Сабақтың технологиялық картасы

Пәні: Медициналық биофизика.

Күні:

Тобы: Ф1К

Тақырыбы:14. Сұйықтықтағы молекулалық құбылыстар.

Сабақтың мақсаты:

Білімділік: Сұйықтықтағы молекулалық құбылыстарды түсіндіру.

Дамытушылық: студенттердің алған білімдерін іс жүзінде ұштастыруға, логикалық ойлау қабілеттерін, ойын технологияларын арқылы дамыту, компьютерлік сауаттылықтарын арттыру.
Тәрбиелік: өз жеріне, еліне деген сүйіспеншілікке баулуды арттыру, оның қадір-қасиетін ұғынуға, іскерлікке, ұқыптылық тәрбиелеу.

Сабақтың типі: аралас сабақ

Сабақтың қамтамасыздандырылуы:

оқу көрнекілік құралдар: презентация

үлестірмелі материалдар: тест, үлестірме қағаздар
ТОҚ: компьютер

Өз бетінше жұмыс: сұрақ – жауап

Сабақтың өту барысы

Ұйымдастыру кезеңі: (5 мин)

Оқушылардың біліктілігі мен дағдысын тексеру: (25 мин)

1.Инфрадыбыс дегеніміз не?

2.Дыбыстың қандай түрлері бар?

Жаңа тақырыптың мазмұны мен жүйесі (конспект): (40 мин)

Температура аса жоғары болмаған кезде сұйықтардың молекулалық көлемі газдардың молекулалық көлеміне қарағанда әлдеқайда аз болады. Сұйық молекулаларының тартылу күші газ молекулаларының тартылу күшіне қарағанда көбірек. Сұйықтың ішінде орналасқан молекулаға оның жан жағында симметриялы орналасқан молекулалар әсер етеді. Бұл молекулалардың қорытынды күші нолге тең. Ал сұйықтың беткі қабатында орналасқан молекулаға оның төменгі, оң және сол жағындағы молекулалар тарапынан күш әсер етеді де, молекуланың үстіңгі бетінен күш әсер етпейді. Ендеше ол молекулаға әсер ететін қорытқы күш нолге тең болмайды. Сұйық бетіндегі барлық молекулалар күші сұйыққа қысым түсіреді. Осы қысымды ішкі немесе молекулалық қысым деп атайды. Бұл қысым Ван-дер-Ваальс теңдеуіндегі . Молекулалық қысым молекулалар арасында болатын қысым, ол сұйыққа батырылған денеге берілмейді. Осы күштердің қосындысы беттік керілу күші деп аталады. Сұйықтың табиғатына, құрамына байланысты сұйық беті дөңес немесе ойыс болып келуі мүмкін. Осы ойыс немесе дөңес бетте беттік керілу күші нәтижесінде қосымша қысым пайда болады. Дөңес беттің асытында пайда болған қосымша қысым төмен, ойыс бетте пайда болған қысым жоғары қарай бағытталады. Лаплас осы қосымша қысымды анықтайтын формуланы тұжырымдады: