Ход урока

I.Арганізацыйны момант

Празвінеў званок вясёлы ,

Усіх заве ён на ўрок .

А вы , дзеці ,усе гатовы ?

Пачынаем наш урок.

І на месцы ціха сядзем,

Не парушым цішыню .

Падрыхтуемся ўсе слухаць,

Зараз я ўрок пачну.

II.Дыхальная гімнастыка

Цуда-нос. Пасля слоў “затрымаю дыханне” вучні робяць удых і затрымліваюць дыханне. Настаўнік чытае вершаваны тэкст, дзеці толькі выкончваюць заданне.

Носікам дыхаю,

Дыхаю вольна,

Глыбока і ціха –

Як заўгодна.

Выканаю заданне,

Затрымаю дыханне.

Раз, два, тры, чатыры –

Зноў дыхаем:

Глыбей і шырай.

III.Моўная размінка

IV.Праверка дамашняга задання

Конкурснае чытанне верша на памяць.

V.Паведамленне тэмы ўрока

—Паглядзіце на геаметрычныя фігуры з напісанымі на іх літарамі. Запомніце адпаведнасць фігурі літар. (Настаўнік пераварочвае фігуры “тварам ўніз” і раскладвае іх у той паслядоўнасці, у якой размешчаны літары ў слове). Успомніце, якая літара знаходзіцца на кожнай фігуры, і складзіце слова.

—Якое слова атрымалася? (Верасень)

—Як вы думаеце, чаму менавіта гэта слова мы адгадвалі?

—Так, пра гэты месяц ідзе гаворка ў вершы М. Хведаровіча, які так і называецца “Верасень”.

VI.Праца над вершам Міколы Хведаровіча “Верасень”

1.Чытанне верша настаўнікам

2.Праверка першаснага ўспрымання верша

—Аб чым гаворыцца ў вершы?

3.Чытанне верша вучнямі

Мэта – падрыхтоўкі да асэнсаванага ўспрымання верша, вызначэнне незразумелых слоў.

Слоўнікавая работа

Ржэўнік

поле, на якім засталося ржышча.

5.Вызначэнне агульнага эмацыянальнага настрою верша

—Які настрой абудзіў у вас верш?

6.Аналіз зместу верша

—Якой паказаў нам аўтар восень?

—Якія карціны лясной прыроды апісаны аўтарам?

—Знайдзіце і зачытайце словы, якія дапамагаюць паэту прадставіць лясную прыроду як жывую істоту.

—Якая тэма гэтага верша?

Фізкультхвілінка

Восень, восень залатая Восень, восень залатая Сее радасць на зямлі, Хмарка ў сінім небе тае, Мкнуць у вырай жураўлі. Ніткай срэбнай павуцінне Ў косах сонейка блішчыць. Што за цуднае зіхценне! Што за ціш вакол стаіць! Я іду лясною сцежкай, Як па мяккім дыване. Восень з ветлівай усмешкай На спатканне выйшла мне. Ярка, хораша прыбрала Ўсюды дрэвы і кусты I зямлю памалявала Ў колер жоўта-залаты. Сяргей Новік-Пяюн

VII.Праца над творам Эдуарда Шыма “Цяжкая праца”

1.Прагназаванне зместу твора па загалоўку і малюнку.

—Прачытайце загаловак апавядання і разгледзьце малюнак на стар. 19 падручніка. Паспрабуйце расказаць, пра што будз ісці гаворка ў гэтым творы.

Падрыхтоўка да асэнсаванага чытання апавядання (слоўнік - стар. 19 падручніка)

Хвоя-выварацень

паваленая хвоя з вывернутым з зямлі коранем.

2.Чытанне апавядання настаўнікам.

3. Чытанне апавядання вучнямі

4.Гутарка па змесце прачытанага з выкарыстаннем пытанняў і заданняў падручніка на стар.19. 5.Выбарачнае чытанне.

—Ад чыйго імя напісана апавяданне?

—Якая галоўная думка твора?

—На якую тэму гэты твор?

VIII.Паведамленне дамашняга задання

С. 18 – 20, выразнае чытанне

Падрыхтаваць вусны адказ на пытанне № 5 – стар. 19 падручніка.

IX.Падвядзенне вынікаў урока

—Што аб’ядноўвае верш М. Хведаровіча “Верасень” і апавяданне Э. Хведаровіча “Цяжкая праца”?

IX.Рэфлексія

—Адзначце словы, якія характарызуюць вашу працу на ўроку:

Зразумеў Адпачываў

Думаў Ленаваўся

Працаваў Спісваў

Стаміўся Чакаў перапынка

4 КЛАСС	РАЗДЗЕЛ “НА НІЦЯХ БЕЛАЙ ПАВУЦІНЫ ПРЫВОЗЯЦЬ ВОСЕНЬ ПАВУЧКІ…” (5 ГАДЗІН)
	Тэма: Пазакласнае чытанне. Беларускія паэты пра любоў да роднага краю, яго прыроды, людзей Адукацыйныя мэты: Абсталяванне: падручнік “Літаратурнае чытанне” 4 клас; партрэты пісьменнікаў; ілюстрацыі: “вожык”; раздатачны матэрыял.

4 КЛАСС

РАЗДЗЕЛ “НА НІЦЯХ БЕЛАЙ ПАВУЦІНЫ ПРЫВОЗЯЦЬ ВОСЕНЬ ПАВУЧКІ…” (5 ГАДЗІН)

Тэма: Уладзімір Дубоўка “Хованкі” Адукацыйныя мэты: удасканальваць правільнае, асэнсаванае, беглае чытанне, на практычным узроўні засвойваць значэнне выразаў “рэальны і гумарыстычны змест”, выяўляць сэнсавыя сувязі паміж падзеямі ў творы, выказваць уласныя адносіны да да ўчынкаў дзеючых асоб; дзяліць тэкст на сэнсавыя часткі; удасканальваць уменні вучняў падбіраць самастойна (ці з дапамой бібліятэкара) кнігі па пэўнай тэматыцы, самастойна знаёміцца са зместам кнігі, адказваць на пытанні па змесце прачытанага. Абсталяванне: падручнік “Літаратурнае чытанне” 4 клас; партрэт пісьменніка; ілюстрацыі; раздатачны матэрыял.