3.7 Сурет. Бақылау циклға бөгелетін синхрондау жүйелерінде
синхронизм жағдайын іздеу алгоритмі
Аппаратура жұмысқа қосылғанда синхросигнал қабылдағышы анықтағыш көмегімен топтық ИКМ сигнал символдарының кез келген тобын тексере бастайды, олардың біріншісі синхросигналдан k импульсті позицияға жылжулы деп есептейміз. Егер бірінші тексеруде анализаторда салыстырылатын кезектіліктердің символдары сәйкес келмесе, онда анализатор қате сигналын құрайды, бұл сигнал СҚ көмегімен ГЖқаб кезектіліктердің берушіге қатысты тактылы жиіліктің бір периодына жылжуын іске асырады. ГЖқаб жиілікті бөлуші шығысында бұл период қайталану циклының Тц қалыпты жиілік периодына қатысты ұзартылған болады және Тц + Т (ұзартылған цикл) құрайды. Осылайша, әр келесі жылжумен тексеру циклға бөгеумен жүреді.
Қазіргі кезде синхросигнал ретінде импульстердің және бірлердің алмасатын кезектілігін қолданатын АУБ ИКМ ЦБЖ қолданылады. Синхросигнал импульстерінің жүру жиілігі циклдардың жүру жиілігінің жартысын құрайды, бұл оның ақпараттық топтық ИКМ сигналды имитациялауын (жалған синхронизм) азайтады.
Бұл құрылғылардың принципиалды кемшілігі синхронизм жағдайын іздеу процессінде бақылау тексеру бір цикл арқылы жүретіндігі. Бірақ іске асыру оңай болғандықтан және қызметтік ақпарат (бір символды синхросигнал) көлемі аз болғандықтан бұл типті құрылғылар қатысты түрде аз арналы АУБ - ИКМ ЦБЖ практикалық қолданыс тапты.
3.2.3 Синхросигналдың сырғанаушы іздеуі бар қабылдағыштары
Сырғанаушы іздеуі бар қабылдағыштарда әр бақылау тексеруде бір циклға бөгеумен жылжу болмайды, бұл синхронизмнің қалпына келу процессін едәуір тездетеді. Қарастырылатын қабылдағыш үшін синхронизм жағдайын іздеу алгоритмі 3.8 суретте көрсетілген.
3.8 Сурет. Сырғанаушы іздеуі бар қабылдағыштардың синхронизм жағдайын іздеу алгоритмі
Анықтағыш тіркеу мезетін әр ретте бір тактыға жылжытып, түсетін кодалық комбинацичлардың синхротопқа сәйкестігін тексереді. Осылайша синхросигнал бір цикл ұзақтығында немесе одан да тез табылады, өйткені цикл периодында синхротопқа ұқсас комбинацияның болу ықтималдығы аз.
Синхросигналдың бөліну дұрыстығын дәлелдейтін, синхросигнал барлығының келесі тексеруі тура бір циклдан кейін жүреді. Аталған типтегі қабылдағыштар жаңа АУБ ИКМ ЦБЖ кең қолданысқа ие болды және әр түрлі бейімделген және бейімделмеген синхросигнал қабылдағыштарында іске асқан.
3.2.4 Бейімделмеген синхросигнал қабылдағыштары
Бейімделмеген синхросигнал қабылдағышының құрылымдық сұлбасы 3.9 суретте көрсетілген. Топтық ИКМ сигнал анықтағыш кірісіне түседі, бұл анықтағыш 3.6 суретте көрстеілген сұлба бойынша құрылған. Анализатор ЖОҚ және ЖӘНЕ1 сұлбалардан (элементтер) тұрады. ЖӘНЕ1 сұлбасының шығысындағы импульстің пайда болуы уақыт бойынша синхросигналдың және ГЖқаб бақылау импульсінің сәйкес келіун білдіреді. ЖОҚ сұлбасының шығысында импульстің пайда болуы ГЖқаб бақылау импульсінің пайда болу мезетінде синхросигналдың жоқтығын білдіреді.
Шешуші құрылғы (ШҚ) синхронизмнен шығу бойынша жинаушыдан, синхронизмге ену бойынша жинаушыдан және ЖӘНЕ2 сұлбасынан тұрады. Синхронизмге ену және синхронизмнен шығу бойынша жинаушылар тастауы бар есептеуші сұлбасы бойынша іске асқан. Синхронизмнен шығу бойынша жинаушы топтық ИКМ сигналда синхросигнал құрылдымы өзгергенде, синхронизмнен жалған шығуды болдырмайды. Әдетте синхронизмнен шығу жинаушы төрт-алты разрядтардан тұрады (3.9 суреттегі жинаушы төрт разрядтан тұрады). Бұл синхросигнал қабылдағышының топтық ИКМ сигналдың синхротобында болатын бұрмаланулардан қорғайды.
Синхронизмге ену бойынша жинаушы синхросигнал қабылдағышының жалған синхронизмнен қорғайды. Әдетте синхронизмге ену бойынша жинаушы екі-үш разрядтан тұрады (3.9 суретте жинаушы үш разрядтан тұрады).
ГЖқаб жұмысын басқару ЖӘНЕ2 сұлбасымен іске асады, ол синхронизмді іздеу режимінде синхросигнал келгенде разрядты РТ және арналық АТ таратқыштарды бастапқы жағдайға орнатады, осымен олардың жұмысының басын анықтайды. ЖӘНЕ3 сұлбасының шығысында ГЖқаб синхронизмнің бақылау импульстері құрылады. Бұл импульстің уақыт бойынша пайда болуы белгілі бір арналық интервалдың белгілі бір разрядты интервалында тактылы жиілікке сәйкес жұру керек. Бұл үшін үш кірісі бар ЖӘНЕ сұлбасы қолданылады.
