11.1.3 Конвенция мен өнертабыстар

Конвенциядағы өнертабыстарға берілетін патенттер ұғымына Одақтың мүше-мемлекеттерінің заңнамасымен қабылданған зияткерлік жекеменшіктің түрлі нысандарына берілетін патенттер жатады, мысалы, енгізілген патенттер, жетілдіруге берілген патенттер, қосымша патенттер. Түрлі қатысушы-мемлекеттерде бірдей өнертабысқа берілген патенттер (баламалы патенттер) бір-бірінен туәелсіз, яғни бұл егер бір елде берілген патент кейіннен жарамсыз деп танылса, онда бұл басқа елдерде де жарамсыз деп танылады дегенді білдірмейді.

Конвенциялық басымдылықты талап етумен берілген патенттердің жарамдылық мерзімі жеңілдетілген конвенциялық басымдылықты бекіту күнінен емес, осы елдің патенттік ведомствосына тапсырыс беру күнінен басталады.

Конвенцияда әрбір қатысушы-мемлекетке патенттік заңға белгілі бір мерзім ішінде (тапсырыс берген күннен бастап төрт жыл немесе патент берілген күннен бастап үш жыл, мерзімдерінің қайсысы кеш өтетініне байланысты) қолданылмаған немесе тиісті дәрежеде қолданбаған өнертабыс үшін санкцияларды қарастыратын нормаларды қосу құқығы ұсынылатын ереже бар.

Патент жарамды болып саналатын елдің аумағында уақытша немесе кездейсоқ болған су, әуе және құрлық транспорты құралдарындағы құрылғыларда қорғалатын патентті қолдану бұзушылық болып саналмайды.

Патент сонымен қатар бұрынғы қолданушыға, яғни өнертабысты қолдана бастаған немесе ол үшін басқа тұлғалардан бұрын тапсырыс беруге дайындалған тұлғаға қарсы жарамсыз болады.

11.1.4 Конвенция мен тауарлық белгілер

Париж конвенциясы тауарлық белгі ретінде мемлекеттік елтаңбаны, ресми белгілерді және халықаралық ұйымдардың эмблемаларын қолдануға жол бермей, арнайы шектеулерді қарастырады.

Конвенция ерекше қорғауды көпшілікке танымал тауарлық белгілерге ұсынады. Құқықтық қорғау тіркеу дерегіне байланысты туындайтын әдеттегі белгілерге қарағанда көпшілікке танымал белгілер өздерін танымал еткен репутацияларына байланысты қорғалады. Аталған танымалдық дерегі тіркейтін елдің ведомствосымен белгіленеді.

Конвенция ірі бірлестіктерге тиесілі ұжымдық тауарлық белгілердің қорғауын мойындайды. Бұл белгілер толықтай бірлестікпен де, оның құрамына кіретін кәсіпорындармен де қолданылуы мүмкін. Конвенция ұқсас кәсіпорындармен (отель, ресторан, агнеттік және т.б.) көрсетілетін қызметтерді жекелеу мақсатында кәсіпорындармен қолданылатын қызметтерді білдіретін қызмет көрсету белгілерін қорғауды қарастырады.

11.1.5 Конвенция және әділетсіз бәсеке

Конвенцияда Одақтың барлық елдерінің арнайы тапсырыс беру мен тіркеусіз фирмалық атауды қорғауды қамтамасыз ету міндеттері қарастырылған. Тауардың шығу орнының атауы мен нұсқауы да қорғалатын зияткерлік өндірістік жекеменшік нысандарының құрамына енгізілген.

Конвенция қатысушы-мемлекеттерді осы елдің азматтарын әділетсіз бәсекелестіктен, яғни зияткерлік өндірістік жекеменшік саласында істі жүргізудің қалыптасқан дәстүріне қайшы келетін әрекеттерден қорғауға міндеттейді.Әділетсіз бәсекелестік актілеріне келесілер жатады:

• Қандай да бір әдіспен бәсекелестің кәсіпорынына, өніміне, өндірістік және сауда қызметіне қатысты араласуға алып келетін барлық әрекеттер;

• Бәсекелестің кәсіпорынын, өнімін, өндірістік және сауда қызметінің беделін түсіретін коммерциялық қызметті жүзеге асыру кезіндегі жалған пікір;

• Коммерциялық қызметті жүзеге асыруда қолданылатын тауардың сипаты, дайындау әдісі, қасиеттері, қолдануға жарамдылығына қатысты қоғамды адасушылыққа алып келетін нұсқаулар мен пікірлер.

• Әділетсіз бәсекелестіктен қорғау зияткерлік өндірістік жекеменшік нысандарына ұсынылатын қорғауды толықтырады, соның нәтижесінде оны күшейтеді. Әділетсіз бәсекелестікпен күрес құнды ақпараты бар, бірақ қорғау құжатымен қорғалмайтын know how (ноу-хауды) қорғау үшін ерекше маңызды.