35. Биологиялық әралуандылықты сақтап қалудағы халықаралық ынтымақтастық принциптеріне сәйкес, Қазақстанның халықаралық деңгейдегі міндеттемелерін баяндаңыз

Биологиялық сан алуандықты сақтаудағы және биологиялық ресурстарды тиiмдi пайдаланудағы жауапкершiлiктi, 1992 жылы маусымда Рио-де-Жанейрода (Бразилия) өткен Бiрiккен Ұлттар Ұйымының қоршаған орта және даму жөнiндегi Конференциясында Қазақстан Республикасы Үкiметiнiң атынан қол қойылған биологиялық сан алуандық туралы Конвенцияның ауқымында халықаралық ынтымақтастықты кеңейту қажеттiгiн ескере отырып, Қазақстан Республикасының Министрлер Кабинетi қаулы етедi: 

1. Қазақстан Республикасының биологиялық сан алуандық туралы Конвенцияны мақұлдауы жөнiндегi Қазақстан Республикасы Экология және биоресурстар министрлiгiнiң ұсынысы қабылдансын. 

2. Қазақстан Республикасының Сыртқы iстер министрлiгi - Қазақстан Республикасының биологиялық сан алуандық туралы Конвенцияны мақұлдағаны жөнiнде Бiрiккен Ұлттар Ұйымының Бас Хатшысына - аталған Конвенцияның депозитарийiн мәлiм ететiн болсын. 

3. Қазақстан Республикасының биологиялық сан алуандылық туралы Конвенцияда көзделген мiндеттемелердi орындауын үйлестiру және бақылау жасау Қазақстан Республикасының Экология және биоресурстар министрлiгiне жүктелсiн. 

4. Қазақстан Республикасының осы Конвенция ережелерiнен туындайтын мiндеттемелердi орындауын қамтамасыз ету мәселелерi жөнiнде Қазақстан Республикасы Экология және биоресурстар министрлiгi жанынан қоғамдық негiзде ведомствоаралық комиссия құрылсын. 

5. Қазақстан Республикасының Экология және биоресурстар министрлiгi:  үш ай мерзiм iшiнде ведомствоаралық комиссия туралы ереженi бекiтiп, мүдделi министрлiктер мен ведомстволардың келiсiмi бойынша оның жеке құрамын айқындасын;  жануарлар мен өсiмдiктер дүниесiнiң сирек және жойылып кету қаупi бар түрлерiн қорғау, биологиялық сан алуандықты сақтау мақсатында осынау жануарлардың тiршiлiк ететiн жерлерi мен өсiмдiктердiң өсiп-өнетiн аудандарындағы шаруашылық қызметiн реттеу шараларын қабылдап, жануарлар мен өсiмдiктердiң жойылып кету қаупi бар түрлерi мен сұрыптарының саны мен ареалдарын сақтауға, қорғауға және қалпына келтiруге қатысты заңдық нормативтер мен ережелер әзiрлеу мен қабылдауды жүзеге асырсын

6. Қазақстан Республикасының Экология және биоресурстар министрлiгi, облыстардың әкiмдерi, мүдделi министрлiктер мен ведомстволар республика аумағында биологиялық сан алуандықты сақтау мақсатында қорғалымдар, қорықтар, табиғи ұлттық парктер, генетикалық резерваттар және басқа да қорғалатын аумақтар мен объектiлер желiсiн ұйымдастыруды көздесiн.

7. Қазақстан Республикасының Ұлттық ғылым академиясы, Ғылым және жаңа технологиялар министрлiгi, Экология және биоресурстар министрлiгi, Қазақ ауыл шаруашылығы ғылымдары академиясы Қазақстанның табиғи кешендерiнiң биологиялық сан алуандығын iргелi және қолданбалы ғылыми зерттеудi күшейтсiн.

8. Қазақ ауыл шаруашылығы ғылымдары академиясы және Қазақстан Республикасының Ауыл шаруашылығы министрлiгi республика аумағында генетикалық қорды сақтау және қолға үйретiлген жануарлардың аборигендiк тұқымдарын қалпына келтiру жөнiнде шаралар кешенiн, сондай-ақ селолық тауар өндiрушiлердiң биологиялық сан алуандықтың сақталуын қамтамасыз ететiн агроэкожүйелердiң биологиялық ресурстарын ұтымды пайдаланудың ғылыми негiздерiн әзiрлесiн. 

9. Қазақстан Республикасының Ауыл шаруашылығы министрлiгi, Ұлттық ғылым академиясы, Қаржы министрлiгiнiң Бас кеден басқармасы мүдделi министрлiктермен және ведомстволармен бiрлесе отырып, Қазақстанның табиғи жануарлар дүниесi мен өсiмдiктер әлемiне тән емес, әрi жат, араласуы мен бейiмделуi су және жер бетiндегi экожүйелерге белгiлi бiр дәрежеде зиян келтiруi мүмкiн түрлердiң жерсiнуiн болдырмау жөнiнде тиiстi шаралар қабылдасын. 

10. Қазақстан Республикасының Ғылым және жаңа технологиялар министрлiгi, Сыртқы iстер министрлiгi, Экология және биоресурстар министрлiгi 1994 жылы биологиялық сан алуандықты сақтау және тұрақты түрде пайдалану саласында белгiленген тәртiп бойынша Халықаралық ғылыми-техникалық ынтымақтастық бағдарламасын әзiрлеп, бекiтсiн. 

11. Қазақстан Республикасының Қаржы министрлiгi Қазақстан Республикасының биологиялық сан алуандық туралы Конвенциядан туындайтын мiндеттемелердi орындауына байланысты мемлекет мұқтажы үшiн министрлiктерге, ведомстволар мен облыстық әкiмшiлiктерге жыл сайын қаржы қаражатын бөлудi қарастырсын. 

12. Қазақстан Республикасы Экономика министрлiгiнiң жанындағы шетелдiк инвестициялар жөнiндегi Ұлттық агенттiк пен Қаржы министрлiгi басқа мемлекеттер мен халықаралық ұйымдардан түсетiн сыртқы қаржылай және техникалық көмектi пайдалану бағыттарын айқындау кезiнде Қазақстан Республикасының биологиялық сан алуандық туралы Конвенция бойынша мiндеттемелердi қажеттi жобаларды ескеретiн болсын.