Жаттығу: «Жылы сөз»

Мақсаты: студенттердің өздерінің және айналасындағы жақын адамдардың психологиялық сипаттамаларын анықтау іскерліктерін дамытуға, өзін-өзі талдауға ықпал ету.

Нұсқау:Өз жақындарыңызды, таныстарыңызды, туысқандарыңызды қандай жылы сөздермен атайтындарыңызды естеріңізге түсіріп, жазыңыздар.

Студенттерге талқылауға ұсынылатын сұрақтар:

• Оларды қандай жағдайларда пайдаланатыныңыздарды ойланып көріңіздерші?

• бір нәрсе керек болғанда ма әлде ол адамға өтініш білдіргенде ме?

• Не болмаса көңіл-күйлеріңіз жақсы болғанда ма?

• Оны жиі қолданасыздар ма?

• Олай болмаса, неге?

• Адамдарға жакын сезімдеріңізді білдіруде не нәрсе кедергі болуы мүмкін?

• Адамдарды жылы сөздермен атағанда қандай сезімде боласыздар?

• Олай атаған адамдар сіздің жылы сздеріңізге қалай жауап береді?

Оқытушы. Әрбір бақытты отбасының өзіндік құпиялары бар. Сіз үшін бақытты отбасы-сөзінің мәні неде деп ойлайсыз? Отбасы және сүйіспеншілікті сақтап қалу сіздің үздіксіз назарыңызды, уақытыңыз бен қуатыңызды талап ететін күнделікті жұмыс іспеттес. Егер сіз отбасылық өміріңізде бір-біріңізбен сүйіспеншікті, сенім мен өзара түсіністікті сақтап қалғыңыз келсе ол үшін сіз қатынастарыңызға тұрақты түрде күш-қуат жұмсауда аянбауыңыз керек. Бірлескен жобалар мен міндеттер отбасындағы бақытқа негізделген қатынастарды орнтауға өз септігін тигізеді. Сірә, ол отбасын сақтап нығайтудағы, отбасы мүшелерінің сүйіспеншілігі мен өзара қызығушылықтарын сақтаудағы қуатты құралдардың бірі болар. Егер де сіздердің ортақ жобаларыңыз болса, егер сіздер бір ортақ нәрсеге ұмтылыс білдіретін болсаңыздар, онда сіздерге бірге қызықты болып, қуанышты сәттеріңіз толастамайтын еді. Сіздердің әрдайым талқылауға болатын әңгімелеріңіз аяқталмайтын еді. Отбасы бұл – қиын қыстау мезеттерде көмекке келетін, жетістіктеріңізге бәрінен де артық қуанатын жақын адамдарыңыз.

«Даналық сабақтары». Шағын топтармен жұмыс

Студенттермен келесі ойларды талқылаңыз:

• Отбасы бұл – балаларды бақытсыздықтан қорғауға тартылған кішігірім кеме іспеттес. Ол балаларды жеке шарықтауы мерзіміне дайындайтын ұя.

• Отбасы қуанышқа негізделіп, сол үшін жаралған. Отбасын бір-бірін сүйіп қосылған екі адам құрайды.

• Сүю өзге адамның өмірін өзінікіндей қабылдау, ал өз өміріңді басқаға арнау деген сөз.

• Ата-анасының жанында сүюге үйренбеген, өз отбасын құрағанда да сүйе алмайды.

• Сәбидің дүниеге келуі және оның жетілу ғажайыбы – отбасын мәнге және жарыққа толтырар дүние.

Оқытушы. Әңгіме. Анасының жеті қызы. (в.Сухомлинский)

Анасының жеті қызы болыпты. Бір күн анасы алыста тұратын ұлына қонаққа барады. Үйіне тек бір аптадан кейін оралады. Ол үйге келгенде қыздары бір-бірімен жарыса анасын қалай сағынғандарын жеткізіп болмайды

- Мен сені күн шуағын аңсаған көкнардай сағындым-дейді бірінші қызы.

- Мен сені бір тамшы суға зәру болған жердей күттім-дейді екінші қызы.

- Мен сені ойлап, құсты күткен кішкентай балапандай жыладым – деді үшіншісі.

- Маған гүлсіз арадай қиын болды-дейді төртіншісі.

- Түсінде таңғы шықты көрген раушан гүліндей елестедің-дейді бесіншісі.

- Мен сені бұлбұлды қарауылдаған шие бағы сияқты күттім-дейді алтыншысы.

Тек жетінші қызы ғана үндемейді. Ол анасының аяғындағы етіктерді шешіп, аяғын жууға легенге су қуйып алып келеді.