2.19 Сурет. Жылдамдықтарды келістіру командаларының қабылдағышы

Жылдамдықтарды келістіру командалары анықтағыш кірісіне түседі, мұнда үш символды кодалық топтардың + немесе – командалардың кезектілігіне түрленуі жүреді. Ары қарай анықтағышта осы кодалық топтардың бірлі қателері түзетіледі, яғни 111, 110, 101, 011 түрдегі кодалық топтар + командасына, ал 000, 001, 010, 100 кодалық топтар – командасына түрлендіріледі. Анықтағыш шығысынан бұл командалар дешифратор кірісіне түседі, мұнда олар жылдамдықтарды келістіру командасының бары туралы немесе болмауы туралы сигналдарға түрлендіріледі.

Алмасатын + - + немесе - + - командалардың кезектілігі, және бірдей белгілердің құрылған командаларының кезектілітері + + + немесе - - - жылдамдықтардың келсітірілуі жоқ туралы сигналдарға түрлендіріледі, оған қоса құрылған командалар алмасатын командаларға түрлендіріледі (сәйкесінше + - + немесе - + -). + + - немесе - - + командаларының кезектілігі жылдамдықтардың келісуі туралы командалардың барлығы туралы сигналға түрлендіріледі. Осылайша, декодалау барысында жылдамдықтардың келісіу командалардың бірлі қателері түзетіледі. Осы кезде үш командалардың кезектілігі анализделетіндіктен келістіру тек қана беру трактысының (яғни, және қабылдау трактысында да) асинхронды блогында тек қана үш циклдан кейін, тіркелгеннен кейін ғана жүреді, өйткені жазу және есептеу сигналдарының арасындағы уақыттық интервал жылдамдықтарды келістіру командаларының енгізуіне қажетті шамасына жетуі қажет.

Жылдамдықтардың келісуі туралы ақпарат жылдамдықтардың оң келісуінде бірлердің кезектілігімен, ал теріс келісуде нольдердің кезектілігімен беріледі. Бұл белгілер символдарының дешифраторы жинағыш принципі бойынша құрылған. Жылдамдықтардың келісу командаларының барлығы туралы сигнал бойынша ЖӘНЕ₁, ЖӘНЕ₂ логикалық сұлбалардың шығысында сәйкесінше қабылдау трактысының асинхронды ұластыру блогының СҚ команданы жазуға тиым салатын сигналдар құрылады.

2.4.4 Жиілікті фазалық автореттеуші құрылғысы

Жиілікті фазалық автореттеуші құрылғысы (ЖФАР) (сурет 2.20) уақыттық детектордан (УД), басқару сұлбасынан (БС) және кернеумен басқарылатын генератордан (КБГ) тұрады.

Басқару сұлбасында УД шығысындағы сигналдың тұрақты құраушысы бөлінеді. Бұл сигналдың спектрі идеалды орташаланған жағдайға сәйкес келетін құраушылардан, беру трактысының асинхронды ұластыру блогында жазу және есептеу жиіліктерінің айырмасымен шартталатын гармоникалық тербелістердің суммасынан және күту уақытымен шартталған күрделі тербелістерден тұрады. Спектрдің соңғы екі құраушыларын басып тастау үшін УД шығысында біріншілік цифрлық ағынның идеалды қалпына келуі іске асырылады. Бұл үшін БС өткізу жолағы шексіз кіші төменгі жиілікті фильтр (ТЖФ) қолдану қажет.

жиілік жолағына түсетін, УД шығысындағы сигналдар КБГ кірісіне өтеді, бұл беріліп жатқан цифрлық ағынның уақыттық флуктуациясына әкеледі. Жылдамдықтары бір жақты келістірілген жүйелер жылдамдықтардың келісуінің жоғары жиіліктерімен сипатталады. Сондықтан жазу және есептеу жиіліктерінің айырмасымен шартталатын құраушылар жоғары жиілікті болып саналады және ТЖФ басылуы мүмкін, ал күту уақытымен шартталатын құраушылар кейбір жағдайларда жиілігі және жылдамдықтарды келістіру командаларының жиіліктерінің қатынасының жоғары шамасы болғандықтан төмен жиілікті болуы мүмкін, яғни едәуір байқалады.