Сабақтың барысы:

I.Ұйымдастыру кезеңі:

Оқушылардың зейінін сабаққа аудару

Үй тапсырмасын тексеру

Жаңа сабақ:

Шапан. Қазақтар оны «жағалы киім» ретінде бағалайды. Адамға «шапан кигізу», «иығына шапан жабу» - үлкен құрмет. Бұрындары хандар батыр, би, жақсы-жайсыңдарына дәреже бергенде соның белгісі ретінде арнайы тіктірткен шапанды олардың иығына жапқан, түрлі мемлекеттік қатынастарды бекіту белгісі ретінде де шапан жіберетін болған. Қазақта ат мінгізіп, шапан жабу дәстүрі қазір де бар. Ханның өзі киген шапанын сыйға алу – қазақ халқында үлкен мәртебе. Шапанның түрлері көп. Олар: тік жағалы, қайырма жағалы, жағасыз, сырма шапан және тағы басқа. Шапанды ерлермен қатар әйелдер де киген. Олардың шапаны ерекше сәнді болған.

Қауіпсіздік ережесі:

1.Инені аузыңа салма.

2.Инені киміңе қадама.

3.Қайшының аузын ашық тастама, жолдасыңа берер кезде ұстайтын жағын қаратып бер.

Сергіту сәті:

Тербеледі ағаштар,

Алдымнан жел еседі.

Кіп-кішкентай ағаштар,

Үп-үлкен боп өседі.

Практикалық жұмыс:

Қайып тігу тәсілін үйрету. Шапанды тігіп аяқтау. 1. Мата жиегіне салынған белгіден инені шаншып, оны теріс бетінен оң бетіне өткізеді. Жіптің түйіні матаның теріс бетінде қалады. 2.Ине ұшын матаның өңіне салынған белгі бойымен бір қадам шанышқызып, оның ұшын екі қадам ілгеріден шығарады. Жіпті суыра тартып, тігісті бекітеді. 3.Алғашқы бірінші қадамға тігіс шеті мен екінші рет иненің ұшы шыққан аралықтағы бос қадамды тігіспен толтыру үшін, инені кейін қайтарып, бірінші тігісті жалғастыра инені шаншып, үшінші рет бір қадам бос қалдыра ине ұшын шығарып, жіпті суыра тартып, тігісті бекітіп отырады. Сөйтіп «қайып тігу» тәсілінде бос қадам болмай, тігіс тегіс орындалады. Мұндай тігіс мықты болады.

Шапан тігу: 1.Шапанның алдыңғы және артқы бөліктерін мата бетіне бормен сызып, қиып ал. 2.Шапан бөліктерін қайып тігу тәсілімен біріктір.

Сабақты қорытындылау: сабақ соңында оқушылар орындаған жұмыстарын үлгіге қарап салыстыру. Жұмыс сапасын тексеру.

1.Шапанды кімдер киеді?

2.Көктеп тігу мен қайып тігудің қандай айырмашылығы бар?

3.Шапан бөліктерін біріктіру үшін қандай тігіс қолдандың?

4.Көктеп тігу қай кезде қолданылады?

Үйге тапсырма: Шапан тігу. 104-106 бет оқу.

Бағалау:

Оқушылардың жұмыстарынан көрме ұйымдастырып, бағалау.

Тексерілді:

Күні:13.04.15 пәні: еңбекке баулу сынып: 2«Ә» Сабақтың тақырыбы: Шәрке Сабақтың мақсаты: Білімдік:Оқушыларды аяқкиім түрлерімен таныстыру, шәркені өңдеу туралы білім беру. Дамытушылық: Шәрке жөнінде және тігіс тігу тәсілі туралы алған білімі мен іскерлігін дамыту. Тәрбиелік: Ұлттық аяқкиім үлгілеріне деген қызығушылығын, эстетикалық талғамын арттырып, еңбексүйгіштікке, іскерлікке тәрбиелеу. Сабақтың түрі: аралас сабақ. Сабақтың көрнекілігі және қажетті құрал-жабдықтар.