IV.«Мағынаны тану»стратегиясы. «Бала Шоқан»әңгімесінің мазмұнын үш топ үш бөлім бойынша айту.(Оқушылар түсінгенін мазмұндап айтады.)

«Сөздік мәнін талдап ұқ».

Сөздікпен жұмыс.Күзек-малдың күзгі жайылымдағы қонысы.Әбдіре-киім салынатын сандық.Ықтияр-өз еркі (Әңгімеден сөйлемдерді тауып,мағынасын толық түсіндіру).

«Ой жинақта жоспарлап».Әңгіме мазмұны бойынша жоспар құрылып,реттік сандары ауыстырылып,оқушыларға ұсынылады.Оқушылар әңгіменің мазмұны бойынша жоспар тақырыптарын дұрыс орналастыру керек.

Мына жоспарды дұрыс орналастыр:

1.Жасқаншақ Мысық.

2.Өнерді сүйген Шоқан.

3. Қайырымдылық.

4. Мүсінші Мысық.

5.Уәде еттің,орында.

Дұрыс құрылған жоспар слайд бойынша көрсетіліп,оқушылар өздерін тексереді.

1. Мүсінші Мысық.

2. Жасқаншақ Мысық

3. Өнерді сүйген Шоқан.

4. Уәде еттің,орында.

5. Қайырымдылық.

V. «Ой қорыту»стратегиясы.

«Зерделі сұрақ,ұтымды жауап».Сұрақтарға жауап беру.

1.Мысық неден қандай мүсіндер жасады? Оларды Шоқан қалай бағалады?

2.Шоқан бойынан қандай қасиеттерді байқадыңдар?

3.Шоқанның бала кезіндегі көргендері мен үйренгендерінің болашақ өмірінде пайдасы болды ма?

Болашақта кім болуды армандайсыңдар?

4.«Ә,жарайды,бара ғой,екі айтпаған жақсы»деді.Бұл сөздерді кім айтты?

Бала тәрбиесінде бұл сөздердің маңызы қандай?

VI.«Ойтолғаныс»стратегиясы. «Екі жақты күнделік»кестесін толтыру.

Шығармада маған әсер еткен жағдай	Менің өз ой-пікірім

VII.Үйге тапсырма беру:1) «Бала Шоқан»әңгімесін оқу,мазмұндау.

VIII.Бағалау.

Сабақ №21 « »________2012 жыл

Сыныбы : 5

Сабақтың тақырыбы: Иса Байзақовтың «Жазғы кеш»өлеңі.

Сабақтың мақсаты:білімділік-оқушыларды Иса Байзақовтың жыр әлемімен таныстыру,өлең авторы туралы мағлұмат беру,Исаның жазғы кеш көрінісін танытудағы сөз қолдану ерекшелігін,суреттеу шеберлігін сезіну,ұға білу,өлеңді мәнерлеп жатқа айту мен әдеби теориялық талдауға үйрету;дамытушылық- өлеңнің,сөздің астарына,қыр-сырына мән беруге,идеясын түсініп бағалай білуге баулу,өзіндік талдау жасауға,шапшаңдық пен тапқырлыққа,өз ойларын әдеби тілмен жеткізе білуге төселдіру,сөйлеу мәдениетін жетілдіру; тәрбиелік-табиғатты сүю,сұлулық талғамын байыту,әдемілікті сезіне білу,мейірімділікке тәрбиелеу.

Сабақтың әдісі:әңгімелеу,жинақтау,мәнерлеп оқу.

Сабақтың түрі:сұрақ-жауап,топпен жұмыс,деңгейлік тапсырма.

Сабақтың көрнекілігі:Иса портреті,тірек-сызба,пейзаждық сурет,стратегияларды пайдалану, Мұсілім Айтқазыұлының портреті, «Өмір өткел», «Өсиеттер бұлағы»атты кітабы.

Пәнаралық байланыс: аймақтық компонент,бейнелеу өнері.

Сабақтың барысы. І. Ұйымдастыру.Сыныпты сабаққа дайындау.

ІІ Үй жұмысы.Оқушылардың назарын үй тапсырмасына аударамын да,төмендегі сұрақтарды қоямын.

1.Шоқанның бала күнгі көргендері мен үйренгендерінің болашақ өмір жолына пайдасы болды ма?

2.Шоқанның қайырымдылығын,уәдеге беріктігін қандай істерден білуге болады?

3.Балалар,сендер достықты қалай түсінесіңдер?

4.Болашақта кім болуды армандайсыңдар?

Оқушылардың жауабын толықтыра отырып қорытындылаймын.

ІІІ.Жаңа сабақты түсіндіру.

-Балалар,бүгін біз ақын Иса Байзақовтың «Жазғы кеш»өлеңімен танысымыз.

«Балапан ұяда не көрсе,ұшқанда соны іледі»дейді халық.Исаның әкесі Байзақ та,анасы Ғазиза да әнші,сауықшыл,өнерге жақын адамдар болған.Иса ақын жас шағында ән-жырдың,сұлулықтың өшпес нұрына қанық болып өседі.

1900 жылы Павлодар облысының Ертіс өңірінде Иса дүниеге келеді.Тоғыз жасында шешесі өліп,нағашы атасының тәрбиесінде өседі.Туған нағашысы Рахмет жақсы әнші болған екен.

Иса өткір әрі отты өлең шығаратын ақын еді.Ол туралы Елубай Өмірзақов деген қазақтың даңқты әртісі «Өз жасында Исадай ақынды көргем жоқ »деп жазған.Тамаша әртіс,домбырашы,ақын,әнші болып елді риза етіп жүрген.Оның әйгілі «Құралай сұлу»дастаны, «Алтай аясында», «Қойшының ертегісі», «Кавказ»атты шығармалары бар.

Бұдан кейін «Жазғы кеш»өлеңін байыппен әр жолын зер сала мәнерлеп оқимын.Тақырыпты ашу мақсатында оқушыларға тізбектей оқытамын.Өлеңді нақышына келтіріп мәнерлеп,алма кезектей оқи отырып әр шумақтан соң Блум токсономиясын пайдаланып,сұрақтар қою арқылы барынша өлеңнің мазмұнын ашу мақсатында жұмыс жасалады.