1.Тұрғын үй коммуналдық шаруашылық маңызы

Мемлекет экономикасының жағдайын сипаттаушы негізгі экономикалық көрсеткіштерді жақсартудың тұрақты тенденцияларына қол жеткізу, экономиканың барлық салаларында терең құрылымдық қайта құруларды іске асыруды талап етеді. Тұрғын үймен қамтамасыз етілу адамның аса маңызды қажеттіліктерінің бірі. Сондықтан азаматтарды тұрғын үймен қамтамасыз ету, мемлекеттің қоғам алдындағы негізгі міндеттерінің бірі. Тұрғын үй нарығы және оның даму қарқыны ұлттық экономиканың негізгі жағдайының даму дәрежесін сипаттайды. Отандық тұрғын үй нарығының қалыптасуы халық шаруашылығының басқа салаларын ынталандырушы және нарықтық экономикаға өтудің негізгі факторларының бірі ретінде қарастырылды. Жекешелендіру үрдісінің қауырт жүргізілуінің нәтижесінде қысқа уақыт ішінде мемлекетте нарықтық қатынасқа қатысатын жеке меншік топтар қалыптасып үлгерді. Отандық тұрғын үй нарығы жылдам екпінмен дамып, қазір өркениетті және ұйымдасқан формаға ие болып отыр.

2.Тұрғын үй коммуналдық шаруашылығының сфералары

Тұрғын үй шаруашылығы өмір сүру үшін қажетті қорғалған кеңістікке иелік етуге қажеттілікті қанағаттандыруды қамтамасыз ететін объектлер мен қызмет түрлерінің жиынтығынан тұрады.

Тұрғын үй ретінде пайдаланылатын объектлердің жиынтығы тұрғын үй қорын құрайды.

Тұрғын үй қоры объектлерін пайдалануды қамтамасыз ету бойынша қызмет келесідей екі құраушы элементтен тұрады:

1. Баспана ретінде пайдалануға бір жақтың екінші жаққа тұрғын үйді беруі

2. Тұрғын үйді пайдалану

Баспана ретінде пайдалануға бір жақтың екінші жаққа тұрғын үйді беруі сату-сатып алу, жалға беру, қайтарымсыз негізде пайдалануға немесе жеке меншікке беру формаларында жүзеге асады.

Тұрғын үйді пайдалану тұрғын үйдің тұтыну қасиеттерін сақтау бойынша келесідей жұмыстарды орындауды қамтиды:

• ғимараттарға техникалық қызмет көрсету (техникалық жағдайын бақылау, келесідей инженерлік құрал-жабдықтар жүйелерін реттеу: сумен , жылумен , электрмен , газбен қамтамасыз ету, лифт шаруашылығы, апаттық-диспетчерлік қызмет көрсету, маусымдық пайдалануға дайындау т.б.)

• санитарлық тазалықты сақтау ( ғимараттарды жинау, тазалау, қоқыс жинау және шығару)

• ғимаратты күзету және қарау

• ғимараттарды, құрал-жабдықтарды ағымдағы жөндеуден өткізу

Экономика ғылымында өз алдына жек зерттеу объектісі ретінде тұрғын үй сферасына қарағанда неғұрлым кең ұғым қолданылады: тұрғын үй және коммуналдық шаруашылық және тұрғын үй сферасы. Тұрғын үй және коммуналдық шаруашылық құрамына келесідей төрт сала кіреді:

1. тұрғын үй шаруашылығы

2. қонақ үй шаруашылығы

3. тұрғын үй қорын және басқа да ғимараттарды ресурстық қамтамасыз ету

4. елді мекендер территорияларын тазалау және көгалдандыру

Ал тұрғын үй сферасы екі саладан тұрады:

• тұрғын үй-коммуналдық шаруашылық

• тұрғын үй құрылысы

Тұрғын үй шаруашылығынан басқа салалардың барлығы жүйелі түрде әлеуметтік құндылықтар объектісіне жатпайтындықтан әлеуметтік сфера саласына тек қана тұрғын үй шаруашылығы жатады.

3.Ткш экономикасының зерттеу пәні, мақсаты мен міндеттері

Пәннің басты мақсаты – тұрғын үй коммуналдық сфера, тұрғын үй нарығының басты ерекшеліктерін, сондай-ақ тұрғын үй коммуналдық сферадағы саясаттың басымдықтарын, бағыттары мен құралдарын зерттеу.

• Тұрғын үй коммуналдық шаруашылық экономикасының қызмет ету механизмін және оның негізгі элементтерін;

• Тұрғын үй нарығының инфрақұрылымын және оның дамыуындағы негізгі мәселелерді;

• Тұрғын үй коммуналдық сфераны басқару формаларын, әдістері мен құралдарын;

• Мемлекеттік және аймақтық деңгейлердегі тұрғын үй саясатының принциптері мен моделдерін;

• Тұрғын үй коммуналдық шаруашылықты ұйымдастырудың отандық және шетелдік тәжірибесін зерттеу.

Курстың зерттеу пәні - тұрғын үй шаруашылығы саласындағы экономикалық қатынастар.