5. Ойын «Тыңда және орында»

Мақсаты: есту – моторлы есін дамыту.

Барысы: бірнеше әрекеттерді атап, бірақ оларды көрсетпейді. Бір – екі рет қайталауға болады. Балалар бұл әрекеттерді қалай аталса сол ретімен қимыл арқылы көрсетеді.

1.Басты оңға қарай бұру, басты тік бұру, басты төмен қарату, басты тік бұру;

2. Оң қолды жоғары көтеру, сол қолды жоғары көтеру, екі қолды төмен түсіру;

3. Отыру, тұру, бір аяқты көтеру, бір аяқпен тұру, аяқты төмен түсіру, еңкею.

6. Монотопия

Мақсаты: Аффективті, қозғыш балалардың Эмоционалды қозуын бәсеңдету.

Барысы: балаларға екі бүктелген парақта түрлі – түсті дақтарды салуға ұсынылады. Алынған түрлі – түсті дақты парақтың бүктелген екінші жағымен жауып шеңбер қозғалысымен сипалау қажет. Бұдан кейін ұқсас даққа бейнеге енгенше суретті аяқтайды.

7. Ойын «Сен не істеп жатырсың?»

Барысы: Қатысушылар шеңбер бойына тұрады. Жетекші қандай да бір әрекетті көрсетеді, мысалы, «Тісін тазалайды». Сол жағындағы қатысушы оған сұрақ қояды: «Сен не істеп жатырсың?». Жетекші басқа әрекетті атайды мысалы, « Қолымды жуып жатырмын», қатысушы сол әрекетті орындайды. Осылай шеңбер бойымен жалғаса береді.

8. Психогимнастика «Кеме»

Мақсаты: өзіндік бағасын көтеріп, сенімділігін дамыту.

Барысы: Жетекші айтады: « Көз алдарыңа кемемен келе жатқанымызды елестетіңдер. Ауа – райы тынық, күн шығып тұр»деген сөздерді айтқанда жылы, бірқалыпты ауа – райын бейнелетіңдер. «Боран» сөзінде шу басталып, кеме қатты теңселеді. Кемеде келе жатқан бала «Мен бораннан қорықпаймын, мен ең күшті теңізшімін» деп айқайлауы тиіс.

9. Сурет салу.

Мақсаты: қарама – қарсы түсініктерді салыстыра білуді қалыптастыру және өзінің эмоционалдық күйін жеткізе білу.

Барысы: Жетекші балаларға қуанышты және мұңлы суретті салуды ұсынады.

10. Психогимнастика «шеңбер бойынша жалғастыр»

Балалар шеңбер бойынша тұрып, жетекшінің белгісі басталғаннан кейін пантомимика арқылы қандай да бір заттарды алып берулері тиіс, мысалы, ыстық картопты, мұзды көбелекті, ауыр кірпіш тасын, үрмелі шарды.

№ 9 сабақ «Әлемге жағымды қатынаспен қарау»

р/с	Іс-әрекет түрі	Материалдар	Уақыт
1	Амандасу «Қуаныш шеңбері»		5 мин
2	Ойын «Үрлегіш пен доп»		10 мин
3	«Жұдырығымда не бар?»		20 мин
4	Пазылдармен жұмыс	Пазла	15 мин
5	Коллаж «Өз болашағымды қалай елестетемін?»	Ватман, журналдар, қайшы, желім	45 мин
	Үзіліс (ата –аналармен бірге)		20мин
6	Таныстық «Қуаныш ортасы»		5 мин
7	«Жел соғады»		10 мин
8	Үстел ойыны «Қу сайқымазақ»	Ойындық суреттер	10 мин
9	Коллаждарды көрсету. Ата – аналармен кері байланыс	Коллаждар	15 мин
10	Бірге сурет салу (анамен бірге сурет саламыз). Талқылау.	Парақ, қарындаштар	20 мин
11	Сабақтың нәтижесін шығару. Қоштасу		10 мин

Барлығы: 3 сағат

1.Сәлемдесу «Қуаныш шеңбері»

Бір – бірінің қолдарынан ұстап қолының жылуын үнсіз береді. . Бір – бірінің көздеріне қарап, күлімсіреп, ойша жақсы көңіл – күйді тілейді. Кейін шеңбер құрып отырып,осы сәттегі сезімдермен алмасады және кешегі күнді қалай өткізгені туралы айтады.