71. Журналдар. Калонтитулдың рәсімделуі.

Колонтитул

Кезеңді және жалғасатын басылымдар колонтитулы ретімен көрсетілген келесі элементтерден тұрады:

− сериялы басылымның халықаралық стандартты нөмірі (ISSN аббревиатурасы бар);

− басылымның негізгі тақырыбы (басылымның ISSN берілгенде орнатылған тақырыбы түрінде);

− басылымның шыққан жылы;

− томның, бөлімнің, шығарылымның кезекті нөмірі;

Кезеңді емес жинақтар колонтитулы ретімен көрсетілген келесі элементтерден тұрады:

− кітаптың халықаралық стандартты нөмірі (ISSN аббревиатурасы бар);

− басылымның тақырыбы (атауы);

− басылымның шығарылған орны;

− басылымның шыққан жылы.

Колонтитулдағы кезеңді емес басылымның тақырыбын (атауын) қысқартуға рұқсат етіледі: соңғы сөздерін кесу, сөздерді тақырыптың ортасына жіберу, жеке сөздерді немесе сөз тіркестерін мағынасын өзгертпей ауыстыру.

Колонтитулды жеке жолға беттің жоғарғы немесе төменгі бөлігіне орналастырады.

72. Өнер баспасының өнімдеріне сараптама жасаңыз. Өнер баспасы 1980 жылдың 1 қаңтарында құрылды. Өнер деген атынан көрініп тұрғандай, бұл баспа өнер, музыка, плакат, открытка, фотоальбом кітаптарын әзірлейді.

Өнімдері: 1. Нарымбетов Сатыбалды: Кітап-альбом.- Алматы: «Өнер» баспасы, 2009.- 192 б.

2. Жайсаңбаев Есболған: Фотоальбом.- Алматы: «Өнер» баспасы, 2009 - 176 б.

3. Ноғайбаев Ыдырыс: Фотоальбом.- Алматы: «Өнер» баспасы, 2009.- 152 б.

4. Досмағамбетов Төлеген: Фотоальбом.- Алматы: «Өнер» баспасы, 2009.- 152 б.

73.Әмбебап штрих-кодтар(УШК)Бүгінгі күнде кітапты тауарлық тұрғыдан өткізу мен тексеру оңай болуы үшін оларға штрих-кодтар береді. «Штрих-код – сандық немесе сандық-әріптік кодтың оптикалық бейнесі. Ол көлденең тұрған жолақтар мен интервалдардың кезектесіп келуінен құралады. Штрих-код тауарды сәйкестендіруге мүмкіндік береді. Онда әртүрлі міндетті атқаратын бірнеше символикалар бар. Оның мерзімді басылымдарды штрих-кодтауда қолданылатын, кең таралған екі түрі бар: EAN-13 және 128 коды, ал ISSN коды осыған жатады. EAN 13 - коммерциялық тарату үшін пайдаланылатын код. Ол әлем бойынша көп қолданылады. Оны біз дүкендерден тауар алған кезде көп байқаймыз. EAN 13 (ол 13 белгіден тұратындықтан осылай аталады) Брюссельде орналасқан Тауарларды номерлеу еуропалық Ассоцияциясымен (EAN), бақыланады. EAN и ISSN Халықаралық орталығының арасында киоскілер мен супермаркеттерде сатылатын мерзімді басылымдар үшін ISSN идентификациялық код ретінде пайдалану туралы келісім жасалған. Сондықтан, ISSN EAN 13 кодын мерзімді басылымдарға беру үшін пайдаланылады»[8]. «EAN 13 коды негізінен кәсіпорын тіркелген мемлекетті білдіретін кодтан басталады. Қазақстан Республикасы Үкіметінің № 1110 11 1996 жылдың қыркүйек қабылданған “Қазақстан Республикасында штрих-код жүйесін енгізу туралы” қаулысы бойынша "Стандарттау және сертификаттау туралы" Қазақстан Республикасының заңына сәйкес елімізде өндірілген өнімдерді автоматтандырылған есепке алу мақсатында өнімдерді штрих-кодқа өткізу міндеттелген. Қазақстан Республикасы Министрлер Кабинетінің 1993 ж. сәуірдегі № 270 қаулысы бойынша Ұлттық мемлекеттік кітап палатасына Кітаптарды халықаралық стандартты номермен тіркеу, штрих-код беру (ISBN Агенттігі), сериялы басымдарды тіркеп, штрих-код беру (ISSN Агенттігі) сонымен бірге халықаралық ISO 10579 стандартына сай, музыкалық-ноталық шығармаларды тіркеп, штрих-код беру (ISMN Агенттігі) жұмыстары жүктелген. Осыған байланысты Кітап палатасы төмендегідей өнімдерді Халықаралық номермен тіркеп, штрих-код бере алады.