Асқазанды зондсыз әдіспен жуу

Мақсаты: емдік: улану – улы заттардың әсер етуін тоқтату және оларды организмнен шығару.

Дигностикалық: химиялық заттарды, микроорганизмдерді және олардың уыттарын жуынды судан анықтау.

Қолдану көрсетілімдері: сапасы төмен тамақпен, дәрілермен, химиялық заттармен улану.

Дайындаңыз: ішінде суы бар 2-3 л ыдысты, стаканды, сүлгіні немесе салфеткаларды, дезинфектанты бар контейнерді, жуынды суға арналған ыдысты (леген)

Іс-әрекет алгоритмі:

1.Орындыққа науқасты отырғызыңыз;

2.Науқастын аяғына жуынды суға арналған ыдысты қойыңыз;

3.Науқастың кеудесін сүлгімен немесе салфеткамен жабыңыз;

4.Гигиеналық деңгейде қолыңызды өңдеңіз;

5.Науқасқа 4-6 стакан суды қатарынан ішуге ұсыныңыз;

6.Құсық рефлексін шақыру үшін оң немесе сол қолдың 2-3 саусақтарымен, шпательмен тілдің түбірін тітіркендіруін науқастан сұраңыз.

7.«Таза жуынды су» алынғанша емшараны бірнеше рет қайталаңыз;

8.Науқасқа ауызын шайқау үшін су беріңіз, ауыз айналасын салфеткамен сүртіңіз;

Ескерту:

-Белгісіз у мен уланғанда құсығын таза құрғақ банкаға жинаңыз;

-Банкінің қақпағын тығыз жабып, жолдаманы толтырып лабораторияға зерттеуге апарыңыз.

Науқасты дайындау және фракциялық әдіспен асқазан сөлін алу

Мақсаты: диагностикалық: асқазан ішіндегі затты алу, асқазанның секреторлы, қышқылды бөлу және қозғалыс қызметтерін зерттеу.

Қолдану көрсетілімдері: диагностикалық: қышқылы жоғары созылмалы гастритте немесе қышқыл бөлу төмендеуінде асқазанның қызметін анықтау.

Қарсы көрсетілімдері: өңештен және асқазаннан қан кету, эзофагит, асқазан ойық жарасының өршу қезеңі, порталды гипертензия стенокардия, бронхиальді астма, гипертония, жүктіліктің 2 жартысы, науқастың халі ауыр жағдайы.

Асқынулар: асқазаннан қан кету, талып қалу, коллапс және т.б.

Дайындаңыз: залалсыздандырылған бір рет қолданылатын жіңішке асқазан зондын, таза бүйрек тәрізді лотокті, асқазан сөлі үлестерін бөлек-бөлек сақтауға арналған 9-11 дана ыдысты (белгіленген банка немесе пробиркалар), 20 мл шприцті, қысқышты, сүлгіні, қолғапты, клеенкалы алжапқышты, салфеткаларды, энтеральды байқау тағамын(парентеральды байқау тағамын – 0,1% гистамин ерітіндісін немесе 0,25% пентагастрин ерітіндісін), лабораторияға жолдама жазыңыз, онда науқастың аты-жөні, бөлімшесі, палатасы, зерттеу күні, үлестердің нөмері көрсетіледі.

Іс-әрекет алгоритмі:

1.Зерттеуді таңғы уақытта аш қарынға жүргізіңіз.

2.Науқасқа психологиялық дайындықты жүргізіңіз және оған емшара реттілігі туралы түсіндіріп, оның келісімін алыңыз.

3.Науқасты жоғары арқасы бар орындыққа ынғайлы және дұрыс отырғызыңыз, оны орындықтың арқасына тығыз сүйенуін ұсыныңыз. Басын сәл алдына карай еңкейтіңіз.

4.Науқастың кеудесін, ішін және аяғын клеенкалы алжапқышпен жабыңыз, ал мойынына және кеуде үстіне сүлгіні жабыңыз.

5.Қолыңызды гигиеналық деңгейде жуып, қолғапты киіңіз.

6.Ағып жатқан сілекейді және шырышты жинау үшін науқастың қолына лотокты беріңіз.

7.Емшара алдында науқас алмалы-салмалы протезді алғанын қадағалаңыз.

8.Зондтың жұтатын ара қашықтығын өлшеңіз (төменгі күрек тістен кіндікке дейінгі аралық – бірінші белгі және науқастың бір алақан аралығын қосыңыз – екінші белгі).

9.Залалсыздандырылған зондты пакеттен (пинцетпен) алып, сақталу мерзімін және саңылаусыздығын тексеріңіз.

10.Залалсыздандырылған зондты оң қолыңызбен саңылаулы ұшынан 10-15 см аралықтан жазатын қаламұштай етіп алыңыз, ал сол қолмен бос ұшынан ұстаңыз.

11.Науқастан аузын ашуын сұраңыз, суландырылған зондтың саңылаулы ұшын тілдің түбіріне салып, сосын терең жұтқыншаққа қарай енгізіңіз.

12.Науқастың мұрын арқылы терең дем алуын, жұтыну қозғалысын жасап, зондты өңешке және асқазанға қарай қажетті белгіге дейін енгізіңіз (егер де науқас жөтелсе онда тез арада сүңгіні шығарып алыңыз!).

13.Науқасқа ескертіңіз, зондты тісімен қысуға болмайды және сілекейін жұтпай сүлгіге түкіріп тастауы керек.

14.Зондтың бос ұшына шприцті қосыңыз.

15.Ашқарындағы асқазан сөлін алыңыз (№ 1 үлес – «ашқарындағы» сөлдену).

16.Бір сағат бойы әрбір 15 минут сайын ыдысты ауыстыра отырып асқазан сөлін алыңыз (№ 2, № 3, № 4, № 5 үлестік – «өзекті» сөлдену).

17.Асқазан сөлін бөлетін энтеральды байқау тағамын (парентеральды тітіргендіргішті енгізіңіз: 0,1% 0,01 мг гистамин ерітіндісін тері астына немесе 0,25% пентагастрин ерітіндісі 1 кг дене салмағы есебіне 6 мкг).енгізіңіз

10. инуттан кейін 10 мл асқазан сөлін алыңыз (№ 6 үлес).

19.Тағы да 15 минуттан кейін барлық асқазан сөлін алыңыз (№ 7 үлес).

20. Бір сағат бойы әрбір 15 минут сайын ыдысты ауыстыра отырып, асқазан сөлін алыңыз (№ 8, № 9, № 10, № 11 – үлестері «ынталандыру» сөлдену).

21.Салфетканың көмегімен асқазаннан зондты шығарып алыңыз, науқастың аузын шайқаңыз, ауыз айналасы терісін салфеткамен сүртіңіз.

22.Қолданылған зондты, қолғапты, салфеткаларды қауіпсіз жоюға арналған контейнерге салыңыз.

23.Барлық 11 үлестердегі асқазан сөлін жолдамамен бірге және қоздырғышын көрсетіп лабораторияға жіберіңіз.

Ескерту: едәуір мөлшерде қан көрінсе онда зерттеуді тоқтату қажет.