7 Мамыр — Отан қорғаушылар күні.

1991 жылы 25 қазанда Қазақстан Президентінің Жарлығымен Қазақ КСР-нің мемлекеттік қорғаныс комитеті құрылды. Кейін республиканың қорғаныс мәселелерін толық түрде жеке шешуге көшуіне байланысты қорғаныс комитеті Қазақстан Республикасының Қорғаныс министрлігі болып қайта құрылды. 1992 жылдың 7 мамырында тәуелсіз елдің заңдық құқықтарының негіздеріне және тәуелсіз мемлекеттер достығына қатысушы мемлекеттер арасындағы қол жеткен келісімдерге байланысты ҚР Президенті Н.Ә. Назарбаевтың Жарлығы шықты. Бұл Жарлық бойынша, Қазақстан аумағына орналасқан Қарулы Күштер  өздерінің мүліктерімен қоса, республиканың қарауына өтті. Жоғарғы Бас Қолбасшы ретінде Қарулы Күштерді басқаруды Президент өз мойнына алды. Елбасынан басқа қорғаныс ісімен тікелей шұғылданатын алғашқы Қорғаныс министрі болып генерал-полковник С.Нұрмағанбетов тағайындалды. Бұл күн Қазақстан Республикасының Қарулы Күштерінің құрылған күні болып құрылғандықтан  «7 мамыр Отан қорғаушылар күні» деп жарияланды. 

9-мамыр — Жеңіс күні.

Жеңіс күні – абыройымыз бен даңқымыздың мерекесі. Табандылық пен ерлік, Отанға деген сүйіспеншілік қатал соғыста Жеңіске жеткізді. Сол бір сұрапыл жылдары Қазақ халқы өзінің Отанына, жеріне деген патриоттық сезімін, ұлттық мақтанышын дәлелдеді. 500-ден аса жерлестеріміз, оның ішінде 96 қазақ Кеңес Одағының Батыры атағын алды. Олар: Бауыржан Момышұлы, Талғат Бигельдинов, Сергей Луганский, Иван Павлов, Мәншүк Мәметова, Әлия Молдағұлова және тағы басқалар. 9 мамыр – бұл мереке ғана емес, бұл ауыр еңбек, бұл халықтың батырлығы. Бiздiң парызымыз – бұл күндi еске сақтау. Бүгінде біздің азаматтық міндетіміз – болашақ ұрпақты Отанын сүюге, елінің, жерінің адал патриоттары, достық пен бірлік туралы түсінік беру арқылы отансүйгіштікке тәрбиелеу.

6 шілде  — Астана  күні. 1994 жылы Қазақстан Республикасы Парламенті отырысында Қазақстан Республикасының Президенті Нұрсұлтан Назарбаев Қазақстанның астанасын Алматыдан Ақмолаға көшіру туралы ұсыныс жасады. 1997 жылы 20 қазанда астананы ауыстыру туралы Жарлыққа қол қойды. 1998 жылы 6 мамырда Ақмола қаласының атауы Астана болып өзгерді. 1998 жылы маусымның 10-ында жаңа елорданың халықаралық тұсаукесер рәсімі өтті. Бұл күн 2006 жылға дейін астананың туған күні ретінде атап өтіліп келді. 2006 жылдан бастап шілденің 6-сы Елорда күні ретінде атап өтіледі.

Қ.Хаирғалиева

ЖАЗЫЛЫМ

3-тапсырма. Мәтіндегі басты ойды білдіретін 8-10 кілт сөзді тауып жазыңыз.

______________________________________________________________

______________________________________________________________

______________________________________________________________

______________________________________________________________

______________________________________________________________

4-тапсырма. Сөздер мен сөз тіркестерін пайдаланып, сөйлем құраңыз.

Достық, бірлік, ұлттық мақтанышы, батыр, жарлық, мәдениет қайраткерлері, әлеуметтік сала, әскери, құқық қорғау саласы, белсенді.

Есте сақтаңыз!

1 желтоқсан – Елбасы күні

16 желтоқсан – Тәуелсіздік күні

1 қаңтар – Жаңа жыл

8 наурыз – Халықаралық әйелдер күні

22 наурыз – Наурыз мейрамы

1 мамыр – Қазақстан халқының бiрлiгi мерекесi

7 мамыр – Отан қорғаушылар күні

9 мамыр – Жеңіс күні

30 тамыз –Конституция күні

АЙТЫЛЫМ

5-тапсырма.

Сіз қандай діни мейрамдарды білесіз?

Қандай кәсіби мерекелерді білесіз?

Халықаралық әйелдер күні мерекесінің тарихын білесіз бе?

АЙТЫЛЫМ

6-тапсырма.

1 қаңтар – Жаңа жыл мерекесі. Жаңа жыл – әлемдегі қуанышқа толы ең ғажайып мерекелердің бірі. Жаңа жыл сиқырлы, әрі қайталанбас таңғажайып мереке. Бәріміз келе жатқан жаңа жылдан жарқын ертегі, жаңа бақыт күтеміз. Қазақтар үшін Жаңа жыл мерекесін наурыздың 22-сінде, күн мен түн теңелген қасиетті мезгілде басталған. Жыл сайын жаңа жылды обасында қалай қарсы аласыз? Жаңа жылдан не күтесіз? Жыл сайын келер жылдан үміт еткен тілектеріңіз орындалды ма?