7.3 Бақылау-өткiзу бекетiнде тексерiлетiн негiзгi параметрлер

Кез келген автокөлік мекемесінде жол қозғалысының қауіпсіздігін қамтамасыз ету мақсатында және жол-көлік оқиғаларының алдын алу үшін желідегі жұмысқа шығып бара жатқан барлық көлік құралдары мекеменің техникалық қызметінің қызметкерлері тарапынан міндетті түрде тексерілуі керек. Көлік құралдарының техникалық жағдайының бақылау - өткiзу бекетiнде тексерiлетiн негiзгi параметрлерi 6-кестеде келтiрiлген.

6-кесте. Көлік құралдарының бақылау-өткiзу бекетiнде тексерiлетiн негiзгi параметрлерi

№	Параметрлер	Автомобильдер түрлерi үшін
		ГАЗ-3110	ПАЗ-3205	ЗИЛ-431410	Камаз –5320
1	2	3	4	5	6
	Рульдiк доңғалақ люфтi, градустан көп емес	10	10	25	15:25
	Iлiнiс басқышының бос жүрiсi, мм, көп емес	12:28	27:38	35:50	30:42
	Тежегiш басқышының бос жүрiсi, мм, көп емес	10:15	8:14	20:30	20:30
	Тоқтап тұру тежегiшiнiң толық жүрiсiндегi шертулер саны	6:8	3:6	-	-
	Алдыңғы дөңгелектердегi ауа қысымы, МПа	0,17:0,18	0,43	0,4	0,73
	Артқы дөңгелектердегi ауа қысымы, МПа	0,17:0,20	0,43	0,63	0,5
	Тежеу жолы, м	14,5	18,7	18,4	22
	Бәсеңдету, баяулату, м/с	6,1	5,5	5,7	5
	Тежеу камераларындағы шток жүрсi, мм	-	-	20:30	20:30
	Ауа жүйесі баллондарын-дағы қысым, МПа	-	-	0,65:0,80	0,60:0,75
	Қозғалтқыш компрессиясы, МПа	0,94	0,73	0,72	-

7.4 Көлік құралдарының құрылыстық қауіпсіздігі

7.4.1 Жалпы мәліметтер

Автомобильдендірудің адамдар мен қоғамның өміріне тигізіп отырған оң әсерлеріне қарамастан, оның адамдар мен материалдық шығындар сияқты келеңсіздіктердің де себепкері болатындығы белгілі. Автомобильдер адамдар мен қоршаған орта үшін аса жоғары деңгейдегі қауіптілік көзі де болып табылады және ол теріс әердің деңгейі жылдан жылға қарай, автомобильдердің қуаты мен жылдамдықтарының өсуіне байланысты, арту үстінде. Осы тұрғыдан алғанда автокөлік құралдарының құрылыстық қауіпсіздігіне қойылатын талаптардың деңгейі де, жоғарылатуды қажет етеді.

Көлік құралдарының қауіпсіздігі жол-көлік оқиғаларының орын алу ықтималдылығын азайтатын, ал олар орын алған жағдайларда жүргізушілер мен жолаушылардың жарақат алуын болдырмайтын немесе олардың ауырлық деңгейін төмендетуге ықпал ететін, пайдалану және динамикалық қасиеттерден құралады.

Көлік құралдарының құрылыстық қауіпсіздігі түсінігі құрамына автомобильдердің белсенді, енжарлы, апаттан кейінгі және экологиялық қауіпсіздіктері кіреді (2-сурет).