3. Акрилатты каучуктер негізіндегі резина қоспалары мен вулканизаттардың қасиеттері

Акрилатты каучуктердің негізіндегі резиналардың маңызды артықшылығы – гипоидті беріліске арналған майлар әсеріне төзімділігі. Жылуға төзімділігі жағынан бутадиен-нитрилді каучуктер мен фторлы каучуктер негізіндегі резиналар ортасында аралық орынды иемденеді, бірақ соңғысына қарағанда анағұрлым арзандау.

Акрилатты каучуктерден жасалған резиналық бұйымдар ұзақ уақыт бойы 150°С-да және азғана уақыт 200С-да жұмыс істей алады. Олар майлағыштар, майлар, озон және күн сәулесі әсеріне төзімді.

Акрилатты каучуктер салқын біліктерде пластикацияланады (қызған каучуктерге жабысып қалады), ингредиенттермен оңай араласады. Олардың негізіндегі қоспалар кәдімгі, яғни каландрлеу, экструзиялау және т.б. әдістерімен өңделеді. Жоғары механикалық қасиеттерге ие акрилатты каучуктердің негізіндегі резиналарды алу үшін активті техникалық көміртекті (каучуктің 100 масс.б. 40-100 масс.б.) қолданады. Құрамында қанықпаған буындар болмағандықтан вулкандаушы агенттер ретінде күкірт немесе үдеткіштермен (каптакс және т.б.) үйлестіре полиэтиленполиаминдерді қолданады. Қоспаларды 150-160°С-де 10-120 мин вулкандайды, кейде 150-180 °С 2-24 сағ қосымша ұстап тұрады (жоғары температураларда сығылған соң қалдық деформациясы аз вулканизаттар алу үшін жылумен өңдеу қажет болады).

Акрилатты каучуктердің негізіндегі вулканизаттардың негізгі физика-механикалық қасиеттері 16 кестеде келтірілген.

Акрилатты каучуктердің кемшілігі – технологиялық қасиеттері қанағаттанарлықсыз (пластификацияланған каучуктер құрал-жабдықққа жабысып қалады), созылымдылығы және аязға төзімділігі төмен, ыстық суда және су буында ісінуі жоғары.

Акрилатты каучуктердің негізіндегі резиналарды негізінен 170С дейінгі температурада ауада, 150-200С температурада майларда және 200С шамасындағы температурада тұйық жүйелерде жұмыс істейтін әртүрлі төсемдерді, түтікшелерді, нығыздау сақиналарын және басқа да бұйымдарды жасау үшін автомобиль өнеркәсібінде қолданады. Одан бөлек, бұл резиналарды

1 кесте

Акрилатты каучуктердің негізіндегі вулканизаттардың негізгі физика-механикалық қасиеттері

№	Көрсеткіштердің аталуы	Толықтырылмаған қоспа	Толықтырылған қоспа
1	Созғандағы беріктігі, МПа 23 °С-де 100°С-де	3,6—4,1 1,0—1,2	8,8-10 3,4-3,9
2	Үзгендегі салыстырмалы ұзаруы, % 23 °С-де 100°С-де	280-350 180-200	260-350 -
3	Үзгендегі қалдық ұзаруы, %	4—6	10—16
4	Ыршығандағы созылымдылығы, % 23 °С-де 100°С-де	5-7 37—40	5-9 40-45
6	Қаттылығы, TM-2 бойынша	40—44	56-65
7	Омырылғыштық температурасы, °С	—35	—24
8	Жұлмалауға қарсылығы, кН/м	6,9—7,8	24.5-.34,3
9	10 тәулік бойы 150 °С-де трансформаторлық майда ісінген соң
	Үзгендегі беріктігі, МПа	-	4,0
	Үзгендегі салыстырмалы ұзаруы, %	-	170
	Үзгендегі қалдық ұзаруы, %	-	2
	Ісіну дәрежесі, %	-	29

бензинге арналған сиымдылықтар, резина біліктер мен шығыошықтар, сондай-ақ жылуға, майға төзімді резина-техникалық бұйымдар жасауға қолдануға болады.

№ 6 емтихан билеті