Мöд мамъяс.

Колö лоны стрöгöн, Колö лоны рамöн, Колö асьтö сідзи кутны пыр, Медым тэнö быдöн Шуисны мöд мамöн, Медым тэнö помнитісны дыр. Медводдза учитель, Том кöть тэ, кöть пöрысь, Быдöнлы тэ муса, Быдöнлы тэ ас. Тэ йылысь бур думъяс Нэм чöж видзам сьöрын, Тэ öд медводз индан Олöм туйö пас. Овлö тэныд сьöкыд,

Овлö тэныд мустöм. Пинявлан и быдöн Коркö бöрйöм удж. Но мый öзтін мортын, Некор нин оз чусмы, Сы вöсна мый тэнад Сьöлöмыд зэв нюдз. Медым тэнö быдöн Шуисны мöд мамöн – Тайö вывті сьöкыд, Но и вывті бур! Колö лоны стрöгöн, Колö лоны рамöн – Мöд ног тайö нимыс Некодлы оз сюр.

Н. Щукин

Велöд кывбурлысь юкöн ас бöрйöм серти.

 – Мыйла велöдысьöс кывбуралысь шуöма мöд мамöн?

– Тэнад эм «мöд» мам? Кутшöм сiйö?

… удж. Лыддьы да гöгöрво газет статьясö.

Рисунок: фото Поповой А.И. (взять у Сизевой Ж.Г.).

Нэм чöжыс чужанiнас.

Медводдза велöдысь… Радейтана да пыдди пуктана морт. Сiйö нэм кежлö кольö велöдчысьлöн паметьö. Öд буретш сы сайын, кыдзи зонпосни кутасны велöдчыны водзö.

Альбина Ивановна Поповалöн зiльöмöн челядь окотапырысь босьтöны школаын тöдöмлун. Авъя, енбиа ань сяммис ышöдны зонпосниöс став бурас.

Нелямын во Альбина Ивановна велöдiс Помöсдiн сиктса Выльгорт грездса начальнöй школаын. Велöдысьлöн борд улысь петiсны чужан сиктын, Коми муын да весиг Россияын пыдди пуктана да нималана йöз. Пыр ышöдic челядьöс радейтны чужан му да кыв, дасьтiс серпаса-кывбура коми анбур. Олöм чöжыс гижö коми кывйöн сиктса олöм йылысь кывбуръяс да сьыланкывъяс. Öнöдз на Альбина Ивановна быдтасъясыскöд петкöдчö сиктса клуб сцена вывсянь.

Енбиа велöдысь дорын велöдчигöн кокниджык корсьны водзö олöмас туйсö.

«Коми му» газетысь

С зонпосни = челядь

 Дасьтысь ас гижöд кежлö. Лöсьöд юалöмъяс да босьт интервью радейтана велöдысьлысь.

Отсöг вылö юалöмъяс:

1. Кутшőм предмет кажитчис школаын велöдчигöн?

2. Кутшőм йöз воöны сьöлöм вылö?

3. Мый радейтанныд вöчны прöст кадö?

4. Кутшöм Тiян радейтана небöг, кинофильм?

5. Кутшöм паськöм кажитчö новлыны?

6. Эм-ö Тiян девиз? Кутшöм?

… удж. Помав текстсö юалöмъяс отсöгöн.

Радейтана велőдысь.

Ме велőдча 6-őд классын. Миян уна велőдысь. Ставőн найő вежőраőсь, тőлкаőсь, неуна стрőгőсь.

Медъёна меным кажитчő …

1. Кутшőм предмет сǐйő велőдő?

2. Кутшőм сǐйő морт?

3. Мый верман висьтавны сы йылысь?

4. Мыйőн сǐйő тэныд кажитчő?

5. Мый сылы сиан Велőдысьлőн лунő?

 Велöдчы гижны чолöмалöм.

Рисунок: Текст в открытке.

Дона, муса, радейтана, пыдди пуктана …!

Чолőмала(м) Тiянöс Велöдысь лунöн!

Сиа(м) Тiянлы кузь нэм да бур шуд, дзоньвидалун, муслун, вермőмъяс уджын, бур олőм, кыпыд ас кылöм, тöлка велöдчысьясöс.

Пыдди пуктőмőн …

… удж. Дасьты радейтана велöдысьлы чолöмалан открытка.

 Чукöртöм материал серти дасьтöй класснад презентация тiян школаса велöдысьяс йылысь. Вöдитчöй PowerPoint программаöн. Козьналöй велöдысьясыдлы ассьыныд уджнытö.

А Сетöм кывъяс дорö аддзы антонимъяс. Лöсьöд кык гозйöн сёрникузяяс.

Лун – Выль – Олöма – Озыр –

Ылын – Водз – Танi – Уна –

Шойччыны – Нимкодясьны – Мунны – Сетны –

 Сёян-юан. Сёян-юан лавкаын. Сёянінын.



вöзйöм – реклама вöлöга – пища вузöс – товар вузавны – продавать вузасьны – торговать вузасьысь – продавец вузасянін – магазин вундавны – резать вылльöв – простокваша гудравны – мешать дон – цена зыртöм – тёртый зыртны – натереть лымвый – мороженое лавка – небольшой магазин нöкъявны – заправить сметаной ньöбасьны – покупать ньöбны – купить ньöбасьысь – покупатель пöжöм – томленый

пöжас – выпечка пöжны – томить пражитöм – жареный пуöм – вареный пызь – мука сёянін – столовая сёян-юан – продукты сёян – пища, блюда сёян-юан лыддьöг – меню содтыны – добавить солавны – солить сорас – салат сорлавны – смешать тшынöдöм – копченый уль – сырой шайт – рубль шомйöв – кефир шыдöс – крупа юмйöв – йогурт юмовтор – сладости

Рисунки: каша, жареная рыба, кусок варёного мяса, конфеты, шаньги, мороженое, колобок, сочень, мёд.

… удж. Серпасъяс отсöгöн уськöд тöд вылö «Сёян-юан» темаысь кывъяс. Юклы да гиж лöсялана чукöръясö. Вöдитчы выль кывкудöн.

Сёян: …

Пöжас: …

Юмовторъяс: …

Рисунок: в продуктовом магазине покупатель и продавец.

 Öта-мöд костын ворсöй лавкаысь. Öти тіян пиысь – вузасьысь, мöд – ньöбасьысь.

– Видза оланныд!

– Бур лун! Мый ті ньöбанныд?

– Мый тiян эм йöла сёянысь?

– Быдтор эм: йöв и нöк, вылльöв и юмйöв.

– Меным, пöжалуйста, литра джын йöв, нöк да рысь доз. А еджыд няньыс небыд?

– Став няньыс небыд, эм уна сикас пöжас.

– Сiдзкö, нöшта еджыд тупöсь да куим шаньга.

– Пöжалуйста! Тіянсянь 104 шайт 50 ур.

– Со сьöмыс. Аттьö!

– Бур вылö. Волöй на!

 Дасьты ёртыдкöд сёрни «Юмовторъяс лавкаын».

Рисунок: у входа в норку объевшаяся мышь в виде шарика.

… удж. Лыддьы серамбана кывбурсö сьöлöмсянь. Серпасав.