Қосымша б

КӨЛIК ҚҰРАЛДАРЫН ПАЙДАЛАНУҒА ТЫЙЫМ

Салынатын ақаулар мен жағдайлардың тiзбесi

Бұл тiзбе автомобильдердiң, автобустардың, автопоездардың, тiркемелердiң, мотоциклдердiң, мопедтердiң, тракторлардың, өздiгiнен жүретiн машиналардың ақауларын және оларды пайдалануға тыйым салынатын жағдайларды бекiтедi. Келтiрiлген параметрлердi тексеру әдiстерi «Автокөлiк құралдары. Қозғалыс қауiпсiздiгi шарттары бойынша техникалық жай-күйiне қойылатын талаптар. Тексеру әдiстерi» МемСТ 25478-91 талаптары бойынша реттелген.

1. Тежеу жүйелерi

1.1. Жол сынаулары кезiнде жұмысшы тежеу жүйесi тежеуiнiң мынадай тиiмдiлiк нормалары сақталмайды:

Көлiк құралының түрi	Тежеу жолы, м көп емес	Бекiтiлген бәсеңдету м/с, кем емес
Жекелеген көлiк құралдары: жеңiл автомобильдер және олардың жүк тасымалдау үшiн жетiлдiрiлген түрлерi	12,2 (14,5)	6,8 (6,1)
рұқсат етiлген ең жоғары, массасы 5 т дейiн қоса алғандағы автобустар	13,6 (18,7)	6,8 (5,5)
бұл да 5 т жоғары	16,8 (19,9)	5,7 (5)
рұқсат етiлген ең жоғары массасы 3,5 т қоса алғанда	15,1 (19)	5,7 (5,4)
бұл да 3,5 – 12 т қоса алғанда	17,3 (18,4)	5,7 (5,7)
бұл да 12 т жоғары	16 (17,7)	6,2 (6,1)
екi дөңгелектi мотоциклдер мен мопедтер	7,5 (7,5)	5,5 (5,5)
бүйiрiнде тiркемесi бар мотоциклдер	8,2 (8,2)	5 (5)
Мыналардың сүйреуiндегi автопоездар: жеңiл автомобильдер және олардың жүк тасымалдау үшiн жетiлдiрiлген түрлерi	13,6 (14,5)	5,9 (6,1)
рұқсат етiлген ең жоғары массасы 5 т дейiн қоса алғандағы автобустар	15,2 (18,7)	5,7 (5,5)
бұл да 5 т жоғары	18,4 (19,9)	5,5 (5)
рұқсат етiлген ең жоғары массасы 3,5 т қоса алғанда	17,7 (22,7)	4,6 (4,7)
бұл да 3,5 – 12 т қоса алғанда	18,8 (21,1)	5,5 (4,9)
бұл да 12 т жоғары	18,4 (21,9)	5,5 (5)

Ескертпе. 1. Жақшада келтiрiлген тежеу жолы мен бекiтiлген бәсеңдету мәндерi 1981 жылғы 1 қаңтарға дейiн шығарыла басталған көлiк құралдарына қолданылады.

2. Сынақ тегiс, құрғақ, таза цемент немесе асфальт-бетон төселген жолдың көлденең учаскесiнде, жылдамдық бастапқыда автомобильдер, автобустар және автопоездар үшiн – 40 км/сағ және мотоциклдер мен мопедтер үшiн – 30 км/сағ тежеумен өткiзiледi. Көлiк құралдары жарақталған күйiнде жүргiзушiмен жұмысшы тежеу жүйесiнiң басқару органына бiр рет әсер ету жолымен сыналады.

3. Көлiк құралы жұмысшы тежеу жүйесiнiң нәтижелiлiгi МемСТ 25478-91 талаптарына сәйкес басқа көрсеткiштер бойынша бағалануы мүмкiн.

1.2. Гидравликалық тежеу жетегiнiң саңылаусыздығы бұзылған.

1.3. Пневматикалық және пневмогидравликалық тежеу жетектерiнің саңылаусыздығының бұзылуы оларды толық iске қосқаннан кейiн 15 минуттан соң қозғалтқыш тоқтап тұрғанда ауа қысымының 0,05 Мпа (0,5 кгс/см ) астам төмендеуiне соқтырады.

1.4. Пневматикалық және пневмогидравликалық тежеу жетегiнiң манометрi жұмыс iстемейдi.

1.5. Тоқтағандағы тежеу жүйесi көлік құралының қозғалыссыз күйiн қамтамасыз ете алмайды:

толық жүктемедегi – қоса алғанда 16 % дейiнгi еңiстегi көлiк құралы;

жарақталған күйiндегi жеңiл автомобильдер мен автопоездар – қоса алғанда 23 % дейiнгi еңiстегi;

жарақталған күйiндегi жүк автомобильдері мен автопоездар – қоса алғанда 31 % дейiнгi еңiстегi.