Емтихан билеті № 16

1. Қазақстан Республикасындағы инновациялық үрдістерге талдау жасау.

2. Интелектуалдық меншік басқару обьектісі ретінде « Авторлық және сыбайлас құқықтар туралы», «Патентті заң» Қазақстан Республикасы заңдары.

3. Ғылымды ұйымдастыру және инновациялық ұйымдар мен кәсіпорындардың жіктелу нысандары

1. Қазіргі таңда Қазақстанда экономика салаларын диверсификациялау және инновацияларды ауқымды енгізу үшін жағдайлар жасауға тиісті мемлекеттік бағдарламалардың көп саны қабылданған. Инновациялық қызметті қоғамда, ғылымда, әлеуметтік өмірде, саяси жүйеде, өмірдің тағы басқа салаларында да кеңінен қолдануға болады. Жаңа жетістіктерге қол жеткізу жолындағы ізденіс және оларды дамыту барысында жаңа әдіс-тәсілдерді қолдану заман талабынан туындап отыр. Инновациялық процестерге бет бұру дегеніміз ─ бұрынғы даму жолдарын өзгерту, қоғамның барлық саласының даму динамикасын жаңарту, ғылыми-техникалық дамуға жаңа стимул беру мақсатында жұмыс істеу. Мұның өзі ғылым мен өндірісті тоқайластыру деген сөз. Осы мақсатта қабылданған еліміздегі «Инновациялық қызмет туралы» заң қоғамның, экономиканың дамуына жаңа сипат беруде. Бұл заңның негіздеріне сүйенетін болсақ, мұнда негізінен инновациялық саясат ─ мемлекеттік саясаттың құрамдас бір бөлігі әлеуметтік-экономикалық саланы дамытуда осы бағытты басшылыққа алу керек. Бұл процесс бәсекеге қабілетті экономиканың қарышты қадам басуына ерекше әсер етеді. Инновациялық жаңа ғылыми идеялар озық технологияны қолдануға барлық жағдайлар жасау қажет екенін көрсетеді. Жаңа жетілдіргіш ақпараттық технологиялық процестер үрдісін қоғамды басқару саласынан бастап, өндірістің барлық салаларында қолдану керек екенін өмірдің өзі дәлелдеп отыр. Инновациялық саясаттың басты мақсаты ─ отандық өнімдердің бәсекеге қабілетті болуын қамтамасыз ету, осы арқылы еліміздің әл-ауқатын көтеру және қоғамның экономикалық  дамуы мен қауіпсіздігін қамтамасыз ету. Сондықтан да жаһандық процесс туғызған инновациялық қызмет кез келген мемлекеттің даму тарихында ерекше орынға ие. Еліміздегі ішкі және сыртқы геосаяси және экономикалық жағдайдың тұрақтануы мен инновациялық қызметтің, ғылыми-техникалық саясаттың даму қарқыны да өзгеруде.

2. Интеллектуалды меншік – инновациялық жобалар нəтижесін кəсіпорындардың иелену құқы. Инновациялық кəсіпкерліктің нəтижесінде белгілі бір инновациялық өнім алынады. Ол өнім инновациялық қызметтің яғни интеллектуалды еңбектің нəтижесі болғандықтан, интеллектуалды меншік болып саналады жəне ол заңды түрде құқықпен қорғалады. Интеллектуалды меншік объектілірін екіге бөлеміз : - авторлық құқықтың объектілері : ғылым шығармашылығы ЭВМ программалары, жинақтамалар ; əдеби шығармашылық əдебиет, оқулықтар, сценарилер; өнер шығармашылығы музыка, кино, бейнелеу өнері; - өндіріс меншігінің объектілері:өндіріс сызбалары; пайдалы модельдер; тауар белгілері, аталуы; ноу-хау. Авторлық құқық — Азаматтық кодекстің 971-бабында көрсетілгендей, шығармашылық қызмет нәтижесі болып табылатын ғылым (еңбектер, жобалар, зерттеулер, карталар), әдебиет (пьеса, поэма, сценарии, кітап) және өнер (музыка, кино, қойылымдар, би, сурет) туындыларына олардың бағытына, мазмұны мен маңызына, сондай–ақ оларды білдіру әдісі мен нысанына қарамастан қоладанылады. Авторлық құқық халыққа жарияланған, жарыққа шыққан, таратылған сондай–ақ халыққа әлі жарияланбаған, таратылмаған туындыларға объективті нысанда қолданылады. Авторлық құқық объектілері болып: әдеби туындылар, музыка-драмалық туындылар, сценарий, сөзі бар немесе сөзі жоқ музыкалар, хореография, аудио-бейне, бейнелеу, мүсін, фотосурет, эскиздер, компьютерлік бағдарламалар т.б жатады. Патент заңы (Осы Заңмен енеркәсіптік меншік объектілерін жасауға, құқықтық қорғау мен пайдалануға байланысты мүліктік, сондай-ақ оларға байланысты жеке мүліктік емес қатынастар реттеледі.