Добавил:
Upload Опубликованный материал нарушает ваши авторские права? Сообщите нам.
Вуз: Предмет: Файл:
2-к.ЕГ 02.10..15 293 б.docx
Скачиваний:
0
Добавлен:
01.07.2025
Размер:
3 Мб
Скачать
☆

Химия өндіріс жұмысшыларына санитарлық-тұрмыстық қызмет көрсетуге қойылатын талаптар

Химия өндірісіндегі жұмысшыларға қызмет көрсетуге арналған бөлмелерге негізгі құрылыстық талаптар СНменЕ-ге сәйкес жобаларда көрсетіледі, ал санитарлық-гигиеналық талаптар және жеке арнайы құрылыстық талаптар – СН және ведомстволық нормалар бойынша анықталады. Санитариялық-тұрмыстық бөлмелер құрамына: киім ілгіштер, жуынатын жер, дәретханалар, душтар, қол және аяқ ванналары, әйелдердің жеке гигиена бөлмелері, темекі тарту бөлмесі, кір жуу, химиялық тазалау, кептіру, жұмыс киім және аяқ киімдерді зарарсыздандыру, шаңсыздандыру бөлмелері, фотарийлер, респираторлық бөлмелер, тамақтану пункттері кіреді.

Санитарлық-тұрмыстық бөлмелер құрамы өндірістік процестер тобымен сәйкес (4 топ) анықталады.

Өндірісте күшті және нашар иісті заттар болғанда, санитарлық-тұрмыстық бөлмелер басқа өндірістің өндірістік және санитарлық-тұрмыстық бөлмелерінен оқшауланып орналастырылуы тиіс. Тұрмыстық бөлмелерді санитарлық өткізгіш типі сияқты құрады, олардың әрқайсысының тамбур жылжымалы қақпа (шлюзге) шығатын есігі бар. Жұмыс киімін сақтайтын шкафтардан ауа механикалық желдету арқылы шығарылады.

Кәсіпорындарда механикалық кір жуу, химиялық тазалау, кептіру, арнайы киім және аяқ-киімді жөндеу және зарарсыздандыру, шаңсыздандыруға арналған бөлмелер қарастырылуы тиіс.

Дене және арнайы киімнің заттармен ластануы болатын, арнайы жуғыш заттар қолданып тазалап отыратын өндірістік процестер топтары үшін үй киім-дері және арнайы киімге арналған гардеробтар (киім ілгіш) жеке болуы керек.

Арнайы киім ілгіштер, душтар, жуынатын жер, кептіру, арнайы киімді зарарсыздандыру және шаңсыздандыру, әйелдердің жеке гигиена бөлмелері, дәретханаларды жуғыш заттар қолданып жуу және тазалауға жеңіл, әрі төзімді материалдармен қабырғалары және арасындағы қалқалары жабдықталуы және де төбесі ылғалға төзімді бояумен боялуы тиіс.

Өндірістік ғимараттан тұрмыстық бөлмеге дейінгі ара қашықтығы 300 м-ден аспауы керек. Бұл бөлмелер өндірістік ғимаратпен жылы коридор арқылы қосылуы керек немесе ғимаратта орналасуы мүмкін.

Әрбір цехта демалуға арналған бөлмелер болуы керек, олардың қасында су ішетін кішкентай фонтандар және газсуы бар сатураторлы қондырғылар орналастырылуы тиіс. Жұмыс бөлмесінде тамақ ішуге болмайды. Тамақ ішу үшін зауыттың асханадан бөлек, қол жуғышы және титаны бар бөлмелері болады.

Химиялық өндірісті жобалау кезінде тамақ ішу пункттері, медициналық алдын алу комплекстері, әлеуметтік-еңбек реабилитация (жарамдылық) және сауықтыруға арналған кешендер қарастырылуы тиіс.

Жұмысшыларды санитарлық-тұрмыстық қамтамасыз ету бойынша жобалық материалдарды тағамтану және коммуналды гигиена мамандарымен бірігіп жүргізу керек.

Химиялық шикізат және дайын өнімдерді гигиеналық стандарттау

Технологиялық процесте қолданылатын шикізат және дайын өнімдерде улы қоспалар болуы мүмкін. Осыған байланысты технологиялық процестер мен рецептураны шектеу керек. Мемлекеттік стандартқа шектеулерді енгізу жолымен қоспалардың рұқсат етілген санын гигиеналық шектеудің бұл бағыты уақытша немесе тұрақты техникалық жағдай және ауамен бақыланатын өнімдерде олардың болуына бақылауды ұйымдастыру гигиеналық стандарттау (медициналық көрсеткіші бойынша) деп аталады. Гигинеалық стандарттау нәтижесінде өндірілетін химиялық өнімдердің әрбір партиясына міндетті түрде арнайы төл құжат (сертификат) беріледі, бұнда өнімнің лабораториялық сараптау мәліметтері көрсетіледі.

Гигиеналық стандарттау негізінде жаңа химиялық зат, олардың қоспалары, дайын өнімдерді тәжірибелік токсикологиялық зерттеу нәтижелері жатқызылуы мүмкін. Оларды алу және қолдану (ысыту, механикалық өңдеу, жанасу дәрежесі т.б.) жағдайлары, жұмыс аймағы ауасындағы концентрациясы, рецептура немесе қауіпті қоспа болуына тәуелді әсері, зерттелген үлгі өнімдерімен салыстырғандағы улылық дәрежесі есепке алынуы қажет.

Мемлекеттік стандарттар және техникалық жағдайлар сәйкес бөлімдерінде ҚР денсаулық сақтау министрлігімен келісіледі. Бұл кезде радиоактивті күшті әсер ететін улы заттарды және өсімдікті қорғау заттарын сақтау және өндіруге ерекше көңіл аударылуы тиіс.