе отырьш ұжымдық шешім қабылдауға үйренеді. Оқушыда өз білімін өзі бағалау және бақылау дағдысы қалыптасады.

Үшіншіден, өзінің жеке басының мүмкіндіктері мен қабілетін ескере отырып үлкен көлемдегі жазба жұмыстарын өз бетінше шығаруға кететін уақытын жоспарлауға дағдыланады.

Төртіншіден, әр оқушының білім деңгейіне қарай тапсырмаларды әр түрлі деңгейде алуға болады.

Модульдік сабақ өтілген тақырып бойынша сыныптағы барлық оқушының білімін тексеріп бағалауға мүмкіндік береді. Сабақты бастамас бұрын өте жақсы оқитын оқушыдан эксперт-кеңесші тағайындалады. Ол оқушылардың қойған сұрауларына жауап беріп, қажет жерінде көмек көрсетеді. Сонымен қоса ол оқушылардың орындаған тапсырмаларын тексеріп бағалау кезінде мұғалімге көмек көрсетеді.

Жұмыс істеу топтарын құрған кезде оқушылардың өз қалауларын ескере отырып, тапсырманы орындауға шамасы келетіндей жағдайды қарастыру керек. Сабақты бастамас бұрын оқушыларға сабақ жоспарындағы ескертулерді, нұсқауларды және сабақтың мақсатын толық түсіне білуді, жеке өзінің және тобының еңбегін әділ бағалай білуді үйрету керек.

Ойын сабақтары. Ойын сабақтары – дәстүрлі емес сабақтардың ең көп тараған түрлері. Ойын сабақтарының ерекшелігі – оқу-тәрбие процесінде балаларға таныс ойын элементтерін білім алуға пайдалану.

Ойын – оқушылардың оқуға, еңбекке деген белсенділігін арттырудағы басты құрал. Бала ойын ойнағанда өмірде көрген-білгенін өзіне ұнаған адамның іс-әрекетіне еліктеп отырып бейнелейді. Бала үшін өзіне ұнаған адамнан артық ештеңе жоқ, оған барлық жағынан ұқсағыш келеді. Жалпы бала табиғаты өзін бірнеше ең үлкен етіп көрсетуге бейім.

Балалардың жан-жақты дамуы үшін ойынның рөлі ерекше. Мұғалім бағдарламада көрсетілген көріністі-рөлдік, қимыл қозғалысты, дидактикалық-шығармашылық ойын түрлерін пайдалана отырып, баланың ойын әрекетін ұйымдастыра білуі тиіс. Ойын барысында оқушылардың айналадағы дүние жайында мағлұматтары кеңейіп, таным белсендігі артып, игерген білім-машықтарының негізінде бір көрініске орай басты кейіпкерлерге еліктеуі, ойын ойнауға өзіне серік тауып алуы, онымен шынайы қарым-қатынас орната отырып, таңдап алған рөлдеріне деген жауапкершілігі.

Билет №21