Бөж тапсырмалары

1. «Елдің қауіпсіздігі – бейбітшілік кепілі» тақырыбына эссе жазыңыз.

2. «Құқық қорғау органдары» тақырыбына презентация дайындаңыз.

Халықаралық ынтымақтастық. Халықаралық ұйымдар

3-сабақ

Қоңсы тату болса – құт,

Қоңсы қаңқу болса – жұт.

Сақтықта қорлық жоқ.

халық мақалы

ТЫҢДАЛЫМ-АЙТЫЛЫМ

1-тапсырма. Сұрақтарға жауап беріңіз.

1. Қазақстан қандай мемлекет?

2. Қазақстанның әлемдік кеңістіктегі орны қандай?

3. Қазақстан қандай халықаралық ұйымдарға мүше?

4. Қай елдермен экономикалық, дипломатиялық қатынастар орнатқан?

ОҚЫЛЫМ-АЙТЫЛЫМ

2-тапсырма.

Қазақстан тәуелсіздіктің алғашқы жылдарынан бастап көпвекторлық сыртқы саясат ұстанды. Ол әлемдік басым державалар арасындағы қатынастарды, халықаралық қатынастардағы одақтар жүйесін және әлемдік тартылыс күштерінің негізгі нүктелерінің ықпалдарын есептеу­ге ұмтылды.

Қазақстан Республикасының 1992 жылы 3 наурызда БҰҰ-ға мүшелікке енуі ел үшін тарихи маңызды оқиға болғаны ақиқат.

Біріншіден, Қазақстанды әлем танып, мойындады. Біз өзімізді толғандырған өзекжарды мәселелерді әлем халықтарымен бірге талқылау мүмкіндігіне ие болдық. Бұлай болуы Қазақстанның ұлттық қауіпсіздігін біршама нығайтты.

Екіншіден, Қазақстан өзінің мүд­де­ле­ріне сәйкес әлемнің мемлекеттерімен екіжақты, көпжақты қарым-қатынастар жасауына, өзі қалаған халықаралық саяси, эко­номикалық, мәдени және қар­жы­лық ұйымдарға кіру үшін зор мүм­кіндіктерге ие болды.

Үшіншіден, БҰҰ-ға мүшелік елде де­мократия, бостандық, бейбітшілік пен этникалық татулық идеяларының неғұр­лым кең қанат жаюына мүмкіндік туғызды. Себебі БҰҰ-ның мақсаттары мен құндылықтары Қазақстанның арман-мақсаттарымен үндес болды.

Төртіншіден, Қазақстан БҰҰ-ға мүше болуы арқылы әлемдік қауіптер, қайшы­лықтар мен қиыншылықтарға қарсы бір­лесіп күресу үшін одақтастар тапты. Өзінің көпвекторлы сыртқы саясатын баянды етуге бағытталған мүмкіндіктерге ие болды.

2001 жылы Шанхай ынтымақтастық ұйымы (ШЫҰ) құрылды. 2002 жылғы 7 шілдеде қабылданған ШЫҰ Хартиясына сәйкес Ұйымның негізгі мақсаттары: өзара сенім, достық пен тату көршілікті нығайту, саяси, сауда-экономикалық, ғылыми-техникалық, мәдени, білім беру, энергетикалық, көлік, экологиялық және басқа салалардағы ынтымақтастықты қолдау. Қазіргі кездегі ШЫҰ-ның мүшелері: Қазақстан, Қытай, Қырғызстан, Ресей, Тәжікстан мен Өзбекстан. Шанхай ынтымақтастық ұйымы – кең халықаралық ынтымақтастыққа бағытталған құрамы кеңейтілуі мүмкін ашық ұйым.

http://anatili.kazgazeta.kz

Сөздік

әлемдік қауіптер, қайшы­лықтар мировая опасность//противоречие

баянды ету закрепить // приобрести стабильность

кең қанат жаю широко развиваться

өзекжарды мәселелер актуальные вопросы // проблема

өзінің мүд­де­ле­рі свои интересы

толғандыру глубоко задумываться

үндес болу соответствовать

ынтымақтастық сотрудничество