Ход урока

I.Арганізацыйны момант

Празвінеў званок вясёлы ,

Усіх заве ён на ўрок .

А вы , дзеці ,усе гатовы ?

Пачынаем наш урок.

І на месцы ціха сядзем,

Не парушым цішыню .

Падрыхтуемся ўсе слухаць,

Зараз я ўрок пачну.

II.Дыхальная гімнастыка

Цуда-нос. Пасля слоў “затрымаю дыханне” вучні робяць удых і затрымліваюць дыханне. Настаўнік чытае вершаваны тэкст, дзеці толькі выкончваюць заданне.

Носікам дыхаю,

Дыхаю вольна,

Глыбока і ціха –

Як заўгодна.

Выканаю заданне,

Затрымаю дыханне.

Раз, два, тры, чатыры –

Зноў дыхаем:

Глыбей і шырай.

III.Моўная размінка

IV.Праверка дамашняга задання

Конкурснае чытанне верша на памяць.

V.Паведамленне тэмы ўрока

Адгадванне загадак:

а). Улетку шэранькі, узімку беленькі,

доўгія вушкі мае, хутка ў лес уцякае.

(зайчык)

б). Пра якую пару года ідзе гаворка?

Апусцела поле, нівы адцвілі.

Праплываюць хмары

Нізка над стагамі,

І ляцяць у вырай

З крыкам жураўлі.

На рабіне скачуць

Шустрыя сініцы,

Пад дажджом намоклі

Клёны і дубы.

—Прачытайце назвы твораў, з якімі мы сёння пазнаёмімся.

—Як вы думаеце, пра што з іх мы даведаемся?

VI.Праца над вершам Максіма Лужаніна “Вуж”

1.Падрыхтоўка да ўспрымання верша

—Што вы ведаеце пра вужа?

2.Самастойнае чытанне верша вучнямі спачатку сам сабе, а потым услых выразна.

Прачытайце верш, падрыхтуйцеся чытаць услых выразна.

3.Гутарка пра асаблівасці размяшчэння радкоў верша і вызначэнне яго рыфмы.

—Успомніце пра паводзіны вужа ў прыродзе і звярніце ўвагу на размяшчэнне радкоў верша. Што хацеў гэтым падкрэсліць аўтар?

VII.Праца над вершам Максіма Танка “Бабка”

1.Чытанне твора настаўнікам

2.Вызначэнне агульнага эмацыянальнага настрою верша

—Ці спадабаўся вам верш? Што ўразіла асабліва?

Лексічная работа

даланясты	памерам з далонь
непамыслота	нездароўе, хвароба
мурожны	мясціна, дзе расце добрая трава

3.Самастойнае чытанне верша вучнямі. Падрыхтоўка да асэнсаванага ўспрымання верша.

—Прачытайце верш. Вызначце незразумелыя словы і выразы.

4.Аналіз зместу верша

—Чаго хадзіла бабка ў лес? Для чаго гэта яна рабіла?

—Лісце якіх раслін збірала? Навошта яны ей патрэбны?

—Да якога дрэва аўтар ужыў азначэнне “даланясты”? Чаму?

5.Слоўнае маляванне вобраза бабкі

—Якой вы ўяўляеце сабе бабку?

—Якія словы аўтара падказваюць, як яна выглядае? Намалюйце яе словамі. Растлумачце, чаму менавіта вы ўяўляеце бабку такой.

6.Назіранне за рыфмай і рытмам верша.

—Знайдзіце ў тэксце словы, якія рыфмуюцца. Вызначыце тыя словы, на якія падае лагічны націск. З дапамогай чаго мы выдзяляем гэтыя словы пры чытанні?

7.Выразнае чытанне верша вучнямі.

Фізкультхвілінка

Восень, восень залатая Восень, восень залатая Сее радасць на зямлі, Хмарка ў сінім небе тае, Мкнуць у вырай жураўлі. Ніткай срэбнай павуцінне Ў косах сонейка блішчыць. Што за цуднае зіхценне! Што за ціш вакол стаіць! Я іду лясною сцежкай, Як па мяккім дыване. Восень з ветлівай усмешкай На спатканне выйшла мне. Ярка, хораша прыбрала Ўсюды дрэвы і кусты I зямлю памалявала Ў колер жоўта-залаты. Сяргей Новік-Пяюн

VIII. Праца над вершам П. Граніта “Зайчыкаў хлеб”

1.Чытанне твора настаўнікам

2.Праверка першаснага ўспрымання твора

—Пра што хацеў сказать аўтар у сваім вершы?

3.Лексічная работа

спагадлівы	спачувальны
акрайчык	кавалак хлеба, адрэзаны ад краю
ласунак	што-небудзь вельмі смачнае

4.Самастойнае чытанне верша вучнямі з мэтай падрыхтоўкі да выразнага чытання.

Выразнае чытанне верша вучнямі. Выкананне заданняў да верша.

5.Аналіз зместу твора

—Ці даводзілася вам чуць пра зайчыкаў хлеб? Ад каго? Што гэта за хлеб?

IX.Праца над вершам В.Віткі “Жарт”

1.Падрыхтоўка да ўспрымання верша

—Вы чыталі вершы “Зайчыкаў хлеб”, “Вуж”. Якія яны былі па гучанні? (Жартоўныя)

—Пісьменнік Васіль Вітка так і назваў свій верш – “Жарт”.

2.Чытанне верша настаўнікам

3.Праверка першаснага ўспрымання

—Пра каго гаворыцца ў вершы?

4.Чытанне твора вучнямі

X.Абагульненне па раздзеле “На ніцях белай павуціны прывозяць восень павучкі...”

1. Прачытайце на стар.16 назву раздзелу. Успомніце, на якую агульную тэму былі ўсе творы, з якімі мы пазнаёміліся ў гэтым раздзеле. Якія творы вам спадабаліся і запомніліся?

Прачытайце эпіграф да раздзела. Адкажыце на апошняе пытанне на стар.28.

2. Літаратурная віктарына “Адгадай, з якіх вершаў гэтыя радкі?” (падручнікі ў вучняў закрытыя, радкі зачытвае настаўнік, ці адзін з вучняў).