Киімдердің түсі туралы

Іскер ерлер киімнің түсі қара, қара-сұр және қанық көк болғаны дұрыс. Мұндай түстер әрбір адамға келе береді. Сонда да адам өзіне қай түс жарасатынын, реңі мен шашының түсіне сай болғанын білгені артық болмайды.

Тор көзді және қоңыр түсті костюмдер әр кезде жараса бермейді. Ал қызыл мен жасыл түсті киімдер 90-жылдардың «жаңа орыстарын» және клуб киімдерін еске салады.

Ақ түсті киімдер өте жарасымды көрінеді. Жаз уақытында бұл түс – келісімді түс. Егер «ағылшындық ақ жолақты» костюм киетін болса, ол жұмыс жасау үшін тіпті ұтымды.

Шалбардың түсі дәл костюмдей болмаса болады. Ашық түсті костюм мен қара шалбар үйлесімді. Ал ақ түс кигенде, абай болған жөн. Таза ақ түс гольф ойнағанда не яхтада болғанда ғана қажет. Белдіктер де қанық көк, қара сұр, қара түсті болғаны дұрыс.

Әйелдердің киім түсі туралы бөлек айтқан дұрыс. Олар үшін қанық көк, қоңыр, сұр жасыл, көк қара түстер дәстүрлі деп айтуға болады. Ханымдар ашық түсті костюмдерді сырт келбетіне қарай кие беруіне болады. Мысалы, қызыл және қоңыр сары, қоңыр қызыл түстер. Ал оларға қара түсті киімді жиі кие беру керек емес.

Әйел адамдардың киімінде ақ пен қара түсті, қара мен қызыл түсті және әр түрлі түстерді қатар қолдану өте үйлесімді. Жейденің ең дұрыс түсі – ақ. Ол түс кез-келген костюммен үйлесе береді. Киім-кешек ішінде ақ түстің болуы шарт. Бірақ оны күнде кие беруге болмайды.

Күнделікті жұмыс үшін іскер адамдарға қара немсе сұр, көгілдір немесе көк түсті сызықтары бар ақ жейде киген жөн. Сарғыш немесе қоңыр сары түске қызықпаған дұрыс. Бұл түстер адамдарға ескі киімді кигендей әсер етеді. Қара түсті жейделер жинақы етіп көрсетеді. Бірақ ол фильмдегі банды топтарын еске түсірмеуі қажет.

4-тапсырма. Сұхбатты жалғастырыңыз.

- Неліктен ерлер киімнің түсі қара, қара-сұр және қанық көк болғаны дұрыс?

- ... ... ... . Ал ашық түсті киімдерді жаз уақытында киген ыңғайлы екен. Оның себебі не?

- Себебі, жаз уақытында бұл түс – келісімді түс. Әйелдер киімінің түсі қандай болуы шарт?

- ... ... ... . Ал әйелдердің сырт келбеті мен шашының түсі қандай рөл атқарады?

- ... ... ... . Қара түсті киімдер жиі киюге болады. Ол неліктен?

- ... ... ... .

5-тапсырма. Сөйлемдерді толықтырыңыз.

1. Киімнің түсі аяқ киімнің (цвету) ... сай болғаны жөн.

2. Ертеңгі (о собрании) ... оның есіне салды.

3. (Женщинам) ... түс жараспайды.

4. Сен қандай (цветом) ... қызығасың?

5. Сарғыш түстер (людям) ... кері әсер етеді?

6-тапсырма. Жаңа сөздермен танысып, мәтінді тыңдаңыз.

тағу – надевать

тағылу – быть надетым

ресми – официально

кеңсе жұмысы – офисная работа

шұлық – носки

Іскер ерлер және олардың әйелдері ақ көбелек-галстук тек қана фракпен тағылатынын білгені дұрыс (фракпен қатысатын жиынға шақыру қағазын ұсынғанда ''white tie''), ал смокинг кигенде тек қара көбелек тағылады (“black tie” деп жазылады).

Өте ресми емес кештерге әдетте, смокингті қызыл көбелекпен киіп келеді. Төс қалтаға галстук түсіне сай орамал салып қояды. Ондағы түстер галстук пен мойын орамалдағы түстердің бірінен болғаны дұрыс немесе дәл солардың түсіндей болғаны жөн.

Аяқ киім түсін таңдағанда, ең ыңғайлысы, қара түстісін алған дұрыс. Көп жағдайда қоңыр аяқ киімдер киіле береді. Бірақ оны қара немесе көк түсті костюммен кисе, жараспайды. Ашық түсті аяқ киімдер ашық түсті шалбарлар үшін керек, алайда тек қанық қара немесе қара түсті аяқ киім таңдаған дұрыс. Ашық түсті аяқ киім кеңсе жұмысына арналмаған деген ереже бар.

Енді шұлықтар жөнінде айтсақ, бұл жерде тек бір ғана ережені есте сақтаған дұрыс: олар шалбарға қарағанда қою түсті болуы және табиғи материалдан жасалуы тиіс.

7-тапсырма. Сұрақтарға жауап беріп, мәтінді мазмұндаңыз.

1. Ақ көбелек-галстук немен ғана тағылады?

2. Қай кезде тек қара көбелек тағылады?

3. Өте ресми емес кештерге смокингті қандай көбелекпен киеді?

4. Төс қалтаға қандай орамал салып қояды?

5. Аяқ киім түсі көбіне қандай болу керек?

6. Ашық түсті аяқ киімді қай кезде кию қажет?

7. Шұлықтар жөнінде не айтуға болады?