3. Венчурлық бизнестің маңызы.

. «Венчур» - ағылшынның «venture»тəуекелді кəсіпорын немесе бастама дегенді білдіреді. Венчурлік капитал жеке бизнесті каржыландырудың баламалы нысаны ретінде АҚШ-та 50-жылдардың ортасында пайда болды. Еуропаға ол тек 70-жылдардың соңында ғана келді. Венчурлік капитал пайда болғанға дейін əлемде шағын жəне орта бизнесті каржыландыруды банктік капитал, ірі корпорациялар мен компаниялар жəне ауқатты адамдар, яғни «бизнес періштелерінің» қаржыландыруы арқылы жүзеге асырылған.Венчурлық бизнес дегеніміз – пайда табу мақсатында біреуі қаражатымен, екіншісі идеясымен инновациялық ғылыми сыйымды өнім шығаруға бағытталған үлкен тәуекелге баратын кәсіпкерлердің бірлескен жұмысы.Венчурлық қаржыландыру басқа қаржыландырулардан, соның ішінде банктік несиеден қандай айырмашылығы болуы мүмкін:

• Инвестор өз қаржысын акцияға салады.

• Инвестор жаңа кәсіпорынға көмектеседі (кеңес береді, тәжірибесімен бөліседі, таныстар табады).

• Тоқсандық, жылдық пайыздық төлем талап етпейді.

• Банктер тәуекелі жоғары әрі ұзақ мерзімге қаржы беруден сақтанады.

• Венчурлық капитал беруші акционері ретінде сәтсіздіктерді де, жауапкершілікті өзінің мойнына алады.

• Кәсіпорынның негізін қалаушы мен инвестор әріптес ретінде жұмыс істейді.

Емтихан билеті № 12

1. Қазақстанда ғылым мен инновациялық қызметті мемлекеттік қолдау тетіктері.

Ғылым бір орнында тұрмайтын, заманауи әлемде  күнделікті адамзат өмірін жақсартуға себебін тигізетін жаңа идеялар туындап, жаңа бір затқа айналады. Идеядан жаңашылдық тудыру үшін тұтас бір кезеңнен өту қажет. Бұл кезеңдегі ең маңыздысы идеяларды қаржылық қолдау болып табылады. Өмір сүру деңгейі жоғары дамыған елдерде жеке компаниялар мен барлық инновациялық қызмет субъектілері нарыққа өз идеяларын өздігінше шығарады. Өз елімізді жеке алып қарастыратын болсақ, онда Қазақстанда кәсіпкерлер мен бизнес құрылым субъектілері инновациялық идеяларға қолдау көрсете қоймайды. Осыған байланысты барлық инновациялық қолдауды мемлекет жүзеге асырады. Инновациялық қызметті мемлекеттік қолдау отандық инновацияларды әзірлеуді, енгізуді және инновациялық технологияларды сатып алуды жүзеге асыратын инновациялық қызмет субъектілеріне көрсетіледі. Инновациялық қызметті мемлекеттік қолдаумынадай негізгі нысандарда жүзеге асырылады:- инновациялық қызмет субъектілеріне инновациялық гранттар беру; - инновациялық даму институттары арқылы инновациялық дамыту шаралары кешенін қаржыландыру; - қаржыландыру сомаларын қайтару не бастапқы құны бойынша сатып алу мүмкіндігі болатын қайтарым негізінде инновациялық жобаларды қаржыландыру; - инновациялық жобалардың мемлекеттік ғылыми-техникалық, экономикалық және, қажет болған жағдайда, экологиялық сараптамасының жүргізілуін қамтамасыз ету. 

Инновациялық қызметті мемлекеттік қолдаудың мақсаттары:1) Қазақстан Республикасының инновациялық әлеуетін дамыту; 2) жалпы ішкі өнім құрылымында жоғары технологиялық өнімдер үлесін ұлғайту; 3) Қазақстан Республикасы экономикасының ғылымды қажетсінетін технологияларды енгізу мен пайдалануға негізделген инновациялық даму жолына ауысуына қолдау көрсету.

Инновациялық қызметті мемлекеттік қолдаудың принциптері: 1) инновациялық қызметті жүзеге асыру кезінде ұлттық мүдделердің сақталуы; 2) инновациялық қызметке мемлекеттік қолдау алу кезінде инновациялық қызмет  субъектілерінің теңдігі; 3) инновациялық қызмет субъектілерінің тұрақты өзара іс-қимылын қамтамасыз ететін кешенділік пен жүйелілік; 4) инновациялық қызметті мемлекеттік қолдау рәсімдердің ашықтығы.

Инновациялық қызметтi мемлекеттiк қолдау Қазақстан Республикасының заңнамасына сәйкес мынадай негiзгi бағыттар бойынша жүзеге асырылады: 1) мемлекеттiк инновациялық саясатты iске асыру үшiн ұйымдық және экономикалық, соның iшiнде инвестициялар тартуды қамтамасыз ететiн жағдайлар жасау арқылы инновациялық қызметтi ынталандыру;  2) инновациялық даму басымдықтарын айқындау;  3) инновациялық инфрақұрылымды қалыптастыру және дамыту; 

4) елде жалпы инновациялық белсенділікті арттыру, оның ішінде жоғары технологиялық және ғылымды қажетсінетін өндірістерді дамытуға жәрдемдесу;  5) отандық инновацияларды сыртқы нарықтарға жылжыту; 6) халықаралық ынтымақтастық және инновациялық технологияларды сатып алуды қоса алғанда, инновациялық қызмет саласына инвестициялар тарту;  7) өндірісті ресурс жинақтайтын технологияларға қайта бағдарлау, экологиялық таза өнімдер өндіру;  8) инновацияларды енгізуге жағдай жасау;