1. Салық төлеуші - салықтық құқықтық қатынастардың субъектісі ретінде. Салық төлеушінің мәртебесін айқындау. Салық төлеушілердің түрлері.

Салық төлеушіні мемлекеттік тіркеу көзделген жағдайларды қоспағанда, және тіркеу есебіне алу тіркеу туралы ( мемлекеттік тіркеу туралы, тіркеу есебіне қою туралы, тіркеу деректерінің өзгеруі туралы) өтініш, есептен шығару туралы  өтініш негізінде жүргізіледі, олар:

1) уәкілетті мемлекеттік орган белгілеген  нысан бойынша жасалады;

2) қол қойылады, куәландырады және салық есептілігі көзделген тәртіппен  салық органдарына беріледі. 

Салық төлеушілерді –заңды тұлғалардың, олардың филиалдары мен өкілдіктері  мемлекеттік  тіркеуді стастика жөніндегі уәкілеттті орган ұсынатын хабарламалардың негізінде салық төлеушінің тіркеу нөмірін бере отырып, уәкілеттік мемлекеттік орган  аталған хабарламаны алған күннен бастап  екі жұмыс күні ішінде жүзеге асырады. Хабарламаның нысанын және оны статистика  жөніндегі  уәкілетті мемлекеттік  орган мен статистика  жөніндегі  уәкілетті органның  келісімі бойынша Қазақстан Республикасының  Әділет министрлігі  бекітеді. Салық төлеушінің  куәлігін  тіркелген заңды тұлғаға,  филиалға және өкілдікке салық төлеушінің тіркеу нөмірін берген күннен бастап бір жұмыс күні ішінде беру үшін оны салық органы Қазақстан Республикасының Әділет министрлігімен  келісім бойынша  уәкілетті мемлекеттік орган айқындайтын тәртіппен әділет органына жіберуге тиіс. Салық төлеушілерді мемлекеттік тіркеу  және тіркеу есебіне алу тәртібін, сондай-ақ  тіркеу және есептен шығару туралы өтініштерге қоса берілетін құжаттардың құжаттардың тізбесін уәкілетті мемлекеттік орган белгілейді. Салық салу объектілерінің есебін жүргізу тәртібін уәкілетті мемлекеттік орган белгілейді.

8-тақырып. Салықтық міндеттеме.

Дәріс жоспары:

1. Салықтық міндеттеменің ұғымы, әлементтері және ерекшеліктері. Салықтық міндеттеменің азаматтық құқықтық міндеттемеден өзгешелігі.

2. Салықтық міндеттеменің құрамы: субъектілері, объектісі, мәні. Салықтық міндеттеменің туындауының, өзгеруінің және токтатылуының негіздері.

3. Салықтық міндеттемені орындау. Салықтық міндеттемені орындау мерзімдері.

4. Мерзімінде орындалмаған салықтық міндеттеменің атқарылуын қамтамасыз ету тәсілдері. Салық берешегін мәжбүрлеп алу шаралары. Салықтық міндеттемені тоқтату негіздері.

1. Салықтық міндеттеменің ұғымы, элементтері және ерекшеліктері. Салықтық міндеттеменің азаматтық құқықтық міндеттемеден өзгешелігі.

Салық төлеушiнiң Қазақстан Республикасының салық заңнамасына сәйкес мемлекет алдында туындайтын мiндеттемесi салық мiндеттемесi деп танылады, оған орай салық төлеушi салық органында тiркелу есебiне тұруға, салық салу объектiлерiн және (немесе) салық салуға байланысты объектiлердi айқындауға, салықты және бюджетке төленетiн басқа да мiндеттi төлемдердi есептеуге, салықтық нысандарды жасауға, салық тiркелiмдерiн қоспағанда, салықтық нысандарды салық органына белгiленген мерзiмде табыс етуге, салықты және бюджетке төленетiн басқа да мiндеттi төлемдердi төлеуге мiндеттi.      Мемлекеттiң салық қызметi органы арқылы салық төлеушiден оның салық мiндеттемесiн толық көлемiнде орындауын талап етуге, ал салық мiндеттемесi орындалмаған немесе тиiсiнше орындалмаған жағдайда осы Кодексте көзделген тәртiппен оларды қамтамасыз ету жөнiндегi тәсiлдердi және мәжбүрлеп орындату шараларын қолдануға құқығы бар.

Мүлiк пен iс-әрекеттер салық салу объектiсi және (немесе) салық салуға байланысты объект болып табылады, олардың болуына байланысты және (немесе) олардың негiзiнде салық төлеушiнiң салық мiндеттемесi туындайды.

      Салық базасы салық салу объектiсiнiң құн, физикалық немесе өзге де сипаттамаларын бiлдiредi, олардың негiзiнде салықтың және бюджетке төленуге жататын басқа да мiндеттi төлемдердiң сомасы айқындалады.

Салық ставкасы салық салу объектiсiнiң немесе салық базасының өлшем бiрлiгiне салықты және бюджетке төленетiн басқа да мiндеттi төлемдi есептеу жөнiндегi салық мiндеттемесiнiң шамасын бiлдiредi.

Салық ставкасы салық салу объектiсiнiң немесе салық базасының өлшем бiрлiгiне процентпен немесе абсолюттi сомамен белгiленедi.

Салық кезеңi деп салықтың және бюджетке төленетiн басқа да мiндеттi төлемдердiң жекелеген түрлерiне қатысты белгiленген уақыт кезеңi түсiнiледi, ол аяқталған соң салық салу объектiсi, салық базасы айқындалады, салықтың және бюджетке төленуге жататын басқа да мiндеттi төлемдердiң сомасы есептеледi.