4. Психокоррекциялық бағдарламаларды құрастыру алгоритмі

1. Берілген психологиялық анамнез (ақпарат) психологиялық диагнозды негізге алу.

2. Психологиялық анықтау болжамы арқылы, түзету жұмысының мақсатын құру.

3. Коррекция жұмысының мақсатын құрастыру.

4. Психокоррекциялық жұмыс негізінде құрылатын әдістемелік бағыт таңдау.

5. Коррекция жұмысын жүргізетін, сратегия мен әдісті таңдау.

6. Индивидпен жұмыс түрін анықтау (жеке, топтық немесе аралас).

7. Барлық түзету жұмысына қажетті жалпы уақытты анықтау.

8. Қажетті кездесулер жиілігін анықтау (күнделікті, аптасына бір рет, аптасына екі рет, екі аптада бір рет, т.б.)

9. Әрбір түзету сабағының ұзақтығын анықтау.

10. Коррекция жұмыстарының әдістері мен техникаларын іріктеу.

11. Жұмысқа бөтен адамдардың қатысуын жоспарлау (отбасымен туыстарын қосу т.б.).

12. Коррекция жұмысының бағдарламасын жасап, түзету сабағының мазмұнын анықтау.

13. Қажетті материал мен құрал жабдықтарды дайындау.

14. Процесті кезеңдерге бөлу. Міндетті түрде нәтижені тексеріп, қажетті түзету енгізу үшін психодиагностикалық жұмыс қорытындысын қарау.

15.Коррекция жұмысын жүзеге асыру.

16. Жұмыстың нәтижелілігін бағалау.

17.Өткізілген түзету бағдарламасы нәтижелілігін бақылау туралы психологиялық немесе психологиялық-педагогикалық қорытынды жасау.

18.Түзету нәтижесін, жеке ерекшелігін және клиентінің әлеуметтік жағдайын ескере отырып, алдын алу шараларын жоспарлау және оны жүзеге асыру.

Коррекция бағдарламалары түрлері

Бағдарлама түрлері	Сипаттама
Коррекцияның жалпы моделі	Жеке тұлғаның жас ерекшелігі кезеңіне қарай дамудың шартты жүйесі.Қоршаған әлем және адамдар туралы, қоғамда болатын оқиғалармен олардың арасындағы қатынас туралы түсінігінің дамуы мен нақтылауын болжау.
Коррекцияның типтік моделі	Әрекеттің әртүрлі компонентін игеруге және оларды қалыптастыруға бағытталған.
Коррекцияның жеке моделі	Клиенттің психикалық дамуының жеке сипаттамасы, қызығушылығы, типтік мәселелері ескеріледі.
Стандартты бағдарлама	Коррекция жүргізер алдында бағдарлама кезеңдерінің орындалу мүмкіншілігін тексеру, қажетті материалдардың болуы, бағдарламада ұсынылған талаптар қатысушылардың мүмкіншілігіне сәйкес алынады.
Еркін бағдарлама	Психолог коррекция кезеңдерінің мақсаты мен міндеттерін құрастырады

Психологиялық жағдаят.

Коррекция жұмысында бір адам екінші адамға көмек көрсетуге бағытталады. Коррекция жағдайының негізгі элементтері:

1. Адам өз мәселелеріне жеңілдік іздейді. Бірнеше мәселелері бар психологиялық көмекті қажет ететін адам, психокоррекцияда «клиент» (тапсырыс беруші) деп аталады.

2. Оқыту мен қабылданған тәжірибені тәсіл ретінде қолданып көмек көрсететін адам – бұл психолог «психокорректор» (психолог дамытушы).

3. Индивид мәселесін шешуге қолданатын көрсеткіштер жиынтығы теориямен тікелей байланысты.

4. Индивид пен психологтың арасындағы арнайы әлеуметтік қатынас, клиенттің мәселесін жеңілдетеді.

Коррекциялық жұмыс - бұл психологтың психологиялық қызмет бағыттарының бірі және психикалық қасиеттер мен мінез-құлықтық ауытқуларды түзетуге бағытталған іс-әрекеті.

Бұл әсер ету әруақытта жүйке-жүйесінің дамуының жас ерекшелігі мен қалыпты шамасы негізінде жүзеге асырылады. Осыдан кейін психолог коррекция жұмысының бағдарламасын құрастырады. Психокоррекциялық іс-шаралар бала дамуындағы ауытқу түзетуге бағытталған іс-шара. Осыған байланысты бірнеше өзекті мәселелер туындайды:

- Дамудағы ауытқу туралы нені түсіну қажет?

- Психологиялық коррекцияны жүргізуге арналған көрсеткіштер қандай?

- Коррекциялық міндеттерді анықтау мақсатқа сәйкес пе? Жауапкершілікті кім өз міндетіне алады?

- Коррекция тиімділігінің көрсеткіштері қандай және кім бағалайды?