XI.Паведамленне дамашняга задання
Вывучыць скорагаворку на памяць (стар.27)
XII.Падвядзенне вынікаў ўрока.
—Якія творы, прачытаныя на ўроку, падобныя да казкі? Успомніце, што з’яўляецца абавязковым для казкі як жанра дзіцячай літаратуры.
—Які верш можна назваць жартоўным?
XIII.Рэфлексія
4 КЛАСС |
РАЗДЗЕЛ “З РОГА ЎСЯГО МНОГА” (5 Г.) |
|
Тэма: Казка “З рога ўсяго многа” Адукацыйныя мэты: удасканальваць правільнае, асэнсаванае, беглае чытанне, пашыраць веды вучняў пра жанравыя асаблівасці казкі, фарміраваць уменні прагназаваць змест раздзелу, вызначаць тэму і галоўную думку казкі, вылучаць кампазіцыйныя часткі твора, самастойна складаць план, выказваць уласныя адносіны да дзеючых асоб і зместу твора, выбарачна пераказваць. Абсталяванне: падручнік “Літаратурнае чытанне” 4 клас; ілюстрацыі; раздатачны матэрыял. |
Ход урока
I.Арганізацыйны момант
—Дзеці, селі ўсе роўна і пачынаем працаваць.Я хачу каб вы сёння былі на ўроку:
У-уважлівыя
Р-разумныя
О-добразычлівыя
К- кемлівыя
II.Дыхальная гімнастыка
Цуда-нос. Пасля слоў “затрымаю дыханне” вучні робяць удых і затрымліваюць дыханне. Настаўнік чытае вершаваны тэкст, дзеці толькі выкончваюць заданне.
Носікам дыхаю,
Дыхаю вольна,
Глыбока і ціха –
Як заўгодна.
Выканаю заданне,
Затрымаю дыханне.
Раз, два, тры, чатыры –
Зноў дыхаем:
Глыбей і шырай.
III.Моўная размінка
IV.Праверка дамашняга задання
V.Паведамленне тэмы ўрока
—Прачытайце назву раздзелу. Разгледзьце замалёўку, прачытайце эпіграф і паспрабуйце спрагназаваць, з якімі творамі і якога жанру мы будзем знаёміцца.
—Прачытайце верш. Паспрабуйце здагадацца, пра каго ідзе размова.
Недарэмна я хадзіў
Па вясёлым свеце,
Наглядзеўся розных дзіў,
Так патрэбных дзецям.
У мяшку вялізны звязак
Новых, незвычайных казак.
В.Вітка.
—Вось і да нас завітаў сягодня казачнік Бай.
—Ці здагадаліся вы, пра што будзе ісці гутарка на ўроку?
—Правільна, пра казку.
Казка – гэта вуснае апавяданне, у якім адлюстраваны мары людзей аб перамозе дабра над злом, аб шчаслівым жыцці, аб цудоўным краі, дзе б яны хацелі жыць. Казкі перадаваліся ў вуснай форме з пакалення ў пакаленне.
—Сёння мы пазнаёмімся з беларускай народнай казкай “З рога ўсяго многа”
VI.Праца над казкай “з рога ўсяго многа”
1.Падрыхтоўка да ўспрымання казкі
—Прачытайце запісаныя на дошцы словы і тлумачэнне да іх:
Загончык |
невялічкі кавалачак зямлі, градка |
Проса |
злакавая расліна, з якой вырабляюць крупу пшано |
Жораў |
журавель |
Досвіткам |
на ўсходзе сонца, на золку |
—Прачытайце словы, змешчаныя ў слоўніку на стар.33.