IV.Сабақты бекіту

«Отырарды мен қорғасам кайтер едім?»- деген тақырыпқа шағын мәтін жазу.

VI. Сабақты қорытындылау

Біз балалар «Отырар» поэмасын өтіп,кішкене болса да, білім қорларымызды кеңейткен сияқтымыз.Тарихты, халықты білдік,ерлік –батырлықты,өрлік-билікті,тіпті сүйікті ақынымыз М.Шахановты кеңінен таныдық.

Қорыта келгенімізде ,біз поэма арқылы қазақ деген қайсар халық екенімізді білдік.Дастаннан Отырар-атты әйгілі шахарымыз болғандығын,сол Отырарды қорғау жолындағы бабаларымыздың жанқиярлық күресте опат болғандығын аңғардық.Сол дәуірде Отырар жеңіліс тапқанымен,қазақ елінің сағы сынбады,қайта елге, отанға,жерге деген сүйіспеншілігі артып, рухы әркез асқақ та биік тұрды.Соның бір айғағы,Рухы өр, тәні бекем қазақ жастарының 1986 жылғы орыс отаршыларына қарсы ұйымдастырған желтоқсан көтерісі.Талай жас қырғынға ұшырады,елі үшін қаза тапты.Сол кездердегі қазақ халқына ұлтшыл деп кінә таққан КОКП Орталық Комитетінің саяси бюросына М.Шаханов ағамыз қарсы шығып,еліміздің тәуелсіздік алуына мұрындық болды.Қазақ елі талай қиын өткелдерден өтіп,бүгінгі күні тәуелсіз ел атанып,бақытты ғұмыр кешуде.

ББҮ кестесі

Білдім	Білемін	Үйренгім келеді

VI.Үй тапсырмасы

Бүгінгі сабағымызды қорытындылай отырып, үйге тапсырма алайық.Өлеңді мәнерлеп оқу,өздеріңе ұнаған тұсын, бөлімін жаттап келу.

VII.Бағалау

Сабақ № 12 Күні:

Сабақ тақырыбы: Н.Сералиев «Аңсау»

Сабақ мақсаты:

Білімділік: Н.Сералиев өмірі мен шығармашылығына тоқтала келе, «Аңсау» әңгімесінің мазмұнын ашу, композициялық талдау жасату.

Дамытушылық: Оқушылардың ой тұжырымдарын, әдеби тіл байлықтарын, есте сақтау қабілеттерін, көркем сөз оқу шеберлігін дамыту.

Тәрбиелік: Ақын – жазушылардың еңбегңн құрметтеуге, үлкенге құрмет, кішіге ізет тұрғысында тәрбиелеу.

Сабақ түрі: жаңа сабақ

Сабақтың әдісі: Оқыта отырып баяндау, сұрақ-жауап, шығармашылық топпен жұмыс

Көрнекілігі: Плакаттар, кейіпкер портреті, интер. тақта

Сабақ барысы

I.Ұйымдастыру кезеңі

Оқушылармен амандасау, кезекшімен сұхбат.

Сыныпты топқа бөлу.

II.Үй тапсырмасын сұрау

М.Шаханов өмірі мен шығармашылығымен таныстыру

1. «Отырар» дастанының жазылу тарихы.

2.Өлеңнің түйіні қандай?

3.Өлеңге арқау болған не жағдай?

III.Жаңа сабақ

Сабақтың мақсаты айтылады.

Нәсіреддин Сералиев 1930жылы Қызылорда облысы Қармақшы ауданындағы Қашқансу деген жерде дүниеге келген.Ол кісі журналистік қызмет атқара жүріп, балаларға арнап көптеген әңгімелер мен повестер жазды. Мысалы: «Ақ лақ пен қара лақ», «Әңгелек», «Ақбөпе», «Ақ қайың», «Ыстық күлше» т.б. Көптеген шығармаларының ішінде бізге оқуға беріліп отырғаны «Аңсау».

Бұл шығармада кішкентай Ермектің өз атасын аңсауы, көшедегі бейтаныс қарияны өз атасына ұқсатып үйіне ертіп келуі, Ермектің балалық шат көңіліне қаяу түсірмеу үшін Ермектің анасының парасаттылығын жазушы қарапайым тілмен шебер суреттеген.

«Кубизм» стратегиясы бойынша жұмыс

Шығарма екі топқа бөлініп беріледі.

Баяндаңыз: әңгімені желісін баяндау.

Суреттеңіз:оқиға болған кезеңді суреттеңіз немесе суретпен бейнелеңіз.

Салыстырыңыз: өткен тақырыптар бойынша құсас шығармаларды салыстыру

Зерттеңіз: Әңгіменің тақырыбын,идеясын, тәрбиелік мәнін зерттеу.

Қолданыңыз: мәтін желісі бойынша қолданылған мақал, нақыл, қазақтың ұлттық тағамдарын теріп жазу және сөйлем құрауға қолданыңыз.Диалогқа көңіл бөліңіз.

Елестетіңіз: Қария мен баланың ойынын елестете суреттеңіз.Анасы бейтаныс қарияға қалай сенім артты?

IV.Сабақты бекіту

Концептуалдық кесте

Әңгіме кейіпкерлері	Адамгершілік қасиеті	Іс-әрекеті	Өз бағаң Себебі

V.Сабақты қорытындылау

Сұрақ-жауап

1.Шығарма несімен ұнады?

2.Кейіпкерлер бойынан қандай қасиеттерді байқадыңдар?

3.Әңгіме соңында қария Ермектің анасына қандай жақсы сөз айтты?

VI.Үйге тапсырма

Шығарманы толық оқу. Автордың басқа да шығармаларын тауып оқу.

«Менің атам» тақырыбында шығарма жазу.

VII.Бағалау

Сабақ №13 күні:

Сабақтың тақырыбы: Ана парасаттылығының суреттелуі.

Әдеби\теор: әңгіме туралы ұғым.

Мақсаты:.Шығарма желісімен ананың биіктігі, ақылдылығын ашу.

Міндеті:

1.Ермектің анасының бейтаныс қарияға жасаған жақсылығын түсіндіру.

2.Ой-өрістерін, тілдерін, шығармашылық ізденістерін дамыту.

3.Мәнерлеп оқуға, көркем сөйлеуге баулу, қонақжайлылыққа тәрбиелеу.Аналарды құрметтеуге тәрбиелеу.

Сабақ түрі: талдау

Сабақ әдісі: баяндау, сұрақ-жауап.

Көрнекілігі: кестелер

Сабақ барысы: