14.11.Майлы ертінділерді енгізу ерекшеліктері (20 % камфора ертіндісін енгізу).

• Камфора майлы ерітінді болғаннан кейін қатаң түрде тері астына енгізіледі.

• Енгізу алдында ертіндіні ыстық суға салып, температурасын – 37⁰- қа дейін жылытады.

• Тері астына, бұлшық етке салатын инемен енгізеді.

• Инені кіргізгеннен кейін поршенді өзіне қарай тартып қанның бар жоғын тексереді.

• Егер қан болса онда салуға болмайды.

• Дәріні жібергеннен соң 1 сағаттан кейін жылытқыш немесе иодтық сетка жасайды.

14.12.25 % - 10 Мл магний сульфат ертіндісін енгізу ерекшелігі.

• Магний сульфат ертіндісін бұлшық етке жіберетін иненің ұзындығы 80 мм – ге дейін.

• Пациентке дәрінің ауыр әсерін хабарлау керек.

• Дәріні жайлап, баяу жібереді.

• Дәріні жібергеннен соң 1 сағаттан кейін жылытқыш немесе иодтық сетка жасайды.

14.13.10% - 10 мл кальций хлорид ертіндісін енгізу ерекшелігі.

• Кальций хлоридті тек қана көк тамырға жібереді.

• Дәрі жіберер алдында пациентті ыңғайлап жатқызады.

• Дәрінің қандай ауыр әсері бар екенің пациентке хабарлайды.

• Егер пациенттің жағдайы дәріні жіберіп жатқанда нашарлай бастаса, терең дем алғызып, терезені ашып, нашатыр спиртін иіскетеді.

• Дәрі тері астына кетпеу үшін мейіркеш қадағалап отырады.

14.14.Бициллинді енгізу ерекшелігі.

• Бициллин – антибиотикке еріндіні қосқанда суспензия тәрізді болады.

• Бициллинді пациенттің көзінше ерітіп тез арада енгізеді.

• Инені кіргізгеннен кейін поршенді өзіне қарай тартып қанның бар жоғын тексереді.

• Егер шприцте қан болса, онда басқа жерге салады.

14.15.Инсулинді енгізу ерекшелігі.

Инсулиннің әсері қандағы қанттың мөлшерін төмендетуге бағытталған. Инсулин флаконмен шығарылып, бөлшекпен есептеледі. 1 мл инсулинде – 40 бөлшек, кейбір инсулинде 80 бөлшек болуы мүмкін. Инсулинді тоңазытқышта, температурасы +10⁰С сақтайды. Инъекция жасар алдында 2 сағат бұрын инсулинді тоңазытқыштан алып бөлме температурасына дейін жылытады. Инсулинді салатын жерлері: иықтардың ортаңғы сыртқы бөлігі, жауырын асты, санның алдыңғы жақтары, іштің аймағы.

• Инсулин жасар алдында бір рет қолданатын шприцті инесімен, инсулині бар флаконды, стерилденген мақта шариктерді, 70 % спирт, пинцет, резенке қолғапты әзірлеңіз;

• Флаконды оқып, тұнықтығын, қолдану мерзімін тексеріңіз.

• Флаконды араластырыңыз.

• Пинцетпен флаконның сыртқы темір қақпақшасын спиртпен сүртіп ашыңыз.

• Инсулин шприцін дайындаңыз.

• Флаконның резеңке жағын спиртпен сүртіңіз.

• Шприцке қанша бөлшек инсулин керек болса, сонша ауа сорып алыңыз.

• Ауаны флаконға жіберіңіз.

• Флаконды төңкеріп қанша ауа болса, сонша инсулин сорып алыңыз

• Пациентке хабарлап түсіндіріңіз.

• Салатын жерін дайындаңыз.

• Инсулинді тері астына салыңыз.

• Инсулинді салғаннан кейін 20 – 30 минут ішінде пациентке тамақ ішуін айтыңыз.

Инсулинді липодистрофия асқынуының алдын – алу үшін, ине салатын ауыстырып отырады. Ине салатын жерін спиртпен сүрткеннен кейін, спирт кепкенше тосады.