Сабақтың барысы:

I.Ұйымдастыру кезеңі:

Оқушылардың зейінін сабаққа аудару

Үй тапсырмасын тексеру

II.Жаңа сабақ:

Шәркей, шақай, шоқай, шәрке – көннен жасалынған қарабайыр аяқкиім. Оны тау шөгінділерімен жүргенде аңшы, құсшылар және шаруашылықпен айналысатын егіншілер етік сыртынан киген, нәтижесінде ол аяқкиімді тез тозудан сақтаған. Ол шала иленген көн «шылғи» теріден жасалыады, өкшесі мен қонышы болмайды, табанына киіз ұлтарақ салынады. Теріні аяққа шақтап орап не бүре отырып, қалыптап байпақ басына тарылтып «науалап» жасайды, бауын өкше жағынан шығарады. Аяқкиімге орналастыруды «Шәркей тарту» деп атайды.

Аяқкиім өкшелі, өкшесіз болып бөлінеді. Өкшесіз аяқкиімдерге: мәсі, пима, кебістің кейбір түрлері жатады. Шәрке – ірі қараның иленбеген терісінен жасалған өкшесіз жеңіл аяқкиім. Бұдан басқа сары шоқай, шабата, шәркей, шөпшөр, шәрке, мөкі, кебіс сияқты жеңіл аяқкиім түрлері бар.

Сергіту сәті:

Орнымыздан тұрамыз,

Қолды алға созамыз.

Бір отырып, бір тұрып,

Біз шынығып аламыз.

Практикалық жұмыс.

Үлгіқалып дайында.

Үлгіқалыпты екі бүктелген қызыл түсті матаның бетіне орналастыр. Ол жылжып кетпес үшін түйреуішпен түйреп қой.

Шәркенің қонышы тұтас пішіледі, ал табаны бөлек қиып алынады.

Шәркені екіге бүктеп, қонышынан бастап тұмсығына дейін көктеу тігісімен біріктіріп тік.

Шәркенің табанын қонышына көктеу тігісімен біріктір.

Өз қалауларың бойынша әшкейлеңдер.

III.Сабақты қорытындылау: сабақ соңында оқушылар орындаған жұмыстарын үлгіге қарап салыстыру. Жұмыс сапасын тексеру.

Шәркені не үшін пайдаланады?

Шәрке қандай материалдан жасалады?

Шәркеге қандай ою салуға болады?

IV.Үйге тапсырма: Шәрке тігу.(107 бет) Бағалау: Оқушылардың жұмыстарынан көрме ұйымдастырылып, бағаланады.

Тексерілді:

Күні:17.04.15 пәні: еңбекке баулу сынып: 2«Ә»

Сабақтың тақырыбы:Металмен жұмыс істеуге қажеттік құралдар.

Сабақтың мақсаты:

Білімдік:Оқушыларға әртүрлі сырға үлгілерін жасап үйрету.

Дамытушылық:Қазақтың зергерлік бұйымдары туралы ойларын дамыту.

Тәрбиелік:Ұлттық бұйымдарға деген қызығушылығын, эстетикалық талғамын арттырып, еңбексүйгіштікке, іскерлікке тәрбиелеу.

Сабақтың түрі: аралас сабақ.

Сабақтың көрнекілігі және қажетті құрал-жабдықтар.